CHAPITRE LXXI

Comment le roy anglois se mil en mer à retourner en France pour contrevengier la mort de son frère, de duc de Clarence, et faire lever le siège de Chautres.

Or avoit le roy anglois bien entendu preça la mort de son frère le duc de Clarence, et la grant perte qu'il avoit receue en la batail'c de Baugy, dont il se tenoit bien derrière ; mais en porta du desplaisir ; et estuit bien son

e poir de soi en vengier , mais que une fois | et se conjoyssoit beaucop en la tramise che-

il peust repasser la mer, ainsi que il entendoit et qu'il avoit jà fait ses préparemens.

Parquoy maintenant, quant il trouva sa douleur reffreschie par l'advertance que les Parisiensluy firent du siége de Chartres et de leur propre destresse et povreté , certes , le plus erramment qu'il povoit, dilligenta son arméeet prestement se mist en mer à Douvre, la veille de Sainct Barnabé ; et cely meisme jour entra à Calaix où il print port avec bien quatre mil hommes d'armes et vingt quatre mil archiers, payés trestous et souldoyés pour huict mois; et tantost sans demeure fit renoncier tous les vasseaux en Angleterre, partie pour non povoir retourner ceux qu'il avoit amenés, partie pour les garentir et sauver de ses ennemis. Dont, le lendemain , qui estoit le jour de Sainct Barnabé, desirant donner à congnoistre à ses amis sa venue et à ses ennemis aussi, ordonna au comte Dorset et au seigneur de

Cliffort, avec douze cens combattans, de tirer.

hastivement devant à reconforter son oncle le duc de Glucestre et ses amis de Paris, et entre-tant il viendroit après à tout son grant ost lui meismes en personne à leur grant joye et à la dure confusion de ses ennemis, ce leur mandoit.

Ne demoura gaires de jours après que le -

roy anglois partant de Calaix , à tout son fier et grant ost, s'en vint à Muontreul tout costoyant la mer. Si estoit venu le meisme jour le duc Phclippe de Bouryoingne en ladite ville, par l'advertence dn roy qui lui avoit signiflié d'y passer, et requis que il voulsist estre pour avoir parlement ensemble de leurs affaires. Si n'y faillit point, comme vous orrez. Or estoit il malade de son excès , le meismes jour que le roy y arriva ; si n'alla pas au devant de lui pour le bienviegner , mais y en- “oya messire Jehan de Luxembourg et tous fes haulx barons de son hostel, par lesquels il -æ fist excuser de sa demeure , qui estoit à l'occasion des fièvres qui moult le traveilloient et l’avoient jà tenu long-temps, combien qu'il n'y estoit tenu en riens, se ce n'estoit de sa noblesse et pour l'amour de ce qu'il porta couronne. Mais le roy soy excusant doulcement de l'honneur que le malade lui monstoit, receut bien agréable ses excusances,

valerie. Et s'en vint conduisant avec eulx jusques audit Monstreul, auquel 1l séjourna trois jours entiers. Et eurent de grans parlemens ensemble, lui et le duc bourgoingnon ; lesquels passés, partirent de là et s'en allèrent logier à Douvast en Pontieu , dont le lendemain, passant par Maintenay, ils fireat brusler une maison qui estoit à messire Jacques de Harcourt et ung molin aussi, et mettre toute la terre en gast. Or, avoit le roy anglais grand desir de passer la rivière de Somme par Abbeville, mais ne l'avoit pas bien de son accord ; et estoient les citoyens d'icelle et tous ses habitans assez restifs en le vouluir complaire et obéyr ; excepté que cremeur et faveur portoient beaucop au jeusne duc et à son parti sans vouloir estre Anglois. Quant doncques le duc boursoingnon entendit l'affection du roy qui estoit de vouloir passer par Abbeville, et que l'affection estoit assez raisonnable pour mieux dreschier son chemin, certes lui meismes se dessevra dudit roy,et s'en alla à Abbeville traictier avec les bonnes gens d'icelle, aflin de souffrir avoir passaige au roy anglois et à tout son ost, parmy bien payant et paisiblement vivant avec eulx ; la quelle chose assez à dur toutesfois et envys accordèrent, et seulement en faveur de luy. Si remanda le duc de Bourgoingne par un sien chevalier au roy anglois qui chassoit ès bois de Crespy , que le passaise lui estoit ottroyé par Abbeville , et que à son plaisir il fist avancier son ost, quant il voudroit, et il seroit bien receu. Le roy en fut joyeulx; et de fait il s’avancha et vint à Abbeville , là où très noblement fut receu et bienviewnié par les orateurs de la ville ; et lui furent fais dons et gracieux présens, tout à l'instruction du jeune duc pensés.

Le lendemain, quant chacun avoit contenté son hoste et que tout le charroy estoit passé bien et paisiblement , le roy se mist aux champs et le duc bourgoingnon avec luy, qui là prindrent congié de lung à l’aultre par ung gracieux adieu, jusques à bientost qu'ils se redevoient entreveoir , et que le duc bourgcingnon devoit annoncier son armée joincte avec la sienne, comme il fit temprément. Sy tira le

roy oultre son chemin; et par passant par Beauvais et par Gisors, tant tira qu'il vint au bois de Vincennes où estoit le roy Charles, roy pour ce hélas! car estoit roy sans régir et riche sans avoir riens entre mains. Si alla tout droit devant luy et le salua honnorablement ; si fit-il la royne , qui tous deux joyeusement le receurent et luy firent feste et conjoyssance beaucop. Le duc de Glocestre son oncle et plusieurs autres des gouverneurs et conseilliers de ce royaulme vindrent devers luy audit lieu du bois de Vincennes; et tint avec eulx plusieurs consaulx et parlemens sur les affaires d'icelui , entre lesque's les flourettes qui souloient avoir cours par toute France pour saize ‘deniers furent mises jus et discréées sur quatre deniers, et tantost après sur deux. De quoi il sourdit une grande murmure entre le peuple et une miraculeuse indignacion sur les gouverneurs, tant en Paris comme partout ailleurs. Car le peuple estoit destruit et grevé plus de la moictié de sa chevance. Laquelle chose, jà soit ce que l'en

ne povoit avoir autre chose pour lors, si ;

le portoit-on à dur et à bien envys. Or avoit cestuy roy l'œil tousjours à l'entendement à une seule chose : c'estoit de venir joindre au daulphin , et de le faire partir du sièrc de Chartres par bataille ou aultrement; car luy desplaisoit moult que si efforcéement il vonoit chalengier le heritaige que le roy des Francs luy avoit donné solempnellement, par vertu de mariage et partie conquise, Ce vouloit maintenir à l'espée, quant il se vanta d'a. -voir la fille du royaulme , dame Catherine, voulsist ou non. Si ne souflissoit point au roy anslois sa puissance d'Angleterre; ains fit ung eslevement encoires d'autres grans gens de ce royaulme , avec lesquels tous mis ensemb'e, s'en alla à Mantes assez près de Chartres , à l'intencion d'aller combattre l'assiégant qui jà y avoit esté trois sepmaines devant. Or avoit le duc de Bourgoingne promis à cestuy roy anglois d'estre audit Mantes devers luy avec son armée ; car pour dire vray, les mains le chaupicquoient fort et ne quéroient que Je hutin à son mortel adversaire fe daulphin dont le mes-fait ne povoit ‘estre oublié. Sy vint erramment audit Mantes le plus qu'il povoit, seulement à trois mil

GEORGE CHASTELLAIN

combattans , toutes gens d'eslite, cuidant bien trouver bataille ; mais le daulphin, advertly de la grand puissance de ses ennemis si près de luy et si à redouter , se leva de son siére, et en bon arroy, et asseuréement assez, partit et se retira en son pays de Touraine de-là Loire, dont il avoit les villes toutes et les passaiges pour luy. Et pourtant que le duc de Bourgoingne avoit et maintenoit la frontière de Picardie encontre messire Jacques de Harcourt et plusieurs autres qui y faisoient mortelle guerre, quand ce vint que la bataille ne se trouva là où il la quéroit, il s'en retourna en ses pays pour leur estre garand et protecteur encontre ses ennemis, et laissa le roy maintenir la frontière à l’endroit de Normandie et ailleurs.