CHAPITRE XX VII

Comment les ambassadeurs du roy, quy avoient esté envoyés devers le duc Philippes de Bourgoingne, après ce qu'ils se feussent travailliés, selon que dict est, prindrent congié au duc, et s’en relournèrent; et comme les Gautois ardirent Axclles.

Les ambassadeurs que le roy Charles de France avoit envoyés devers le duc de Bourgoingne, après qu’ils se feussent travailliés pour mectre paix et accorder le duc et ceulx de Gand, voyants que ceulx de Gand alloient totalement contre leur promesse et ne volloient riens tenir de l'ordonnance desdicts ambassadeurs, ils prindrent congié audessusdict duc de Bourgoingne, lequel ducleur feit donnersix mille reydders, tel que dessus est dict, pour leur travail. Après lequel don et qu’ils en olrent remercié ledict duc, ils s’en retournèrent en France devers le roy, et ledict duc séjournoit à Lille, attendant la response des Gantois; lesquels Gantois , en contiauant tousjours leur rébellion et orgueil, avecques ce qu'ils olrent pillié et ars ladicte ville de Hulste, derechief issirent de Gand et allèrent ardoir un gros villaige qu’on appeloit Axelles.

En ce temps pendant encoires cuidèrent prendre la ville d’Aloste ; mais ung capitaine quy gardoit ladicte ville de par le duc, nommé messire Anthoine de Wissocq, chevallier, la deffendit et ses gents, tellement qu'ils n’y conquestèrent riens; sy s’en retournèrent ; et en retournant ils bouttèrent le feu en touts les villaiges qu’ils scavoient estre obéissants au duc; et mectoient à mort femmes et enfants en despit du duc; et faisoient plusieurs maulx , et tant que sans nombre.