LIVRE 11, CHAP. XXWY

rassembler, avecques les gages de gents d’armes qu’il mectroit en garnison entour Gand lesdicts six sepmaines durant; et avecques ce ne se polront ceulx de Gand, sur peinede rompre les trefves, garnir de nuls vivres ce temps pendant, et sy ne polront entrer en nulles villes du duc sans demander congié à la porte. Et encoires feut ordonné que, pour venir traictier de paix, ils ne viendroient que jusques au nombrede cinquante. Et feut prins lelieu de traictier à Lille, où lesambassadeurs debvoient estre, et le conseil du duc Philippes de Bourgoingne, lequel leva le siége et desfit son armée, reservé qu’il laissa à Terremonde, Aloste, Courtray et Audenarde, à chascune desdictes villes, très fortes garnisons ; puis s’en alla le duc à Bruxelles, et son conseil à Lille, et le remenant de son armée chascun en son lieu.