LIVRE II, CHAP. XXXI

courre jusques aulx portes de Gand, et ardirent deulx des mollinsestants sur les fossés de la ville, sans que nuls des Gantois saillirent dehors; et en ce voyage trouva quinze chars chargiés de bled , qu’on menoit à Gand, lesquels il feit amener à Audenarde.

Environ ces jours, le mareschal de Bourgoingne assembla ses gents, et alla pareillement courre jusques aux portes de Gand; et afin que ceulx de la ville vuidassent contre luy , feit en allant ardre et brusler tout le pays ; mais pour ce ceulx dela ville de Gand ne‘vuidèrent. Sy s’en retourna; et en retournant passa par-devant ung chastel nommé Poucres, duquel chastel il feit assaillir la basse-court et la prit par force; mais les Gantois se retraièrent au chastel; et n'en y eut nuls morts; mais de la compagnie du mareschal y feut occis ung archier.

Quand le mareschal veit qu’il ne pooit faire mal au chastel, lequel estoit moult bel et fort, il feit boutter le feu en icelle basse-court et l’ardit, puis s’en retourna à Courtray.