CHAPITRE LXVIIL
Commentles daulphinois mirent lesiége devant Alençon.
(44211 De ceste victoire à Baugy furent beaucop recouragiés ceu!x du parti du daulphin; et non merveille, car s'estoient longuement trouvés reboutés, et avoient receu de grandes foules plusieurs fois par les Anglois, qui maintenant furent esbahis à l'aultre lez, pour la mort du duc de Clarence et des aultres grans chiefs qui estoient morts en cesle dicte ruine, dont ils se trouvèrent affoiblis de couraige et de hardement que plus ne povoient, et especiallement parce que le roy estoit delà la mer, et eulx loings de son se cours.
Or estoient les François, ceulx du parti du daulphin, sur la baudeur de la bonne aventure
(4) Après les désastres de Crécy, de Poitiers et d’Azincourt, la victoire remportée à Baugy par les Fran çois releva les courages abattus, et fit concevoir la possibilité d'un meilleur avenir.
passée, et reboutés arrière en aultre entreprinse sur leurs ennemis toute nouvelle, car en poursuivant leur poindre , qui jà leur sembloit estre favorisé aucunement de fortune, ils espéroient, par vertu de coraige et de dilligence et par travail des choses difficiles, se peut tirer le fruit que les cuers non esbabis y quièrent. Siest vray que les dessusdits seigneurs, vaincuers nouvellement4de ceste bataille de Baugy, le comte de Bocquem, le mareschal de la Fayette, La Hire, Potton et beaucop d'aultres bien haulx hommes prant nombre, jusques au nombre peut estre six mil combatans, pour procurer dommaige aulx Anglois et à eulx avancement, vindrent devant la forte ville d'Alenchon pour mectre lesièyre; et estoit ceste ville fort dommaigeuse au pays du Perche et au Maine et aux pays frontiers que le daulphin tenoit , jà-soit-ce-que maintenant , après ceste bataille dont j'ay parlé dessus, la garnison qui y souloit estre , et souloit porter beaucop de grans griefs aux François à leurs terres , estoit beaucop diminuée et affoib'ie ; par quoy il sembloit à ces seigneurs daulphinois que la “ille en seroit moins deffensable , et qu'il seroit bon, tandis que le roy anglois estoit eslongié de Normandie, que ils besoingnassent et exploictassent temps à bon prouffit. Comme il fut avisé et emprins il fut fait; et mirent leur siége bien et arestement tout à l'entour de la ville bien estroit, combien que les Anglois qui estoient commis pour la garder se mirent à l'encontre très-aigrement et en temps qu'il leur estoit possible; mais ce ne leur valut, car trop estoient foibles en dedens, et peu secours des citoyens et habitans, se ce n’estoit plus par crémeur que par amour, car encoires estoient-ils nouvellement conquis au roy anglois; si ne pouvoit encoires estre leur cuer eslongié ne fourtraict de leur ancienne inclinacion et que leur nature ne tirast plus à l'amour des François que des Anglois, desquels par force il leur failloit maintenir le party. Or avoient faict les assiégans leur approches belles et notables, et avoient en aucuns endrois de la ville, là où il faisoit le plus foible, affusté ancunes grosses bombardes, par lesquelles ils firent moult de travail et de grans griefs à leurs
murs. Plusieurs aultres engins aussi dressèrent devant eulx mortellement felles , par lesquels ils rompirent taudis et guérittes, enfondrèrent maisons , abattirent combles et créneaulx, tuèrent gens et affolèrent, et tindrent si estroit les enclos, que à paine se osoient trouver sur les rues. Si s'esbahissoient les Anglois, et véoient bien, sans avoir secours ou par dehors ou par dedens, à la longue la deffense ne leur estoit pas portable, ni tenable la ville. Si trouvèrent manière secrèlement d'envoyer à Rouan, devers le comte de Salsebery et ailleurs, leur prier que bien tost les voulsist délivrer de ce dangier, ou aultrement ils estoient au bout de leur espoir, et tous acertenés de ‘prochain péril. Les nouvelles aussi, sans envoyer nulle part, estoient toutes esparses par toute Normandie et par toute France, comment le siège estoit mis, et -qui le tenoit, et quoy. Si se mirent les Anglois sus à tous lez, et firent ung rassemblement de toutes leurs garnisons , pour venir lever le siège des François ; et après estre tous assemblés, qui n'estoit pas grant chose pour <elle heure, vindrent jusques auprès où estoit le siége, bien arroyés et mis en bataille comme pour prestement férir dedens, quant l'heure s’y adonroit. Si en furent advertis les François par les bons hommes du pays, qui leur vindrent annoncier la venue de leurs ennemis, à l'intencion de les venir com
batre, et de les faire lever de leur siège. Mais pour ee non plus esbahys que devant, ains tous reconfortés et tous joyeux de les attendre , se tirèrent ung peu hors de leur logis; Yet en belle rangée de bataille, close par der
rière eulx, et fortifiée de leur charroy, se | présentèrent à les recevoir, et ne deman- , dèrent , ce sembloit, que leur venue. Or estoient les Anglois siprès de eulx, là où ils passèrent, comme est le ject d'ung canon , et se tindrent les deux puissances tout à plain près l'un de l’autre. Parquoy, quand les Anglois se virent trop foibles pour enfondrer en la puissance des François, certes, sans eulx -désarroyer ne faire semblant de riens entreprendre, coulèrent chemin, et costoyèrent tout au long de la bataille des François, cuidans vemr à une forte abbaye qui estoit là près, pour là prendre sauveté et retraicte , jus-
ques À un autre temps que plus se trouve- .
roient à l'aventure sur leur avantaige. Mais les François, non contens de ce que si ils .
passassent sans être veus plus de près, efforcément férirent sur leur queue, premier que .
venissent à la dite abbaye, et d'uneempeinte : bien soudainement etasprement poursuivie, en ruèrent jus environ trois ou quatre cens, que de mors , que de prins, que d’uns , que d’autres ; etatant s’en retournèrent les acteurs devers la compaignye qui estoit demourée pied ferme, surattendant. Si, de celle escarmuche et envahye faite sur eulx, eust peu venir ung desroy, et une meute de battaille à bon essient, mais nennil : les An:lois en ouvrérent plus saigement, et voiant bien qu'il n'estoit pas heure de soy vengier, et que pour mieulx valoit perdre une partie que le tout, ils se boutérent en l'abbaye du Bec, et là se logèrent sauvément assez, voire parmy la bonne dilligence qu'ils prindrent de bien regarder devant eulx; car 1l fault entendre que toute la compaignye françoise y vint devant; mais pour ce qu'ils véoient la dite place non recouvrable sur telle puissance , et sur tant de vaillans hommes comme il y avoit dedens, sans grant perte et grant coust des leurs, ils les souffrirent à celle heure, et les laissèrent en paix; et sans retourner plus à leur siège, prindrent leur retour vers leur pays d'Anjou, sans faire autre exploit.
