CHAPITRE XXXI
Comment Anthoine, bastard de Bourgoingue, alla courre jusqu'à Gand, el comment les Gantois luy courureut sus, et de la fuite que ses gents feirent.
Le vingt-cinguiesme jour d'octobre , l’an mil quatre cents cinquante et deulx, parung vendredy, Anthoine, bastardde Bourgoingne, avecques luy François l'Arragonois, chevallier et conduiseur d’iceluy bastard, pourtant que ledict bastard estoit josne, et ledict messire François estoit renommé d’estre valliant homme de guerre, mandèrent la garnison d’Aloste. Lesquels venus, ils se trouvèrent environ mille combattants, touts lesquels s’acheminèrent vers la ville de Gand, pour veoir sy les Gantois sortiroient hors de ladicte ville. Et comme ils feurent à demy-lieue de Gand, sitost que les Gantois les apperceurent, lesquels scavoient bien leur venue, et estoient prests à vuider à grande multitude de peuple, et avoient avecques eux aulcuns Compagnons anglois, lesquels , pour gagner, s’estoient à la sourde dedans Gand mis, et iceulx Anglois conduisoient les Gantois, lesquels prestement issirent tout à pied et les Anglois à cheval. Sitost que les courreurs choisirent lesdicts Gantois issus, sy en y olt aulcuns qui saisirent leurs lances, et les rompirent valliamment sur
les Anglois, qui estoient à cheval; desquels seigneurs quy rompirent leurs lances, l’ung feut le seigneur de Guienneville, Flameng, Brunois de Ollehain, Picard, et Pierre de Lannoy de Lille ; et valliamment s’y portèrent , sans estre morts ny navrés. Puis s'en retournèrent lesdicts courreurs devers le bastard, et luy dirent le grand peuple quy estoit issu de Gand, lequel peuple les suivoit fort'et estoit jà prest de luy; et à peine olrent ce dict quand le bastard veit Les Gantois devant luy. Lors feit ledict bastard crier et commander à ses gents que chascun descendist à pied; mais pour chose qu'il feist dire, ny mesme disant, oncques ne descendit de ses gents à pied que cinq : l’ung feut messire François l'Arragonois, l’aultre feut celuy quy portoit l’estendart dudict bastard et troisarchiers.Ains, nescay par quelle maladventure, ne pour quoy ce fust, ou s’ils s’espantèrent, ou sy c'estoit pour tant que le bastard estoit josne et ne lecremoient point, mais touts les gents dudict bastard se meirent en fuite, ne oncques, pour choses que ledict bastard sceust crier ny menacer, il ne les sceult ny poeult faire retourner ; dont à peu qu'il n'enrageoit. Et à grande peine poeut estre remonté sur son cheval ledict François l’Arragonois et celuy qui portoit l’estandart , que les Anglois et Gantois pe vindrent sur eulx. Et feurent les trois archiers quy estoient descendus à pied, illecq tués desdicts Gantois. Quand le bastard veit ce, et qu’il failloit que pour le jour la perte et déshonneur chévst sur luv, luy vingtiesme d'hommes d'armes demoura derrière, tellement que nuls des Gantois n’osèrent suivir les fuyants; et tellement aussy s’y porta que nulsde ses gents ne feurent rataints, ja-soit ce qu'ils s'enfuirent quy mieulx mieulx, et laissoient sur les chemins arcqs, trousses, lances et toutes aultres harnas. Ny mesmes les Anglois quy estoient à cheval ae s’osèrent férir en luy. Et d’aultre part ceulx de pied ne le pooient rattaindre. Et ainsy, toujours en reculant, feit tant que touts ses gents feurent sauvés; et s’en ralla chascun en son logis. La dessusdictemaladventure et déshonneur dudict bastard, et la fuitte que olrent ses gents ce jour, leur feut par adventure, et sans doubte la salvation de leurs biens, jà-soit ce qu’ils n’en sceussent rien; Car, comme dessus est dict, les Gantois scavoient bien leur venue, parquoy ils vuidèrent ainsy prestement que dict vous ay, et avecques ce avoient faict vuider par une autre
porte de la ville que celle par où ils vuidèrent, bien quatre mille Gantois ou plus, lesquels moult fort se hastèrent pour aller rompre les ponts, et empeschicr les passaiges par où le bastard estoit passé et pour luy courre sus par-derrière; mais pour ladicte fuitte, ceulx quy vuidèrent par ladicte porte vindrent irop tard à faire ce qu'ils avoient empensé.
