DES

fallots, affin que ceulx de Hulste cuidassent qu ils vinssent par ce costel-là ; et quand ceulx de Hulste veirent lesdicts torsins et lumières, sy se tirèrent touts celle part, cuidants eulx deffendre contre les Gantois venants celle part et de ce costel-là les assaillir.

Et comme ils s’estoient touts tirés de ce costel, ceulx de la Verde-Tente entrèrent audict Hulste par ung aultre lez et en meirent plusieurs à l’espée; ceulx qui peurent eschapper se saulvèrent au mieulx qu’ils poeulrent. Après ce, lesdicts Gantois pillièrent toute la ville et l’ardirent toute; puis se retraièrent dedans Gand. De tout ce ne scavoient les ambassadeurs riens , lesquels cestoient encoires à Lille , et attendoient la response des Gantois ; lesquels ne leur envoyèrent quelque response s’ils tiendraient leur sentence ou non. Pour laquelle chose ils envoyèrent ung hérault à Gand, avecques lettres addressantes à ceulx de Gand, conte: nantes s’ils leur feroient scavoir seils tiendroient leur appoinctement ou non. Lequel hérault,sitost qu’il fust arrivé en la ville de Gand et descendu en une hostellerie, pria à son hoste que il le volsist addrecer à baillier ses letires, lesquelles il apportoit de la part desdicts ambassadeurs. Lequel hoste, sitost qu'il entendit cela, en ayant pitié de luy, luy dict que mal estoit arrivé, et qu’il se gardast bien de dire qu’il estoit venu pour ceste cause ; car, s’il le disoit, sa vie estoit finie. Quand le hérault oyt ce, sy pria humblement qu'il le garandist de mort se il pooit ; l’hoste luy diet qu’il se tinst tout coy en son hostel, et que le lendemain luy sçauroit à dire sy on le voudroit oyr au non. Quand ce vint le lendemain, l’hoste luy dit que, s’il estoit cognu, ilestoit mort; mais s’il pooit, il luy aideroit à saulver sa vie. Sy luy conseillia qu’il retournast sa robbe ; et le feit monter à chevalet luy baillia son varlet, quy alla avecques luy ; etluy dict que sy on luy demandoit qu’il estoit, qu'il dict qu’il estoit ung marchand de France quy revenoit d'Anvers. Ledict hérault creut son hoste et son conseil; mais sitost qu’il fust venu à la porte, on luy demanda d’où il estoit , et il respondit comme son hoste luy avoit dict ; lors on luy ouvrit la porte, et ceulx quy gardoïient la porte luy demandèrent le vin. Et entre tant qu’on ouvroit la porte, mectoit sa main à sa bourse.

Mais la porte ne feut pas sitost ouverte que ledict hérault ne férit son cheval des esperons et

passa oultre sans donner ou payer vin; et n’arresta jusques à ce qu’il vint à Lille. Et ainsy eschappa et rapporta aulx ambassadeurs comment il avoit esté en grand péril.