CHAPITRE LXXII

Comment le seigneur de Harcourt entra de bon gré dans la ville de Saint-Ricquier, qui fut puis as siégée par le duc de Bourgoingne,

Atouslez s'efforça cestuy de Harcourt d’attraire ennemis sur les frontières de Picardie, et de les bouter ès places voisines de luy, affin d'estre plus fort, et moins à grever par ceulx à qui il avoit prins estrif. C'estoit le fier duc de Bourgoingne criminel en couroux, etsouverainement, en grand tor-fais, comme de cestuy. Si s’assemblèrent ung jour le seigneur d'Offemont et Potton de Sainte- Traille et plusieurs aultres, en nombre environ de douze cens chevaulx, à la requeste et par l'advertence de messire Jacques de Harcourt, tout endurcy en ceste nouvelle guerre. Et prindrent leur chemin par le pays de Vimeux, passèrent Somme par nuyt à la B'anche-Tacque , et vindrent près de Saint - Ricquier. Auquel lieu ledit de Harcourt, joyeulx de leur advénement, alla au devant de eulx et leur fit chière et conjoyssance très bonne. Or desiroient bien avoir la ville de Saint-Ricquier entre mains, pour eulx y retraire, car c'estoit très belle villette de guerre et forte assez; et povoit porter beaucop d'annuys et de grands maulx à ceulx d'Abbeville à leur dos, et au pays d'Artois qui estoit riche et gras par devaæ

Sy n'estoient ceulx de Sainct-Ricquier bien voulentiers ne prests de les y bouter , ains par l'espace d'aulcunes heures leur frent reffus de leurs portes; mais celluy de Harcourt tant fit par parolles et par promesses que enfin il les amoly, et que l’entrer leur fut accordé. Et y entrèrent à telle heure, tel y avoit, à qui la saillie cy-après coustera chier. Bien fut aise celluy de Harcourt, et souverainement les survenus, les seigneurs d’Auffemont et-Potton , quand se trouvèrent logiés en ville si grasse et bonnes frontières pour devenir riches et drus; et faisoient batailles, rencontres, destrousses et entreprinses par cuer et par pensées, ainsi que oh faict les chasteaulx en Espaigne. Ils prenoient gens et renchonnoient et comptoient les deniers, dont l'or gisoit au parfond de la myne; car tout leur sembloit riflé devant eulx. Et de faict commencèrent à faire de maulx assez, qui à aultruy tournèrent à grand dommaige, mais à eulx à peu d'’acquest. Et de faict bruslèrent une belle esglise où s’estoient retraits aulcuns bons hommes riches atout leurs biens, lesquels ils amenèrent prisonniers, et de tels semblabies maulx, et commencèrent à faire beaucop de travail sur le pays. Et avoient attraicts à eulx ung Nicaise de Boufflers, capitaine de La Ferté, laquelle il leur mist en leurs mains ; et si fit celluy de Durgy, sur la rivière d'Autye aussi. Et y avoit une moult belle place nommée Donnerier, que Potton acquist par force de langaige et de corruption au capitaine , par laquelle la ville de Montreul souffrist tantost largement d'annuy; si fit tout le pays marchissant.

Or estoit le duc de Bourgoingne en retour à toute son armée du voyaige qu'il avoit faict à Mantes, cuidant avoir combatu son ennemy le daulphin, et estoit jà descendu jusques à une ville nommée Croissy, près assez des marches où estoient venus ces nouveaulx hostes eulx nourir et engrasser sans payer escot, et tout à l'enhortement, ce savoit-il bien, et par malice de seigneur Jacques de Harcourt. Il print conclusion en luy d'y pourvéoir prestement par puissance et de quérir ses ennemis en barbe, fust par siège ou par bataille. Et de faict fit hastif mande-

ment par tous ses pays, et commanda à mectre sus gens d'armes à tous lez, tant des bon nes villes du roy comme des siennes ; dont il tira grand nombre d’arbalestriers et de cannoniers. Et meismes en personne alla en la cité d'Amiens requerre ayde et fournissement de vivres au siège qu'il entendoit à mectre, à l'aide de Dieu, devant Sainct-Riequier, prochainement ; en quoy ceulx d’Amiens , fort affectés à luy complaire , si firent plusieurs aultres, villes lui promirent assistence et service ; dont moult fut esjoy ledict duc ; et partant de eulx s’en vint à Auchv, ung bon gros village appertenant à ung sien vassal, son chambellan Le Ber d’Auchy; et là se tint par aulcuns jours, attendant gens d'armes de toutes pars, dont il en vint tous les jours nouveaulx. Or avoit-il envoyé , passé deux ou trois jours devant, messire Jehan de Luxembourg avec un nombre de gens vers Dommart, en Ponthieu, enquérir et sçavoir de l'estat et de la puissance des ennemis survenus, ne quelle conduicte ne quelle convine ils tenoient entre eulx, car cela le povoit beaucop advantagier en son entreprinse. Sy avoit faict ledict de Luxembourg son devoir et povoir ; et retournant audict lieu d’Auchy tout instruit de leur estre, ea fit le rapport tel quel qu'il aveit trouvé : cestoit que, du nombre qu'ils estoient , ils estoient gens entreprenans et de couraige et bien à doubter.

Le duc bourgoingnon qui estoit vert et vineulx , et gaires n’acoustoit au dangier des armes, peu se trouva là au moins esmeu de ce rapport. Mais constant tousjours en son entreprinse , sur la fiance de ses nobles vassaulx et de son bon droit, fit deslogier son ost de la ville d’Auchy pour aller au Pont-de- Rémy, que ses ennemis tenoient, forte place et puissant, située par manière d'une isle, close toute à l’entour de la rivière. Sy luy pleut ainsi, ou parce que son chemin ainsi s'adressoit , ou que attamer vouloit ses ennemis en avant vers ledict lieu du pont. Il passa devant la ville de Sainct-Ricquier , où ses ennemis estoient, mais nestoit pas de si près que nuls engins peussent attaindre ne adommaigier sa route, mais trop bien donner despit à l’ennemie garnison qui y

estoit. Et en passant par devant ladicte ville en fier et vertueux arroy vint logier au lieu de sa conclusion, le Pont-de-Rémy, non pas dedens, mais droit devant, en aulcunes maisons qui là estoient. Si en furent les daulphi- .nois tous esbabhis quand se virent approchiés de tels voisins ; et ne se cuidoient pas joyeulx de lenr venue, car véoient bien qu'il leur fauldroit changer logis et partir par adventure à malle haste. Par quoy pour monstrer au moins bon vouloir de couraige et de se oser mectre en deffense possible, certes là où les corps ne povoient riens faire par eulx mectre hors de leur fort dedens leur clos, ils gectèrent fusées de feu ès maisonnemens d leurs ennemis les bourgoingnons, tellement que toutes, d’une à aultre, furent bruslées et anéanties , et à grand paine sauvés leurs biens et chevaulx qui y estoient, sans qu'il y en demeurast une part; et falut qu'ils se pourveussent ailleurs de logis, car là n'en y avoit tantost plus point. Si se logea l'ost ung peu plus arrière, jusques à lendemain, le jour de la Magdeleine , que les arbalestrieïs d'Amiens avec aulcuns autres gens d'armes devallerent contre val la rivière de Somme, environ douze bateaulx, tous délibérés d'entrer en ladicte isle et de envahir par force sur les possesseurs ; mais eulx non se sentans fors pour la povoir deffendre encontre si grand flotte de gens, abbordèrent à pié secq à eulx pour cause de leurs navires , tantost abandonnèrent ladicte isle, et fuyant vers le chasteau d’Arraines et aultre part, prenans et emportans ce qu'ils potrent de leurs biens, délaissèrent la place sans garde et sans deffences , et l'abandonnèrent, ne leur chailloït à qui. Et tantost ceulx qui estoient dedens habitans anciennement, les bons hommes du costé où estoit logié l'ost du duc, laissèrent couler le pont au bas, et luy donnèrent d'ouverture et l'entrée au pont, qui tantost Île fist brusler et mectre à gast, jusques à riens y laissier, ne chasteau, ne maison, ne buron, afin que aultre ne s'y esbattist plus ne logast au grief ne au dommuige de nulluy. Et nul n'en eust peu bonnement faire son prouflit, car trop cestoit foible pour tenir d'aultre puissance, et greveuse assez pour faire des maulx sur les non fors. Dont les

GEORGE CHASTELLAIN

aultres qui estoient logiés au chasteau de Mareul et d'Eaucourt, quand ils virent le duc bourgoingnon leur ennemy sy près d’eulx , et doubtant sa puissance , boutèrent le feu èsdictes maisons aussi, et tirèrent à Sainct - Ricquier, cuidans y estre à sauveté.