CHAPITRE XXXIL
Comment le mareschal de Bourgoingne avecques ses gens, foit ardoir Escloot, et comment messire François l'Arragovois reboutta valliamment les Gantois quy estoijent venus mectre le siège devant la ville d’Aloste.
Le mareschal de Bourgoingne avecques messire Jacques de Lallaing et le seigneur de Grutus!, Flameng, avecques grande compagnie de gents de guerre, sceurent queles Gantois se tenoient à Escloot , très fort villaige, auquel Escloot avoit ung fort moustier. Pourquoy ils s’assemblèrent ung jour, et vuidèrent pour tirer vers Icdict Escloot et entrèrent dedans. Et tantost que les Gantois veirent les Picards, sy se retrahirent vers ledict moustier, et dudict moustier se bouttèrent dedans ung bois assez près d’illecq; mais ils ne se sceurent sitost retraire qu’il n’en demoura des morts bien quarante. Et feut la ville toute pilliée; et puis feut boutté le feu dedaus. Et la cause pourquoy on bouttoit ainsy les feus estoit, pour ce que les hommes du plat pays ne se volloient désister de mener vivres aux Gantois, et de sonner leurs cloches quand les Picards alloient courre, affin d’assembler les paysans et leur donner emcombrier ? à leur retour.
Brief, à cinq lieues de Gand allenviron , tout feut ards , ou d’ung lez ou de l’aultre ; et ce que l’une des parties laissoit, l’aultre brusloit. Maints gros villaiges et maintes belles maisons feurent arses, desquelles je ne feray mention, car trop longue chose seroit à raconter.
Le quatorziesme jour du mois de novembre ensuivant, scachants les Gantois que messire Anthoine de Wissocq, capitaine d'Aloste, s’estoit allé esbattre en son pays, s’assemhlèrent bien dix mille de pied , avecques aulcuns Anglois, lesquels estoient à cheval et les conduisoient; et se partirent de Gand pour aller assaillir la ville d’Aloste ; mais ainçois5 qu'ils se partirent, Anthoine, bastard du duc de Bour-
(1) La Gruthuse,
(3) Dommage. (3) Avant.
[1452] goingne, quy estoit à Térremonde, sceut qu'ils debvoient partir, par aulcuns espies ; pOur laquelle cause, et ladicte ville garder et renforcer, ledict bastard envoya audict Aloste ledict messire François l’Arragonois, averques bien trois cents combattants. Lequel messire Francois, tantost qu'il feut arrivé audict Aloste , on luy vint dire que les Gantoisvenoient à grande force de gents. Lors ledict messire François, comme valliant et hardy chevalier, atout ce qu’il poeult de gens, la ville laissiée garnie pour la deffendre sy mestier estoit , issit de la ville d'Aloste et alla contre lesdicts Gantois. Lesquels Gantois, tantost qu'ils veirent venir les Picards contre eulx, retournèrent vers Gand; et jà euist esté prins le capitaine des Anglois, sy lecheval dudict messire François ne luy feust failly.Toutesfois, par sa valliance, reboûtta lesdicts Gantois; et si la nuict ne feust venue, il ÿ eust eu plus grand mechief; mais quand ledict messire François veit que la nuict estoit venue, sy se retrait et entra dedans la ville.
