CHAPITRE LXXVII

Des grands prouesses qui se féirent en la bataille de costé et d'autre; da duc bourgoingnon premier et . de ceux qui s’y monstrèrent bons chevaliers.

La meslée doncques commençoit à estre dure et horrible. Sy y avoit des vaillans chevaliers d'une part et d'aultre , lesquels désirant estre congneus et assayés, firent de grands faicts et s'esforcèrent en leur devoir de porter grand dommaige à l’ung et à l’aultre par férir d’espées et de pointes de haches en visière et partout. Si est vray que sur les esles de la bataille du duc bourgoingnon fut faict une grand rompture par les daulphinois, et une grand pestilence à la première envahie ; par quoy une grand part de ceulx du party bourgoingnon, de male aventure pour eulx et non pas pour la journée, s’enfuyrent cuidans que la desconfiture et le malheur fut sur toute la bataille comme sur eulx; et ne regardoient que sur leurs personnes et non pas sur celle de leur prince, lequel ils avoient tantost perdu à l'abborder, et ne savoient qu'il estoit devenu; et s’enfuirent, comme je vous dis, à course de chevaulx, devers Abbeville, cuidant y entrer; mais on les y refusa, et leur dict-on honteuses parolles; par quoy s’en allèrent vers Piqugny les grands galops. Et advint que la baniëre du duc , par une esmerveillable et estrange oubliance que oncques je crois autrefois ne ailleurs n’advint, fust oubliée à estre mise en main à celuy qui la devoit porter, ung vaillant chevalier qui à ce estoit commis, et estoit remise en la main d'ung sien serviteur qui la porta par les champs emprès son maistre,

ainsi que ung paige porte la lance de son seigneur, et ainsi de haste et d'ardeur qu'il avoit de combattre, il oublia son honneur et mist son maisire en grand dangier. Or estoit cestuy varlet atout la banière en la compaingnie des fuyans ; et cuidoient beaucop , pour dire vray, parce que ils véoient fuir la bannière, que la bataille fust desconfite entièrement et leur prince ou mort ou prins, que n'en véoient ne signe ne nouvelle. Sy s’avisa le varlet de bien faire, qui peu avoit appris d’avoir tant d'honneur ; et gecta à terre la bannière, la levast qui peust, car trop en estoit empeschié, luy sembloit. Laquelle chose ung gentil-homme voyant , nommé Jehan de Rosimbos , admonesté de vergoingne de la sienne et aultruy lascheté qui leur estoit advenue honteusement , releva la banière de terre et la remist en estat, et dist à plusieurs nobles hommes qui près estoient: « Or ça, messeigneurs, vous tous nobles hommes et moy, ne sommes digres de vivre ne de nous trouver jamais en lieu de bien}, si nous n'amendons nostre mespris aujourd'huy , qui nous vient de malheur et de légier couraige par ceste banière qui nous à abusé. Ça, ça, ralions-nous , au nom de Dieu! monstrons-nous estre gentils-hommes, et servons nostre prince, car mieulx vault morir en honneur avec luy que vivre reprochiés. » A ces mots, ledict de Rosimbos se retourna vers la bataille et se mist en chemin avec aulcuns gentils-hommes qui y estoient raliés; mais à peu de faict et povrement à leur honneur, comme j'en appris ; dont ce fut dommaige et grand malheur à plusieurs qui y estoient, qui jusques à ceste heure avoient porté dès onques hault los et bon tiltre, que tout cheust celuy jour et s’esforça pour à jamais, combien que le roy d'armes d'Artois nommé (4). . . . peu saige ct mal instruit, leur cerüflia scurement, et à tous aultres , que le duc certainement estoit mort ou prins, et que en la bataille n'y avoit point de recuevre pour cela; dont il ne disoit point vraÿ combien que le cuidast.

Les daulphinois doncques aulcuns aussi, qui ne regardoient que devant eulx et véoicnt les Bourgoingnons fuyr par troppeaulx icy

(4) Lacune dans le manuscrit.

et là, cuidoient que tout le remanant feit en ce point et tout fust vaincu et gourmandé. Ung Pierron de Luppel et Jehan Roulet , avec environ six vingt combattans , se mirent à Ja chasse après, et comme desconfis à demy davantaige en prindrent, aulcuns aultres blessèrent et tuèrent , et les aultres se sauvèrent par force de courrir, et se fioyent mieulx en leurs esperons qu'en leurs espées. Hélas!

ainsi ne firent pas les nobles et vaillans chevaliers beaucop et les vallereux escuyers qui, en la vertu d'honneste vergoingne, estoient demourés pour morir honnourablement emprès leur prince, en nombre environ de cinq cens combattans, là où le noble seigneur de Croy, chevalier de bon éage, vert et vineux alors et en son premier venir, fit de grands et de hauts faits de sa main ; si féroit, mailloit de l'espée, d'estocq et taille, rompoit mailles et charnières, et ne donna re pos à son bras, ains l’apprestoit en la mort de chacun, fust devant, fust de costé, là où il povoit attaindre. Si fist messire Jehan de Croy , son frère, qui depuis maintefois à esté trouvé bon chevalier. Le chevalier de Luxembourg aussi, qui estoit aigre et mordant mortellement, se trouva plain de valeur et de bonté, qui oncques nulle part ne s'est trouvé aultre. Le seigneur de Longueval, ua fier chevalier aussi et de grand cuer, monstra bien à cestui jour que en luy avoit prouesse et hardement; car n'amiroit daulphinois non plus que loups les oeilles , ains exploitoit ès faicts d'armes en tous destroicts. Si faisoit le seigneur de Jonvelle, le cheva lier de la greigneur force de France. voire des chrestiens , ce croy-je, et de plus grand couraige , par quoy il ne faict pas à doubter qu'il ne feist de haults et de grands faicts en si estroict besoing comme à celle heure, car dur y faisoit et mortel; et ne se povoit nul mectre à saulf de péril, si non par estre meismes mortel perilleux. Par quoy se ceulx du party bourgoingnon se traveilloient à venir à la victoire par estre fiers et mordans, si faisoient, pensez, les daulphinois tout mersmes; et véoient bien qu'il leur faisoit plus que mestier, car trop y trouvoient de vaillance et d'esmerveillables en une petite route

| de gens que nulle force ne felle envie d'en

nemis ne povoñt descoudre ne ouvrir. Si se mist Loutesvoies en bon devoir souvent Potton, ung très vaillant escuyer et depuis maintesfois bien esprouvé , lequel, pour nulle péril de mort, ne besoingna à employer son corps en son propre honneur et l’aultruy,

ains tousjours s'adressa aux plus vaillans et

les plus chevalereux , et leur donna à souffrir beaucop ; meismes plusieurs fois se prinst au duc bourpoingnon , lequel il trouva redoutable beaucop et criminel. Et cuide, se j'ay bien retenu, que lui-meismes prist ledict Pot-

ton , et le commença en la fin de la besoingne

et le gaigna par force d'armes. Messire Regnault de (4). . . aussi , et plusieurs aultres se portèrent mieulx que fortune ne leur estoit bonne; car ce que en commencement cuidoient avoir gaingnié et conquis ils perdirent enfin, et leur retourna . l'aventure contraire. Merveilles fut véoir des armes que l'en y faisoit et des pesans et horribles cops que on y ruoit à tous lez, l'ung cy, l'aultre là, d'estoc et de taille, et de toutes manières. Le duc meismes y fut saisy au corps; et le cuidoit, ung très puissant homme d'armes le quel. luy avoit persé l’arçon de sa selle tout oultre, le tirer jus à terre, car le tenoit à bras; mais son coursier, qui estoit viste et merveilleusement bon, le porta oultre. Si ne laissa pas pourtant à soy rebouter en la presse, car le quéroit tousjours; et chassoit après les plus drus, et les servoit de son trenchant le plus mortellement qui y fust en la journée. Aussi ne tint-il en celuy jour oncques ne route ae ordonnance, ne ne regardoit ne qui fut près ne loing de sa personne , mais tousjours mains et bras en besoingne sur les sallades et visières hurtoit . et chocquoit sur les ungs et sur les aultres.

Toutes presses lui estoient bonnes et toutes places visitées, à gauche et à dextre, devant et derrière. N'y olt chevalier son ennemy qui n'assiast son bras, et qui ne sentist de sa valeur, qui estoit plus felle que de ser- - pent en flambe. Et y prinst deux hommes d'armes en la desconfiture qui se rendirent à luy et luy demandèrent mercy. Et bien sçavez que oncques la bonté de son couraige

(f) Lacune dans le manuscrit,

GEORGE CHASTELLAIN

ne les peult reffuser, comme preux ne comme dur ennemy qu'il leur fust, puisqu'ils estorent gentils -hommes et qu'il les avoit trouve vaillans , dont il les prisoit myeulx.