CHAPITRE LXX VI
De plusieurs chevaliers qui furent faicts avant la bataille entre les deux osts, et de la bataille qui s’engagea très fellement.
Mais afin que la valeur des nommes nobles appert, et soit congneu qui a bien faict et qui mieulx en leur temps, maintenant besoinge-il savoir les noms principallement de haults et vaillans hommes qui estoient emprès cestuy jeusne prince le duc des Rourgoingnons en ceste assemblée par devers luy, et à l'aultre lez aussi du costé de ses ennemis les daulphinois. Pour venir doncques aux noms de ceulx du parti bourgoingnon, il y fut premièrement messire Jehan de Luxembourg , le seigneur d'Antoing , le seigneur de Croy, le seigneur de Jonvelle, le seigneur de la Viefville , le seigneur de Longueval , le seigneur de ‘Jenly , le seigneur de Roubais, messire Jehan de Roubais, le seigneur :
d'Incy, le seigneur de Saveuses, le seigneur de Crèvecœur, le seigneur de Noyelle, nommé le blanc chevalier, le seigneur de Humbercourt et ses deux fils, messire Philippe Brieret, le seigneur de Mailly, Jehan de Faulceux, le Moyne de Renty, messire David de Brimeu, messire Andrieu de Vallins, le seigneur de Saint-Symon , le seigneur de Fromesent, Regnault de Longueval , André de Folleville, le Bastart de Coucy , messire Louys de Sainct-Saulieu, Jehan de’ Flavy,
Andrieu de Toulonjon, messire Phelippe : bourgoingnon, sans leur donner celle paine d’Andrinet, messire Gauvain de la Viefville, ! de le venir quérir, se vint présenter meis-
messire Florimont de Brimeu, messire Mauroy de Sainct-Légier, messire Andrieu d'Azincourt, le seigneur de Comines, le seigneur de Mamynes , messire Colard de Comynes, le seigneur de Steinhuys , messire Jehan de Hornes, messire Rouland de Hutkerke , messire Jehan de Hutkerke, messire Guillaume de Halwin, messire Adrien Vilain, messsire Jehan Vilain, messire Damont de Poix, le seigneur de Moyencourt, et plusieurs aultres grand nombre dont je n'ay peu attaindre les noms.
Et à l'aultre costé y avoit : le seigneur de Conflans, le baron d'Incy, le seigneur de Moy, Loys d'Offemont, messire ‘Gilles de Gamaches, Loys de Gamaches, Potton de Saincte-Trailles, messire Regnault de Fontaines, messire Charles de Saint-Saulieu, Jehan de Proisy, le marquis de Sore et son frère, Pierron de Luppel, Jehan Raulet, messire Jehan de Rogan, messire Raoult de Gaucourt, messire Loys de Giembronne, le seigneur de Monmort, Bernard de Saint-Martin, Thiebault de Gerincourt, Galahault de d’Arsy, messire Sarrazin de Beaufort, Robinet de Verseilles, Jehan de Verseilles, Jehan de Joigny, Yvon Dupuis, Jehan de Sommain, Jehan de d'Ourdas et aulcuns aultres qui ne sont point venus à mon sceu. Et povoient estre tous mis ensemble ceulx cy , de cinq à six cens hommes d'armes et trois ou quatre cens archiers, gens bien en point qui s'estoient assemblés de plusieurs garnisons les plus esleus.
Quand doncques Potton de Saincte-Trailles s'estoit apperceu, par l’informacion de messire Jacques de Harcourt, que les garnisons se devoient assembler pour venir lever le siège de devant luy et combattre le duc leur ennemy , doubtant peut estre qu'ils ne vemssent si tost qu'il voulsist bien, secrètement s'embla dehors luy douziesme, et laissant la ville en bonnes mains, garnye et pourveue, s'en alla passer Somme par nuyt, et vint joindre avec lesdictes garnisons, cuidant par ce qu'il savoit et congnoissoit le contennement du siège du duc et de son ost, leur faire faire un grand et mortel exploict sur luy. Or failloit ledict Potton en ce; car le duc
mes en leur main, là où ils l'alloient quérant. Si chevauchoient , comme j'ai dict dessus, les deux batailles fièrement l'une contre l'aultre. Et véoient bien les daulphinois que combattre les fauldroit; aussi les quéroient ils, mais non pas si tost, car ils cuidoient avoir joincte avec eux la compaingnie de Sainct-Ricquier, et messire Jacques de Harcourt , à toutes ses gens, dont ils n’avoient nuls. Si Icur convenoit faire de nécessité vertu ,etfaire du mieulx qu'ils porroient de leur troppeau , qui estoit bel toutesvoies et bien à doubter. Et firent des nouveaulx chevaliers plusieurs, entre les aultres Gilles Gamaches , Regnault de Fontaines, Collinet de Villequier, le marquis de Sore, Jehan de Roan , Jean d'Espaigny, Torbiau de Rieu et Sarrazin de Beaufort. Et tandis que chevauchoient les deux batailles, pour venir joindre, vindrent férant des esperons aucuns aultres qui estoient demourés derrière; et n’estoient pas venus si tost que le duc bouryoinonon, au partir d'Abbeville. Et vindrent joindre à la queue de sa bataille droict à point ; mais sembloient aulcuns plus effrayés qu'il ne faisoit mestier, comme vous orrez tantost. Si furent faicts de Ja partie du duc plusieurs chevaliers, qui ce jour bien achatèrent chevaleries, tel y avoit. Dont celui qui premièrement en requist l'ordre ce fust le duc meisme, lequel à messire Jehan de Lyxembourg chevauchant d’ung costé lui bailla son espée, et froidement, sans montrer sembler esmeu, lui bailla son espée et va dire: « Beau cousin, en nom de Dieu, je vous requicrs chevalerie. » Ledict de Luxembourg la print à très hault honneur, et luy bailla l'acoullée, disant : « Monscigneur, en nom de Dieu et de monseigneur Sainct-George, je vous fais chevalier; que aussy le puissiez vous devenir, comme il vous sera bien besoing et à nous tous. » Si croy, et ainsy le maintiennent les bons, que puis l'heure qu'il le devint, oncques meilleur ne se trouva entre les chrestiens. Les aultres chevaliers après furent Phelippe de Saveu ses, Colard de Comynes, Jehan de Stenhuis, Jehan de Robays, Adrien Vilain , Jehan Vilain, Phelipe d'Andrinet, Damot de Pois,
Gérard d'Aties , Gauvain de la Viefville, Andrieu d’Azincourt, Le Moisne de Renty, Colinet de Brimeu, Jacques Pot, Loys de Sainct-Saulieu , Guillaume de Halwin, Derre de Cauroy et aucuns aultres.
Or fault-il venir à la bataille où le barguigner maintenant n’avoit lieu ne pour ung ne pour aultre, car trop estoient approchés de près. Si fault entendre que jà par avant on avoit envoyé l'estandart de Phelippe de Saveuses, atout six vings combattans au travers des champs à couvert sur ce costé des daulphinois, pour venir férir dedens eulx sur esle quand la grosse en sourdreroit par devant. Et menoient cest estandart, messire Mauroy de Sainct-Légier et le Bastard de Coucy. Or sembloit-il aux daulphinois que par baudeur et fièrement aller en besoingne , ils povoient espovanter leurs ennemis, et venir à la victoire du jour. Si leur doubla leur orgueil, et férirent chevaulx des esperons , et à lances bassées vindrent courans sur les Bourgoingnons , avec leur prince qui y estoit au front bien accompaignié, mais non pas vestu de sa cotte d'armes, car aultre l’avoit et la portoit pour abuser ses ennemis. Et receurent lesdicts daulphinois comme peu esmeus de leur orgueil , et s'entreférirent de leurs lances agües très fellement. Là y eult ung grand et horrible froissis , et ung pesant et mortel assemblement en cestuy premier encontre , dont maint bel homme d'armes et vaillant en estour se trouva levé en air, bleschié à mort ou à terre, car chacun mettoit mortelle main à son compaignon là où il povoit joindre. Si pensez que si les daulphinois avoient grand faim de se monstrer fiers et espovanteurs de gens , que le duc de Bourgoingne, à qui plus cuisoit sa vieille playe que la présente bataille, n'en avoit riens moins, ains y monstra fierté d'ung chevalier, non d'ung roy, ne d'ungfils, mais d’ung homme dont nature ne congnoissoit la composicion ne la naissance des horribles et haults faicts que elle y véoit; car cuer de lyon, ou de tygre, ou de dragon, tous mis ensemble , ne peult monstrer l'aigreur, la felleté et les horribles fais que de sa seule main 1] monstroit en l'espesse meslée de ses ennemis, aux quels il donnoit hide et irayeur de son bras que il estourmissoit
GEORGE CHASTELLAIN
ee ee ed
tout ce qu'il trouvoit devant luy, et luy tiroit sang du corps ou la vie. Si ne cuide nul que ce soit langaige glosé par faveur, ni fiction faicte par flatterie; car, comme les haults hommes de son temps, plusieurs fais ailleurs l'ont bien congneu et esprouvé. Certes nature y avoit mis de valeur tant et si largement que en son temps ne s'est nul trouvé son per. Par quoy si je dis ce qui est vray en soy, je m'ose bien eslargir de louer ce qu'il vault en la forme qu'il a valu.
