CHAPITRE XXXV

Comment les Gantois de la Verde Tende bouttèrent les feus au pays de Haynault, el comment messire François l’Arragonois rua jus plusieurs Gantois, el comment aussy plusieurs Anglois de dedans Gand se allèrent rendre au bastard de Bourgoingnc.

Environ ce temps-là, plusieurs Gantois, et quy le plus souvent se tenoient aulx champs, et les appelloit-on les Compagnons de la Verde Tente, et estoient souvent jusqu'au nombre de dix mille, s’assemblèrent et allèrent boutter les feus au pays de Haynault; et y meirent à mort plusieurs gents, tant paysans que aultres, jusqu’au nombre de cent ou plus ; et ardirent dixsept villaiges. Et jà-soit qu’ils feussent poursuivis de plusieurs Picards, sy retournèrent-

(tj Chassoicnt.

ils à Gand sans encombrier. Et environ trois ou quatre jours devant ces choses advenues, bien cinquante Anglois se partirent de Gand ; et faisants signe et feignants qu’ils alloient courre sus les Picards, ils s’en allèrent à Terremonde eulx rendre à Anthoine, bastardde Bourgoingne; lesquels il receut et les retint de son armée aux gages du duc de Bourgoingne. Et le susdict bastard, scachant comment lesdicts Gantois avoient boutté les feus au pays de Haynault, issit de Terremonde, et mena les Anglois quy s’estoient venus rendre à luy. Et messire François l’Arragonois print son chemin vers Gand; et en allant, rencontra les Gantois de la Verde Tente en grand nombre, prests à combattre.

Lors ledict bastard et ses gents se férirent ès Gantois, et en occirent plus de deulx cents , et le demourant se saulva au mieulx qu’ils poeurent et rentrèrent en Gand, réservés aulcuns prisonniers que les aultres emmenèrent.