CHAPITRE XXXIII

De la valliance de douze archiers picards, et comment ung des capitaues de la Verde Tente feut prins et esquartelé.

Le samedy ensuivant que les Gantois avoient cuidé prendre la ville d’Aloste, le mareschal de Bourgoingne avecques ses genis alla courre jusqu'aux portes de Gand, cuidant que les Gantois ou Anglois deuissent sortir hors ; mais pour ce ne saillit pied hors; pourquoyÿ le mareschal retourna ; et en retournant y olt douze archiers de Picardie, lesquels s’esloignèrent de leur compagnie pour gagner et Tamener quelque chose; et bien s’esloignèrent de lost demylieue. Eulx ainsy éloignés , ils passèrent ung petitpont, autour duquel ils ne perceurent nulluy ; mais sitost qu’ils feurent ung traict d'arcq passés le pont, ils choisirent ! devant eulx plusieurs Gantoisavecques beaucoup d’Angloisbien montés et armés. Sy cuidèrent retourner, mais ils veirent le pont tout chargié de gents. Quand ils apperceurent cecy, descendirent à pied et lièrent leurs' chevaulx ensemble, et montèrent contre mont le fossé contre leurs ennemis, affin qu'ils cuidassent que leurs gents feussent près d’eulx , et qu’ils les vinssent secourir; et prindrent chascun ung cornet qu'ils avoient à leurs cols et cornèrent haultement ;

(1) Aperçurent.