CHAPITRE XXII

Comment les ambassadeurs rallèrent à Gand, tant que trefves feurent donnécs de six sepmaines, et comment après ce le duc leva le siége et desfit son arméc.

Ayant le duc de Bourgoingne, comme dictest, mis le siége autour d’une partie de la ville, ses gents alloient touts les jours jusqu'aux portes de

Gand, et brusloient touts les mollins et les pays entour de la ville ; et ceulx de la ville de Gand, voyants, comme dessus est dict, le siége devant eulx, avec la grande perte qu’ils avoient eue de tant de gents comme autrement, et avecques ce qu’ils avoient en leur ville très grande mortalité d’impidémie!, ils envoyèrent prier aulx ambassadeurs du roy qu’ils volsissent tant faire que le duc leur envoyastung saulf-conduict pouraller devers luy ou son conseil, pour traictier de la paix ; et avecques ce prioient aulxdicts ambassadeurs qu'il leur plust encoires une fois venir à Gand. Les ambassadeurs, cuidants y mectre la paix derechief, allèrent à Gand, et leur portèrent ung saulf-conduict. Auquel lieu de Gand feurent très honnorablement receus.

Et venus en ladicte ville, assemblèrent tout le commun sur le marchié, et illecq leur monstrèrent les saulf-conduicts qu’ils apportoient du duc de Bourgoingne, leur seigneur, pour aller devers luy ou son conseil, afinde trouver la paix entre eulx et le duc. Lors feurent d'accord les Gantois ensemble : quetouts ceulx quy voulloient avoir paix se tirassent d’ung lez et costé du marchié, et ceulx qui n’en voulloient pas, d’ung autre lez et costé; et ainsy se divisèrent en deux parties, dont il y en olt d'une partie sept mille, lesquels désiroient touts la paix; et d’aultre partie y en avoit douze mille quy n’y voulloient entendre. Quand les ambassadeurs veirent ce, conclurent que le lendemain on revenist sur le marchié pour veoir sy on se polroit accorder ensemble. Le lendemain venu, vindrent touts ceulx quy avoient dict qu’ils désiroient paix ; mais des aultres n’en revindrent nuls. Lors touts ceulx quy estoient sur le marchié crièrent ensemble, tout d’une voix, qu’ils voulloient paix, en priant aulx ambassadeurs humblement qu’ils s’en retournassent vers le duc, avecquesaulcuns députés par eulx,et que, s’ils pooient, ils feissent tant que la paix feust faicte. Après ces choses, se départirent lesdicts ambassadeurs et députés, et vindrent devers le duc ; et tant firent que le duc accorda aulx Gantois six sepmaines de trefves, partelsy, que les Gantois baillèrent hostaiges au duc, et que sy durant ce temps la paix ne se trouvoit entre eulx , de reffunder au duc la perte et le dommaige qu’il polroit avoir eu à cause d’avoir desffaict son armée, et les frais qu’il mectroit à les (1) EÉpidémic.