CHAPITRE XXXWVII

Comment les Gantois vindrent assaillir Courtray, et comment le seigneur de Dreulx sortit de la ville.

Le dix-huictiesme jour de febvrier, mil quatre cents cinquante-deulx !, ceulx de Gand sçachants comme ceulx qu’ils avoient envoyés en ambassade estoient prins, vuidèrent en grand nombre et se meirent en trois batailles; et ainsy en belle ordonnance se vindrent rangier devant Courtray. En laquelle ville le mareschal de Bourgoingne n'’estoit point, ains estoit à Lille devers le duc. Tantost que ceulx de la garnison sceurent leur venue, sy allèrent aulx cresneaulx affin de deffendre la ville. En la ville y avoit ung chevallier nommé messire Gauwin Quyeret, seigneur de Dreulx, lequel estoit renommé d’estre l’ung des plus valliants chevalliers de la compagnie du duc ; lequel chevallier, avecques le peu de sesgents, vuida pour aller escarmoucher les Gantois; mais il n’y gagna riens; ains feurent occis de ses gents deulx hommes d’armes et ung archier, et feut constraint par force de rentrer dedans la ville. Après ce faict, les Gantois assaillirent les faulxbourgs de la ville; mais ceulx de dedans, quy peu cremoient les Gantois, les deffendirent sy bien que les dessusdicts Gantois n’y gagnèrent riens, sinon qu'ils occirent sur un boullevert, de traict, ung homme d’armes. Etaprès ce que lesdicts Gantois veirent que par force d’assaillir n° y feroient riens, sy s’en retournèrent en belle ordonnance en la ville de Gand. Et ja-soit ce que en ladite ville de Courtray y avoit grosse garnison et vaillants gents, sy ne feirent toutesfois quelque saillie sur les Gantois. Ne scay sy c’estoit pour ce que ledict mareschal n’y estoit point, ou par adventure qu'ils n’estoient mie sy grand nombre qu’on cuidoit, car plusieurs s’en estoient rallés en leurs maisons, pour ce qu’on ne leur payoit

(1) Ou cinq uante-trois, nouveau style.