CHAPITRE LXIX

Comment messire Jacques de Harcourt , bien fortifié en son chasteau de Crottoy, fit guerre par mer aux Anglois.

Or me suis Érbnen teu d'une matière dont dessus piéça devisai d'en parler en son lieu, c'estoit de messire Jacques de Harcourt, nourry avec le duc Jehan de Bowgoingne, et depuis serviteur à son fils, le duc Phelippe. Et peut bien souvenir aux lisans, comment je disoye que le dit messire Jacques de Harcourt garny secretement et avitailla le chasteau de Crottoy, place merveilleusement forte , scituée en mer, et comment par longue espace il se conduisy faintement avec son maistre, le jeune duc, sanslu de<: uivrir son

couraige plainement, et, à traicte de longue ‘ estoit tout autre que son maistre ne cuidast,

main, commença à quérir l'eslonge de luy, et de soy tenir dedens son dit chasteau de Crott..y, lequel il avoit en garde, meismes par le don de son premier maistre trespassé, et par le second depuis. Une fois doncques, en descouvrant la faintise dont il avoit abusé son maistre par aucuns jours, et porté maltalent peut estre, ou pour ce que il maintenoit la guerre si aigre encontre le héritier de France , Charles daulphin, ou pour ce qu'il se seroit adjoinct et allyé avec le roy anglois ennemi des François; dont par le desplaisir, comme je puis arguer, il print argu en son Couraige et inimitié contre son maistre ; que faire ne devoit toutesvoies, attendu que nourriture de prince est occasion à tousjours de maintenir sa querelle envers tous aultres quels qu'ils soient, et donne la nourriture dispense et support à tout vassal à toutes aultres devoirs de nature ; cestuy de Harcourt doncques, plus mallement meu que bien conscillié, gectant tous regars darrière le dos, uny jour mist sus une nef armée et pourveue de toutes necessités , et avec icelle délibéra à faire guèrre aux Anglois, voire à tout homme au besoing leur portant faveur.

Si vindrent les compaignons de ceste nef au havre d'Escaillet; et là, pour le premierexploit, trouvèrent une nef chargée appertenant à uns chevalier nommé messire Hémon de Bou ber, du pays de Bourgoingne. La dite nef fut investie et combattue très asprement , et de fait par puissance prinse, et en-1mmenée au havre de Crottoy, et là détenue, et les bleds dispensés comme chose conquise par bonne guerre. Messire Hémon, bien esbahy de ceste prinse, et ne sçavoit à quelle occasion, car ne cuidoit pas que messire Jacques, qui gentil chevalier estoit, et tous deux d'ung parti, deust porter couraige ennemy à son maistre, ne penser telle malice, plaintif vint au duc de Bourgoingne de celle prinse, et lui requist d'en avoir raison , car la perte lui en estoit dure et le desplaisir grand. Si manda le duc à cely de Harcourt, que il luy feist restitucion de ceste nef, avec les biens qui estoient dedens, et qu'il la feist rendre au dit messire Hémon, qui n'avoit nulle querelle encontre luy; dont messire Jacques qui jà

certes n'en fist gaires de compte; ains luy envoya plainement dire qu'il s'en tenist à con tent , car de la nef ne pensoit à faire nulle restitucion, qui ne la lui touldruit à telle force comme il l'avoit conquise, mais à ce faire il y mectroit deffence le plus qu’il pourroit. Celles parolles et nouvelles furent rapportées au jeusne duc qui assez s'en merveilla durement; mais voyant qu'il n’en povoit avoir d'autre pour le présent, posé qu'il s'en teust n'en pensa pas moms toutesvoies ; et en espéroit bien d'en ouvrer convenablement en temps et lieu, et de soy en vengier, à l'appertenance du cas, ou fortune luy scroit bien dure advenue.

Quand doncques messire Hémon entendy la responce que avoit fait cely de Harcourt à son maistre et seigneur le duc de Bourgoingne, par la quelle il donnoit bien à entendre qu'il avoit prins ung aultre parti'et vouloit mencr guerre aux Anglois, tantost se tira à Calaix vers le capitaine nommé messire Guillaume Valledo, et luy donna à congnoistre le tort et dummaige que luy avoit fait messire Jacques, et comme il avoit changié couraige et parti, et entreprins la guerre sur les Anglois. Sy ne fut pas le capitaine bien à sa paix, mais prestement et de grand air mist ensemble la garnison de Guynes, de Calaix et du pays à l'entour; et, sur intencion de vengier messire Hémon, se mist en mer avec luy, et vint jusques au dit Crottoy, où il brula et ardy toutes les nefs qui y estoient, sans en laisser nulle. Et ce fait, s’en retourna avec ses compaignons à Calaix dont s'estoit party, et le dit messire Hémon avec luy.

Quand messire Jacques se vit ainsi oultraigié des Anglois, et que à l'occasion de messire Hémon lui avoient faitcestuy dommaige, lequel il accontoit comme beuffe, mais la dernière, la plus grant n’estoit , pas son intencion de s’en passer à tant, ains, en lieu que le naviguyer par mer luy estoit deffendu , au moins si prestement, ne différa rien que incontinent il n’entrast à main armée par terre en aulcuns villaiges appertenant à messire Hémon ; lesquels après les avoir pilliés et gastés, et eslevéestoutes les proyes qui y estoient, mist tout en feu et en flamme, print et amena

les bons hommes, ceulx qu'il povoit rattaindre , et se déclaira ennemy mortel à tous ceulx qui le pourroient aidier ni soustenir. Si povez croire , et est vray, que ledit messire Hemon en reflit arrière autant, ct s'en vengea le mieux qu'il povoit; et autanten refft arrière l'aultre, c'est-à-dire messire Jacques lequel , pour estre plus fort en deffense et entreprendre, attrahy à luy pluiseurs hommes nobles du pays de Pontieu, comme le seigneur de Rambures et de Vimeu, et fit venir grand tas de routiers et de tens de guerre de Compiègne et d'ailleurs, qui maintenoient le parti du daulphin, et les bouta en aulcunes places entour de Saint- Valery, comme Rambures et Gamache, et À l'aulire lez, Saint-Riquier, la Ferté, Drengy, le chastel du Pont de-Remy, Araines , Caucourt et Mareul qui toutes se mirent en sa main et prindrent parti avec luy contre le duc de Bourgoingne et les Anglois, ct commencèrent à courir el à gaster pays, el à faire chaulde et mortelle guerre, de là en avant tous les jours à Anglois et Bourgoingnons ex à tout le pays.