CHAPITRE XXVI

Comment ceulx de Gand ne tindrent point l'ordonnance de la paix, mais recommencèérent la guerre et ardirent Hulste ; et comme ung herault eschappa de Gand,

Ainsy, comme je vousa y dict, feut la sentence rendue par Jesdicts ambassadeurs du roy en la ville de Lille. Après laquelle sentence les dessusdicts héraulx et truschements , que les Gantois avoient laissés à Lille, s’en allérent ; et rapportérent par escript aux Ganfois la sentence rendue par lesdicis ambassadeurs; laquelle sentence feut lue publiquement devant la communauté, dont il olt grand murmure entre eulx ; car les ungs estoient contents d'entretenir le traictié, mais la plus grande partie n’en voullut rien faire; et feurent bien dix jours sans response s'ils tiendroient ledict traictié ou non. Durant lesquels dix jours aulcuns compagnons de la ville de Gand s’assemblèrent et prindrent le nom des Compagnons de la Verde-Tente; et feut capitaine de ceste compagnie ung qui s’appeloit le bastard du Blaneq Estrain. Et après ce qu'ils se feussent assemblés, bien armés et embastonnés, vuidèrent par nuict hors de la ville de Gand et allèrent vers Hulste, ung gros villaige au pays de Wast. Et pour abuser et surprendre ceulx quy estoient audict Hulste, lesquels s’estoient rendus au duc de Bourgogne, ils feirent allumer à ung des lez de la ville des torsins et