CHAPITRE LXXIII

D'une jouste qui fut pres le Pont-de-Rémy de six contre six, pour l'honneur des dames.

Si ne fault pas oublier comment, en passant l'ost du duc dessus dict par devant la ville de Sainct-Ricquier, six gentiis-hommes, par l'agréement de leur prince, tramisrent ung poursuivant en ladicte ville, requérir et semondre aultres six gentils-hommes, quels qu'ils fussent , pour rompre lances en l’honneur de leurs dames encontre eulx, fust pour prestement faire sur le pié ou à jour assigné, ainsi que myculx leur viendroit à point. Si fit le poursuivant très bien son messaige ; et fut bien receu, en honneur de noblesse et de son office ; et combien qu'il y povoit avoir de verdes testes, pour mettre leurs vies sur le cop d'ung hasart, aussi bien que à l'aultre lez, u‘y eut celluy toutesvoies qui en fust creu, ni qui polt obtenir congié de leur capitaine de le faire prestement ; mais six en y eut qui, sur leur honneur et foy, créancèrent de venir en lieu nommé (4). . . et d'accomplir vou lentier saux requérans leur demande, parmy que chascun endroict soy donneroit saulf-aller et venir à son compaingnon. Le poursuivant fit son rapport gracieusement, tel qu'il l'avoit trouvé , qui pleut bien à ses maistres.

Et vint le jour dont il n’y avoit que la nuyt entre deux que ces armes se devoient faire emmy les champs, entre le Pont-de-Rémy et la ville. Si y alla cely de Luxembourg par l'ordonnance de son maistre le duc ; et cent hommes d'armes en sa compaingnye mena , et les six gentils-hommes requérans, montés et armés gentilment et bien en point pour estre à leur jour. Et avec ce, pour soy garder d'aventure , de malice et de subtil aguet, se la chose fust aultrement allée que bien, ledict de Luxembourg fit mectre en embusche trois cens aultres combattans en ung bois

(4) Lacune dans le manuscrit.

près assez du lieu des armes, pour y avoir recours , se besoing fust, mais nennil.

Or vindrent les six daulphinois de l’aultre part, aussi bien montés et armés et bien accompaingnés ; et n'y avoit celuy qui l'en veist, ne d'ung costé ne d'aultre, à qui en eust peu jugier avoir le meilleur ne le plus fier contenement, tant les faisoit bon véoir trestous. Si s'arrouta chacun et print rent , et les champions se mirent en appreste de férir des esperons chacun à son homme , et bassans leurs lances vindrent de randon ferir lung sur l'aultre par grand air. Dont si bien print toutesvoies à chacun, que tout ne se trouva grevé de ceste emprinse, excepté que deulx des chevaulx des bourgoingnons furent tués en cesluy premier Cop , par trop avoir abassé son bois ; mais non obstant ce dommaige et desplaisir qu’en prindrent les bourgoingnons, ils se remontèrent prestement d’aultres chevaulx , et se mirent à la seconde course tous enfellis en cuer. Dont à riens l'attainte ne fut dommaigeuse à nulluy, quant au regard du percier harnoïs ne faire playe , mais trop bien s'entre-donnèrent de beaux tourchons. Non fut la tierce ne la quarte. Parquoy quand les capitaines virent que l’ung et l'aultre s'estoit bien acquité et faict bon devoir, sans vouloir trop tempter fortune sur fiance de bon couraige , ils firent cesser lesdictes armes, et remonstrant que bien et deuement estoient accomplies à tous lez, les firent touchier ensemble et entre-parler gracieusement à visière tenue , et retourna ehacun paisiblement en son lieu dont il estoit party. Sy furent ceulx du party de Bourgoingne et ceux de Raucourt, Henry Lallemant, le bastard de Roubay, Lyonnel de Bournonville et deux aultres; et du costé des aultres y estoit le seigneur de Verduisant, Guillaume d'Aubigny et quatre aultres dont je ne treuve leurs noms. Or advint que en retournant de ces armes faire , ledict de Luxembourg jectant l'œul vers le lieu de son embuche, dont je parlay nagaires, survint aulcuns chevaulx partis hors de buis, qui passoient emmy les bleds, tout au descouvert, et aulcuns des compaingnons qui s'esoient desarroyés et mis à veue. De laquelle chose si troublé que plus ne povoit,

sans prendre ne demander syeute de nully, print une lance en la main de son paige, et frappant cheval des esperons, tout plain de fureur, dressa son chemin tant qu'il povoit vers les bois, à l'intencion de venger son yre au premier encontrant. Mais les desarroyés appercevans leur maistre ainsi venir vers eulx en telle menasse, doubtant qu’il ne leur en mesprist en l'attente, montèrent à cheval, comme se l'ennemi les eust chassé, et s'enfuyrent vers leur embucke ; dont les aulcuns ne peurent oncques venir si à poinct que ne furent rattains, espéciallement ung gentilhomme d'armes nommé Alloyer, auquel, à sa première empainte qui fut sur luy, luy perça la cuisse de part en part, abatant homme et cheval. Et pour parfournir son poindre, vint aux aultres, ceulx qu’il povoit rattaindre, et du tronchon de sa lance rompue rua sur eulx de felles et de grans cops, à deux mains, et leur dist des injures beaucop et tant que ce fut merveilles , et espéciallement à ceujx qu'il tenoit gens de conduite et de gouvernement , quant ainsi povrement se portoient en telle emprinse. Si les remist arrière et rebouta en leur lieu et retourna vers sa route.