CHAPITRE LXXVDN

Cy parle des prouesses qui furent faictes par mesure Jehan de Luxembourg et plusieurs autres.

Or estoit messire Jehan de Luxemoourp avec aulcuns des seigneurs à Assy accueilli d'un troppeau de daulphinois qui le conguois soient, el ne chassoient que à luy faire très mauvaise compaignie, pour ce que fellement et despiteusement se revangeoit. Or il estoit bien aisé, car estoit chevalier de grand proesse.

Si l'avoient aucunement à part arriéré de son maistre le duc , et taschoient à l'emmener prisonnier , car cuidoient encoires la journée estre pour eulx, et luy dirent maintefois :

« De la foy, chevalier, de la foy! » le quel grinant les dens de courroux, ne rendoit responce que de l'espée, tant qu'il la povoit remouvoir; et leur donnoit bien à congnoistre qu'il n'avoi: pas ce vouloir. Dont quand celuy qui sy de près le tenoit, nommé La Moure, véy que si mal en povoit venir à chief, et si estoit comme seul entre beaucop, print ung argu de couraige en luy, en remectant en soy-meismes ou de le tuer ou de l'emmener, s'il y povoit advenir par nulle fin; si en y avoit aulcuns qui s'estoient traversés entre luy et luy , et estoient près eslongiés de deulx lances l'ung de l’aultre , et avoitledict de Luxembourg à faire et à entendre ailleurs. Dont quand cestuy La Moure lerechoisy, vint à bras levé et à force de cheval, et de haulte puissance de corps et de cuer luy bailla une traverse au visaige , disant : « Je reviens. Or à ce cop vous mourrez ou vous vous rendrez ; je vous ay huy tant poursievi, il est heure que je en aye une fin. Sus, rendez-vous à l'heure, ou à la mort. » Et ledict de Luxembourg, non amoindry de cuer, mais tout wvillenné laidement en face et esblouy du sang qui luy ailoit sur les yeulx, dont il n’en avoit que unpg, comme vous avez ouy dire et comment il le perdy, à dur certes et à bien envys, quand

ne se trouva secouru de nulluy, se rendy audict La Moure et luy bailla la foy; aussi avoitil par avant faict le seigneur de Luxembourg, qui estoit demouré emprès luy et avoit esté bleschié bien durement. Si furent en enmenés, par ung peu de temps et non gaires, que les gens du duc de Bourgoingne, et les siens aussi, sus l’avantaige de la victoire, crians: « Icy! hélas ! » les trouvèrent d'aventure ; et furent honnourablement et vaillammeut recours par leurs amis, mais non pas si tost sanés de leurs playes. Le seigneur de Comynes, ung vaillant chevalier de Flandres, fut tout au long du jour avec plusieurs autres vaillans hommes de sa nation de Flandres emprès son ‘ prince, et print toutes aventures avec luy, et y acquist de l'honneur et du los beaucop celuy jour, et se monstra chevalier de grand prix: Si fit le seigneur de (4). 2e et tous ceulx de la nation flandroise , à qui leur prince donna ce los. Et à luy-meismes l'ay oy dire, que plus par eulx que par nuls aultres cely jour Dieu luy envoya victoire et honneur. Et affermoit avec ce qu’il ne fust oncques trouvé qu'en leur noblesse il n’y eust constance et fermeté la plus entière du monde et la plus féable; les anciennes histoires aussi plusieurs en font mention assez. Sy est vray que entre eulx en y avoit ung qui estoit fait chevalier cely jour, nommé messire Jehan Villain, noble homme et de haulte stature, gros avec ce, membreux, et portoit force et croysée , ayant haulte forcelle et gros yeulx felles durement et flamboyeulx. Cestuy estoit monté sur ung hault puissant destrier, merveilleusement gros et couragieux, comme il luy faisoit bien besoing, car il portoit de fès assez pour deux; et en la plus dure et mortelle presse là où ses ennemis estoient en leur plus hault orgueil , il vint à bride abandonnée et d'une pesante hache en ses mains, que nul n'eust peu sourdre, et à deux bras alloit ruant et rammonnant devant luy ; et par la plus horrible, manière qui avoit esté veue oncques mais , tuoit gens et assommoit comme bouchiers font les bœufs, espautroit testes de chevaulx, confondoit hommes d'armes, espovantoit couraiges , donnant forces et puis-

(4) Lacune dans le manuscrit.

sances, employant bras d’ung foudre et d'ang homme d'achier qui nully n'amiroit mais. Si le fuirent chacun ; et ne sembloit que ung assommeur, ung murtrier à journée, plus diable que homme. Se tira à part Potton de Saincte-Trailles espovanté en luy-meismes de ses faicts, pour le regarder par unes merveilles plus à son aise , car oncques mais n'avoit veu ne ouy parler ne de telle oultraige, ne de telle horreur; ets'en seignoit par amiracion, comme d'ung (1). . . . à qui force haultaine n'a lieu, car abandonnant son corps à chacun sans tenir bride ne selle, nul ne l’osoit appro:chier, mais s'enfuyoient comme anneteaulx devant le faulcon; et se laissoient plus tost cheoir à terre que recevoir sOn Cop, tant estoit pesant ‘et horrible et non portable sans mort. Sy escumoit par la bouche, et son cheval par tout le corps plus blanc que neige , du fès qu'il portoit et soustenoit, d'escume. Brief tout fut mis à desconfiture devant luy, ce qui se trouvoit , et la victoire clère pour son party par luy et par aultres. Or estoit retourné Pierron de Luppel et sa compaignye de la chasse après ceulx qui s’en estoient fuis, et cuidoit ouver la fortune comme il l’avoit laissée. Dont si tost qu'il s'en perceut du contraire, sans gaires donner à congnoistre quelle espée il portoit , de la meilleure pièce de son harnois c'estoient ses esperons, il quist à sa sauveté et se mist à la fuyte, plus aigrement beaucop qu'il n°avoit chassé par avant, et print son chemin vers Sainct- Waléry. Aulcuns aultres (2). . .

qui mieulx mieulx , pour estre plustost à saulf. Le seigneur de Moy en fist autant, et se sauva par ce party.