CHAPITRE LXX V
Des daulphinois qui furent rencontrés en ost par le duc de Bourgoingne à la Blancque-Tacque.
Or s’estoient tous assemblés les routiers et les gens des François dont j'ay dessus parlé, et s’en venoient à tire de chevaulx pour passer la rivière de Somme, aflin de venir courir sus a lost du duc boursoingnon en son siège. Si en fut adverty ledict duc par certaines nouvelles qui luy en furent envoyées d’Abbeville, d'Amiens et d’ailleurs, là où il avoit ses amis et bienveillans. Si faict à croire que sur une telle matière , à un tel prince qu’il estoit, il fanloit prendre advis et conseil et délibérer sur le meilleur faict et laissier ; car par sens et advis plus que par force estourdie se consomment toutes haultes et difficiles besoingnes, et prennent les débattues et avisées emprinses bonne et joyeuse fin, et les présumées en force et folle baudeur povre terminacion souvent ; Ce que trop a eslé veu en ce rovaulme, dont les exemples, hélas! et les alléguemens doloreux sont.Quand doncques ceste matière eut esté mise en conseil et débattue assez pour l'une partie et l’aultre , le meilleur advis à quoy on se arresta, ce feust que le duc leveroit son siège qui n'estoit pas souflisamment forüflié pour attendre, et que pour defflendre à ses ennemis qu'ils n'entrassent pardeçà Somme en ses pays de Picardie, luy meismes allast au devant d'eulx leur deffendre le passaige, et les combatre plus tost en allant au devant d'eulx, qu'estre surprins de leur venue par manière d'orgueil. Et sembloit bien au duc bourgoingnon que l'honneur de hardement et de haultaineté luy estoit due mieulx que à eulx. Or, comme il fut dict'il fut faict. Le siège seleva le vingt-neuviesme jour d’aoust ; au moins fut conclu de lever celle nuyt prochaine par nuyt, afin que leurs ennemis ne se donnassent garde de leur emprinse. Si appella le prince de l'ost à basses vespres ung sien vassal, noble escuyer et saige de guerre , nommé Philippe de Saveuses, et ung aultre gentil cavalier , le seigneur de Crèvecœur, et en mettant en
« Or Ça, seigneur de Crèvecœur et Philippe de:Saveuses , vous en yrez prestement sans tarder à Abbeville , passer la riviere de Som me, et de là vous tirerez au pays de Vimeux , et ailleurs.s'il est besoing, pour enquérir et apprendre de l’estat et de l’estre de mes ennemis, que l'en dict qui me menassent et viennent combattre. Dillizentez bien, enquestez, et mectez cœur à mon commandement; je vous suiveray, si Dieu plaist, de près encoires à nuyt, et me trouverez à votre secours se besoing vous est. Allez, ne tardezriens, et m'apportez vrayes nouvelles, je vous ea prye. » Les deux nobles hommes, quand oyrent la parolle de leur prince qui lui touchoit beaucop et estoit de grand poix, pensez que gares ne demourèrent après qu'ils ne mirent à effect son commandement et qu'ils ne montassent à cheval ; et se mirent en chemin, nonobstant qu'il estoit jà noire nuyt. Si vindrent devant les portes d'Abbeville, lesquelles ils firent ouvrir; et sans arrester ni descendre passèrent par l'aultre porte à l'aultre lez de la rivière, et de là tirèrent avant en leur entreprinse bien aviséement , sans faire’ bruit ne desroy par les champs; et avoient tousjours l'oreille à l'escout , pour entendre s'ils orroient ne bruit ne friente de chevaulx , ne de gens, ne près ne loing de eulx. Etentre temps que ainsi chevauchoient en leur entreprinse , le duc bourgoingnon aussi, avec pavillons et toute manière d'artillerie , atout son ost se deslogea; et après avoir fait bruller tout son logis, s'en vint à Abbeville au point du jour, où oncques il n'eust volu descendre ne le souffrir, à ses gens, se ce n’estoit en mangant ou en buvant ung cop en passant; car ne vouloit pas que le temps ne le surprist, mais vouloit lui-meismes prévenir le temps. Or, s'enalloient ces six cens combattans que j'ay dict dessus, par pays, escoutant , etregardoient par tout à l'entour et au long de eulx. Si advint que sur l'heure du soleil levant, vers Oysemont ils apperceurent leurs ennemis venir en bon et saige arroy vers la rivière de Somme, tirant droit au passaige de la Blancque-Tacque pour Îa passer ; dont il y avoit aucuns qui s’estoient espars par les champs, cuidant nulluy avoir
leurs mains six cens combatans leur dict : | antour de eux qui malheur voulsist. Lesquels
certes, sans que la grand route s'en apperceust, furent prins et examinés ; et descouvrèrent toute l'emprinse de leurs gens ; car on les menassoit de tuer et de noyer, s'ils ne disoient le secret et vérité du fort. Sy dirent tout ce qui en estoit, et comment leurs gens avoient entreprins de passer la rivière à la Blancque- Tacque et de venir combattre le duc de Bourgoingne en son siège, car avoient du secours en messire Jacques de Harcourt et ailleurs. Les quelles choses bien entendues et veues par expérience que ainsi en estoit, incontinent envoyèrent à course de chevaulx devers leur maistre le duc à Abbeville, que à paine estoit-il encoires solcil levant ; et luy mandèrent que hastivement il s'avançast à tout son ost, et que les ennemis estoient sur le passaige de la rivière, où messire Jacques de Harcourt les attendoit se joindre à eulx.
Et lui signiffièrent que la haste y estoit nécessaire, s'il les vouloit avoir de là la rivière, ou aulitrement, par tarder ne tant ne quand, ils seroient passés et venus meismes devers lui. Si ne leur souffit point de y en envoyer ungny deux, mais messaige sur messaige l'ung après l'aultre pour le plus avancier. Or fault pensier que après ces nouvelles receues, cestuy couragieux prince ne demoura gaires à délib'rer sur son fait. Il savoit bien que par bataille il failloit estre abattu l'orgueil de l’ung ou de l’aultre , et si estoit bataille la chose du monde que plus il quéroit. Si se mist aux Champs, et fit tout le monde tirer avant, le plus joyeulx que oncques se trouvast, quand Dieu lui prestoit lieu pour vengier son courroux. Et à force de chevaulx tant qu'ils povoient aller, se mist au front de sa bataille, prenant la sieute de chascun de son plaisir, et principalement des bien montés, car les arbälestriers et les gens des bonnes villes souffroit il venir derrière et leur avoit laissié conduicte pour les suyr; et tira tant et si tost avant que ses ennemis l'apperceurent venir à grand trot, et lui eulx; par quoy les dicts ennemis daulphinois cuidant gaignier le passaige, premier qu il y peult mectre empeschement et le gaingnier par eulx avancer et baster durement, certes il les poursieuvy de si près et de telle raddeur qu'il leur sembloit mal possible de y passer sans hurt, et plus
GEURGE CHASTELLAIN.
à leur confusion que à leur bien. Si destournèrent leur chemin; et costoyant la rivière traversèrent les champs, faisant semblant de barguigner sans acheter ; et regardoient l'un l'aultre les deux batailles, dont l'une toutes fois estoit trop plus puissante que l’aultre, c'estoit celle du duc de Bourgoingne. Dont quand cely de Harcourt vit les seigneurs, lesquels il avoit mandé et requis de venir à son ayde , estre en ce dangier que de non povoir passer, et que le haster, comme il lui sembloit, devoit estre périlleux pour Îles daulphinois là surprins, tantost sans soy efforcer de passer devers eulx, ni pour les ayder, tourna bride vers son Crottoy, et là se tint escoutant l’avaine lever et les rappors de fortune
