CHAPITRE XX
Comment ceulx de Gand vindrent à Lille et promeirent d'entretenir ce que les ambassadeurs du roy ordonnèrent, et la sentence que les ambassadeurs rendirent.
Les dessusdicts ambassadeurs venus à Lille .
et lesconseillers du duc, lequel duc avoit levéson siége, comme dict est, et desparty son armée le vingt-deuxiesme jour de juillet, au dessusdict an cinquante-deulx, ceulx de Gand envoyèrent audict lieu de Lille leursdéputés, jusqu'au nombre de cinquante chevalliers, avecques ung advocat du parlement, qu’ils avoient mandé pour esire à
leur conseil,nommé maistre Jehan de Pouppincourt ; lesquels illecq venus baïllérent auxdicts ambassadeurs leurs faicts par escript ; et pareillement feit le conseil dudict duc. Etcombien que le duc n’y volsist point estre, toutesfois il feut tant requis et prié, tant par son conseil comme par lesdiets ambassadeurs du roy, qu’il se partist de Bruxelles, et le vingt-septiesme jour d’aoust arriva à Lille. Le duc venu à Lille, scachant les députés de Gand que de brief on debvroit rendre leur sentence, et aussv que le jour approchoit que les trefves devoient faillir, ils se partirent de la ville de Lille, et se retirérent à Gand ; et ne laisserent en ladicte ville de Lille que deulx héraults et ung truscheman. Apres lequel département les ambassadeurs du roy rendirent leur sentence en telle manière, c’est à scavoir :
Premier, ordonnèrent que la porte par où les Gantois estoient vuidés pour aller mectre le siége devant Audenarde seroit close une fois la sepmaine, par tel jour qu'ils vuidèrent, (et feut parung jeudv) à tousjours perpétuellement. Îlem, que la porte par où vuidèrent pour aller livrer bataille à leur prince et seigneur, (quy feut à Rippelmonde), seroit close à tousjours mais et murée.
Jiem,avecques ce feroienttenus ceulx de Gand mectre jus touts les chapperons blancqs, lesquels touts ceulx quy tenoient le party de ceulx de Gand portoient pour enseigne, pour par ce estre cognus, comme en guerre qu’autrement.
Jtem, pour tant que quy estoit bourgeois de Gand, on ne les pooit traictier sinon par-devant les eschevins de Gand, ou qu'ils fuissent demourants en la comté de Flandres, pourquoy on ne pooit avoir raison d’eulx sinon en perdant la plus grande part de ce qu’ils debvoient, ils ordonnèrent que lesdicts eschevins de Gand pe cognoistroient dès-or-mais de nuls de leurs bourgeois, sinon de ceulx quy seroient demourants en leur banlieue.
Item, pour cequ’ilsbannissoient sans ce qu’ils disent les causes pourquoi, ils ne le feroient plus sans dire et déclarer les causes pourquoy, au grand bailly de Gand ordonné de par le duc leur scigneur; ct sy autrement le faisoient, soient tenus les amender et en estre punis.
Jtem, pour tant qu'ils avoient accoustumé que, au renouveller, les eschevins de Gand devoient estre en nombre de vingt-quatre, dont
re en
il y en failloit avoir les douze qu'ils fuissent du mestier des tisserants ou soubs leurs bannières, feut dict par les ambassadeurs que quatre preud’hommes esleus par le duc, et quatre esleus par la communauté, renouvelleroient lesdicts eschevins , sans avoir regard d'en faire plus du mestier des tisserants que des autres, sinon à ceulx quy seroient plus propres pour le bien publicque; ne jamais lesdicts esleus ne partiroient d’une chambre quy leur seroit ordonnée, jusques acequ'ilsauroientesleulesdictseschevins,etainsy lesolloient!faire du temps du noble comteGuy.
Item , pour tant qu'ils avoient accoustumé, sitost qu’ils se troubloient, de mectre leurs bannières hors, et les porter au marchié, etillecq leur assembler et veoir leur puissance, il feust ordonné qu'ils esliroicent six maisons, les plus lointaines l’une de l’autre que faire se polroit, et illecq polroient assembler ; et avecques ce feroient mectre toutes leurs bannières en ung coffre fermant à cinq clefs, dont lune porteroit le grand bailly de Gand, l’autre le premier eschevin, la tierce le grand doyen des mestiers; et les deux autres deux preud’hommes esleus de par la ville.
Item, ne s’escriproient plus, tant en leurs lettres missives comme aultrement, les dessusdicts eschevins de Gand, les Seigneurs de Gand, comme faisoient et avoient faict grand temps devant ; mais se régleroient d’escripre comme les aultres villes appartenantes audict duc.
Item, que toute la loi de ladicte ville, les doyens et hoyguemans, avec deux mille des manants et habitants de ladicte ville de Gand, viendroient, en leurs chemises tant seulement, demy-lieue hors de la ville de Gand, où il sembleroit bon au duc, luy prier mercy, en disant : que mauvaisement et faussement s’estoient rebellés contre luy, quy estoit leur seigneur, en luy priant que d’eulx volsist avoir pitié et les recepvoir à mercy, en leur pardonnant la rébellion par eulx faicte à tort et à mauvaise cause.
Item, sy aucuns des officiers du duc doresnavant faisoient chose qu'y requerist pugnition, les eschevins ny ceux de la ville n’en cognoistroient plus, comme avoient faict, ains seroient renvoyés au duc et à ses conseillers.
Ilem, le pays de Wast, d’Aloste, d’Audenarde, de Terremonde, de Rippelmonde, Brief-
lvliet, avec le pays des Quatre Mestiers, lesquels
(1) Avoient coutume.
[1458] auparavant obéis soient à ceulx de Gand, sans ce que aultres que eulx en euissent la cognoissance, lesdicts ambassadeurs ordonnèrent que dedans ung an advenir ordonneroient sy lesdits Gantois en auroient plus cognoissance ny domination, ou non.
Jiem, et pour les dommaiges que ledict duc avoit eus et supportés à cause de la rébellion desdicts Gantois , lesdicts de Gand seroient tenus de payer au duc deulx cents cinquante mille reyders d’or, telles que desoixante-huict pesants le marc de Troyes, de huict onces pour le mare, de bon or et alloy, telles que le due avoit faict forger en sadicte ville de Gand.
Telles feurent les ordonnances pour parvenir à paix, que lesdicts ambassadeurs du roy rendoient par forme et matière de sentence; de laquelle sentence ceulx de Gand ne tindrent riens, jà soit ce qu’ils avoient promis de tenir et furnir tout ce que lesdicts ambassadeurs ordonperoient.
