CHAPITRE XXIX

Comment Philippes, duc de Bourgoingne, envoya à Courtray son mareschal de Bourgoingne et le feit capitaine principal de touts ses gents d'armes, et des garnisons qu'il y mcit ès bonnes villes; des ordonnances que feit iceluy mareschal, et des feus quy feurent bouttés.

Quand le duc de Bourgoingne eut assemblé ce qu’il avoit de gents de guerre, il ordonna garnison à Terremonde, Courtray, Aloste, Audenarde , et par toutes les bonnes villes et passaiges par où vivres pooient venir dedans la ville de Gand; puis ordonna le mareschal de Bourgoingne principal capitaine de touts ses gents d’armes; et lecommit pour garder la villede Courtray avec plusieurs chevalliers et escuyers de Picardie. Ce faict, ordonna son fils Anthoine, bastard , à garder la ville de Terremonde ; messire Symon de Lallaing et messire Jacques, son

| nepveu, à garder la ville d’Audenarde. Lesquels Lors le due feut troublé et iré, et diet que chier ; |

(1) Craint. (3) Épouvantés.

feirent maintes valliances, par espécial iceluy messire Jacques ; puis commit messire Anthoine de Wissocq,chevallier, à garder la ville d’Aloste. Après ces garnisons envoyées et données par le duc, Adolf de Clefves son nepveu se partit de Courtray et retourna à Lille.

Or, vous veuille parler du mareschal de Bourgoingne, lequel, incontinent qu’il feut arrivé à Courtray, feit crier et publier par tout le pays : que touts ceulx quy voldroient tenir le party du duc meissent leurs biens en lieu seur, et ne laissassent riens à cinq lieues près de Gand, sur péril de tout perdre et leurs corps , s'ils estoient trouvés ; et feit pendre touts les prisonniers qu’il pooit scavoir qu'ils estoient Gantois, lesquels on tenoit prisonniers. Et certes, car la guerre estoit sy mortelle et avoit esté tousjours, par espécial du costel de ceulx de Gand, que touts ceulx qu'ils pooient prendre tenants le party du duc de Bourgoingne, leur seigneur, pour quelques finances qu’ils euissent sceu baillier, ils ne euissent esté respités de mort, que prestement qu’ils estoient prins ne feussent descappités ou pendus; et de tant qu’ils les euissent peu prendre, nobles, chevalliers ou princes, de tant euissent esté plus joyeux de les faire mourir, ne jamais n’en euissent nuls respité de la mort; et n’y vailloit rien rançon qu’on euist sceu baillier. Mais la chose n’estoit point sy criminelle du costel du duc, car quand ils prenoient un prisonnier , ne leur tolloient vie, et ils le mectoient très volluntiers à rançon. Toutesfois, pour cry que sceust faire le mareschal, touts ceulx des villaiges d’entour Gand tirèrent leurs corps et leurs biens dedans Gand. Quand le mareschal de Bourgoingne perceut ce, il feit par tout boutter les feus ; et ne laissa rien à cinq lieues de Gand , que tout ne feust ars et bruslé, et par espécial quy feust en pays de refuge ; et sy d’adventure laissoit aulcuns villaiges quy tinssent le party du duc, pareillement ceulx de Gand les ardoient; et par ainsy, d’ung costel ou de l’autre, tout feut ars et bruslé.