CHAPITRE XXVIII

Comment le duc de Bourgoingne rassembla ses osts et feit nouvelle armée, et manda le mareschal de Bourgoingne, eicomment ceulx de Gand ardirent la ville de Harlebecq.

Le duc de Bourgoingne estant à Lille, attendant la response de ceulx de Gand, on lui vint dire les maulx que les Gantois faisoient, non veuillants tenir l’appoinctement et ordonnance rendue par les ambassadeurs du roy de France.

ils le compareroient ; et feit prestement ses lettres escripre, et remanda une partie de ses gents d'armes; et, jà soit que jusqu'alors il n’avoit mandé au pays de Bourgoingne nuls gents d’armes, pour tant que le duc de Callabre, fils du roy deSécille, duc d'Anjou, s’efforcoit de jouren jour d’entrer audict pays de Bourgoingne pour le pillier s’il pooit , il manda lors le mareschal de Bourgoingne, lequel estoit seigneur de Beaumont. Et jà soit ce qu'il fust de petite stature et bocu, toutesfois il estoit renommé d’estre très valliant homme de guerre, et il estoit cremu! et redoubté; lequel mareschal, après ce qu'il eust receu lettres du duc, s’appresta de venir, avecques luy très belle compagnie de Bourguignons.

Ce temps pendant que ledict duc attendoit ses gents et son mareschal de Bourgoingne, le vingtquatriesme de septembre, l’an cinquante-deulx, les Gantois vuidèrent de la ville de Gand et allèrentardoir ung gros villaige appelé Harlebecq, à demy-lieue de Courtray; et le feirent par nuict; et meirent à mort plusieurs hommes, femmes et enfants; de laquelle chose ceulx de Courtray feurent espantés?. Ces choses sceues par le duc de Bourgoingne , lequel estoit en la ville de Lille, il envoya prestement son nepveu, Adolphe de Clefves, avecques plusieurs hommes d’armes et archiers; mais ains qu’ils feussent venus à Courtray, les Gantois s’estoient retraicts à Gand.