CHAPITRE XXIV

Comment les trefves feurent publiées, ct comment les Gantois feirent pendre le variet d'ung hérault que les ambassadeurs avoient envoyé à Gand publier lesdictes trefves.

Toutes les dessusdictes choses faictes, le duc feit publier les trefves par ses pays; et pareillement les ambassadeurs du roy envoyérent ung hérault à Gand pour publier les trefves ; lequel hérault, sitost qu’il fust descendu, ainsy que son varlet menoit ses chevaulx, feut prins d’aulcuns Gantois ; lequel varlet portoit devant et derrière de son jacque ou journade l'enseigne du duc, quy estoit une croix Saint-Andrieu, blanche, et estoit l’enseignede touts sesgents. Et feut ledict varlet prestement par aulcuns Gantois pendu etestrangléen despist du ducde Bourgoingne, leur seigneur ; et disoit-on que ce avoient fait les parents du coustelier, quy avoit esté pendu comme dict est dessus. lequel devoit estre comte de Flandres ; toutesfois ils ne feirent nul mal au hérault, ains s’en retourna sain et saulf.