CHAPITRE XXX VI

Comment les Gantois cnvoyèrent devers le comte d'Estampes pour voulloir traictier de paix, et du parlement quy feut faict à Bruges.

Pendant les choses dessusdictes,ceulx de Gand envoyèrent ung chartreulx devers le comte d’Estampes, en luy priant que, par sa grace, il volsist impétrer devers le duc de Bourgoingne uog saulf-conduict pour aulcuns de ceulx de Gand venir traictier de paix où bon sembleroit au duc. Lequel comte feit tant vers le duc qu’ils olrent saulf-conduict de venir à Bruges, devers le conseil du duc; et illecq envoya le duc le comte d’Estampes pour tenir son lieu. A laquelle journée les Gantois envoyèrent plusieurs députés, et entre aultres ledict chartreulx, et messire Bauldoin de Vos, ancien chevalier, lequel chevallier avoit esté long-temps prisonnier à Gand, sourdant qu'on luy mectoit sus qu’il avoit voullu estre contre ceulx de Gand ; et avoit ledict chevallier esté mis sur ung hourt, les yeulx bandés, pour luy trancher la teste ; mais il olt des amis, à la prière desquels il feut ramené en prison; et y avoit esté jusqu'alors qu’ils l’envoyèrent pour traictier la paix. Venus à Bruges, on trouva iceulx députés de Gand aussy orgueilleulx et haultains que oncques avoient este; pourquoy s’en retournèrent sans riens faire ; mais ledict chevallier ne s’en voullut raller à Gand, ains s’en alla boutter en

ung chartrousage avec le susdict chartreulx, lequel aussy ne voullut rentrer à Gand; et Îles aultres députés de Gand, quy s’en retournèrent à Gand, arrestèrent tant en chemin que leur saulf-conduict faillit; et sy feurent rencontrés et pris d’aulcuns Picards quy venoient de courre, et feurent amenés prisonniers à Bruges, entre lesquels avoit deulx des plus forts ennemis du duc, et qu’il avoit en la ville.