CHAPITRE XXXI V
Comment messire Jacques de Lallaing secourut son frère messire Philippes, que les Gantois el Anglois cachoiïent (1;. Le deuxiesme jour de décembre mil quatre
cents cinquante-deulx, messire Philippes de
Lallaing, josne chevallier, avecques ceulx de la
garnison d’Audenarde, alla courre jusqu’aulx
portes de Gand et y bouttèrent les feus. Lors saillirent hors de Gand environ deulx cents compagnons à cheval bien montés, èsquels les Picards férirent vistement; et tuèrent ung homme d'armes des Gantois, lequel, environ ung mois devant "avoit prinsung josnehomme de Picardie duquel il en avoit fait son page; lequel page, sitost qu’il veit son maistre mort, sy se partit des Gantois et se vint rendre aux Picards; et leur dict quede la ville estoient issus plus de mille combattants par plusieurs portes, pour les ve- (4) Chassoient.
nir enclorre par-derrière. Et jà estoient les
Gantoisrebouttés, quand de ladicte villede Gand |
saillirent encoires de rechief environ trois cents combattants à cheval. Ledict messire Philippes voyant et oyant ce que le page certiffioit, par le conseil de ses gents, en les mectant en belle ordonnance, se meit à retourner. Et combien que les Gantois feussent comme remis et rebouttés, quand ils veirent ce, ils se remeirent en ordonnance, et se meirent à suivir ledict messire Philippes ; lequel messire Philippes et ceulx de sa compagnie souvent retournèrent sur eulx ; et ainsy escarmouchèrent l’ung l’aultre. On vint dire à messire Jacques de Lallaing, lequel estoit à Audenarde, comment les Gantois cachoient! son frère. Lors messire Jacques et ses gents montèrent à cheval ; et vindrent secourir sondict frère, lequel estoit jà à une lieue près Audenarde. Ledict messire Jacques se vint férir ès Gantois quy cachoient son frère. Et ja s’y feussent férus , quand aulcuns de ses gents perceurent bien quatre mille Gantois , quy de grande allure venoient d’ung costel pour les enclorre ; et estoient ceulx quy estoient vuidés de Gand, comme le page leur avoitdict. Lors ledict messire Jacques retourna et ramena son frère etses gensavecques luy; et les Gantois quy suivoient messire Philippes, avecques ceulx quy estoient venus pour les enclore en celle nuict, se logèrent à demy-lieue près d’Audenarde, en une abbaye, et là feirent grande chière; puis le lendemain matin s’en retournèrent à Gand sains et saulfs.
