CHAPITRE LXXx
Comment le daulphin exploit: en Poitou, Touraine, Anjou, Guienne, Languedoc, Dausphinois et vint jusques en l'Isle de France.
En ce temps que messire Jacques de Har- Court cntreprinst ainsy la gucrre encontre les ennemis du daulphin ès marches de Pontieu et d'Artois , le daulphin aussi à l'aultre lez, duc de Touraine , à qui diligence et travail faisoit bien mestier ct besoing, et de fort entendre à ses affaires, car se véoit déshérité et expuls du cuer du royaulme, à très grosse el puissante armée levée ès pays de delà Loire en Poitou, Touraine, Anjou , Guienne et Languedoc ct en Daulphiné meisme, vint et devalla jusques à l'Isle de France , sept mil harnois de jambes, quatre millearbalestriers, et Sept mille archiers ; et par emprinse conclute pour mettre en destroit la ville de Paris et tout le pays.Et vint mettre le siège devant Chartres , que les Anglois tenoient , et toutesvoies, duubtans que ce n’avenist, pourvus et
GEORGE CHASTELLAIN
garnis de bons capitaines et gens d'armes pour la deffendre.
Or avoit jà ledict daulphin, en son venir vers Chartres , acquis en sa main les villes de Gallardon et de Bonneval et aulcunes aultres fortresses là entour ès quelles il avoit mis gens et gardes de par luy. Si en estoit son siège plus asseuré et plus avantagié beaucop, et luy estoicnt un bon refuge à ung lez ct à l'aultre, et une bavne dure verge aux Parisiens, qui souvent en estoient mis en l'estroite disette de vivres ; car pour dire vray les Anglois pour celle heure n'estoient pas si drus en Paris , ne ès autres villes conquises, que pour povoir resister à la puissance de leurs ennemis , sans avoir le secours du roy anglois et du duc de Bourgoingne, lequel pour celle heure n'avoit point d'armée , car estoit grevé de maladie. Si tenoient les daulphinois bien court les Parisiens, et leur donnèrent des souffrances beaucop ; et à l'aultre lez tenoient en grand destresse la cité de Chartres par siége , et lui firent du meschief et du travail beaucop, par les manières qui sont accoustumées en siége royal , assez sceues et devisées aultre part, ant en envahyes que en deffenses. Si furent constraincts lesParisiens d'annoncer leur povreté au roy anglois et de lui mander le péril en quoy ils estoient par son adversaire, descendu fier et puissant autour de Paris , et tenant siége devant Chartres en voye d'estre perdusi ne leur venoit hastivement secours ; parquoy lui prièrent qu'il ne diflérast que le moins qu'il en peust et qu’il vinst revisiter et reconforter ses amis qui languis soient en sa longue demeure et seroient perdus si tardoit, et pour dire vray ainsi leur en estoit il.
