CHAPITRE XXXVIII
Comme les Gantois cuidèrent prendre la duchesse de Bourgoingne, et de la valliance d'ung chevallier de Flandres qui oll nom le seigneur de Maldeghem, et de mcessire Symon de Lallaing.
Le deuxiesme jour de mars audict an cinquante-deulx, le bastard de Bourgoingne, et sa compagnie, alla encoires vers Gand; et rencontra grand planté! des Gantois, èsquels il se férit ; et en occit bien cinquante, sans plusieurs qu’il print prisonniers.
Le cinquiesme jour dudict mois de mars, la duchesse de Bourgoingne, au command du duc son mary, se partit de Lille pour aller à Bruges, pour aulcunes besoingnes, ne scay quelles. De laquelle aller feurent advertis ceulx de Gand. Les Gantois, cuidants que ladicte dame deubt aller tout le grand chemin de Lille à Bruges, s’assemblèrent en grand nombre avecques touts ceulx de la Verde Tente, et allérent vers ledict chemin à intention de prendre ladicte dame et toute l’assemblée mettre à mort. Mais la dame feut advertie de leur vollonté; sy print aultre chemin par où alla à Bruges. Messire Symon de Lallaing , lequel estoit capitaine de l’Escluse et s’y tenoit, sçachant que ladicte dame debvoit venir à Bruges, se partit de l’Escluse, environ deulx cents combattants avec luy, pour venir allencontre de ladicte dame et la conduire jusques à Bruges. Et comme il venoit le grand chemin de Bruges à Lille,ungchevallier de Flandres, seigneur de Maldeghem, quy estoit de sa compagnie et alloit devant, et n’alloit point le droict chemin, etavoit laissé la compagnie dudict messireSymon,lequelchevallier,ainsy qu'il chevauchoit, veit et perceut l’embusque des Gantois, quy sans dire mot atttendoient tout quoy ledict messire Symon de Lallaing. Lequel seigneur de Maldeghem, sitost qu’il les veit, feit sonner ses trompettes, affin que messireSymon, quy venoit derrière, se retrahist ; mais jà estoit ledict maistre Symon, quand il oyt les trompettes du dictseigneur de Maldeghem, sy avant qu'ilestoit ainsy comme au milieu de l’embusque. Quand ledict messire Symon oyt lesdictes trompettes
(4) Quantité.
dudict seigneur de Maldeghem, et veit les Gantois saillir de leurs embusques, sy veit bien que retraicte ne se polroit sans dangicr, Car jà assailloient les Gantois ses gens ét avoient abbatu son estandart. Lors ledict messire Symon, comme valliant chevallier, et ceulx de sa compagnie, se férirent et ruèrent sur les Gantois, et se deflendirent comme hardis et proeux. Et jà euissent bien peu avoir du pire, quand ledict Maldeghem les vint secourir ; et se frappa ès Gantois; et par la valliance de luy et de sa compagnie feit tant qu'il reculla les Gantois ; et reculla ledict messire Symon et sa compagnie, tellement qu’il les délivra des mains desdicts Gantois. Et se mirent touts ensemble en ordonnance et retournérent vers Bruges; car les Gantois estoient trop grand peuple contre sy peu de gents. Et en cestuy rencontre, des gents dudict messireSymon mourut ung gentilhomme deFlandres, nommé David de Quinghuien, avecques trois hommes d'armes et douze à seize archiers, entre lesquels il y avoit deulx archiers de corps du duc de Bourgogne, dont lung estoit d’Arras ou d’allentour, nommé Jennin Lefebvre, lequel s’y porta sy valliamment qu’on ne polroit plus ; et en tua et blesca plusieurs ains qu’il peult estre mort ; et sy olt ledict messire Symon son cheval blescié dessous luy. Et sans doubte, sy ledict seigneur de Maldeghem n’euist esté de la partie, messire Symon et sd compagnie euissent esté, comme on disoit, touts desconfits, morts ou prins. Ce faict, les Gantois retournèrent à Gand et perdirent bien peu de leurs gents.
Environ aussy trois jours debvant , aulcuns Gantois, lesquels se tenoient au chasteau de Poucres, ardirent ung gros villaige nommé Anglemoustier, réservé le chastel, lequel on deffendit contre eulx , lequel Anglemousticr estoit au comte d’Estampes ; et disoit-on que cculx de Poucres avoient ce faict sans le commandement de ceulx de Gand ; car ledict comte avoit tousjours rendu peine de trouver moien de traicter de paix entre le duc et ceulx de Gand.
En ce temps mourut l’évesque d'Arras, nommé Forceguerre. Après laquelle inort, par le commandement du duc de Bourgoingne, ses chanoines esleurent monseigneur Jacques de Coymbres, nepveu à la duchesse de Portugal, lequel monseigneur Jacques, en prochain temps après, feut esleu en archevesque de Narbonne; pour laquelle cause deslaissa l’éveschié d'Arras ; lequel
fi4591
éveschié, & la requeste dudict duë, nostre Saint- Père donna à ung moisne nommé Jehan , abbé de Lusseuf, en Bourgoingne, référendaire et conseiller düdict duc. Et par la vertu de la pragmatique-sanction , laquelle courroit au royaume de France, l’archevesque de Reims, en deffault que les chanoines auroient différé d’eslire à la fequesté du duc tant que les bulles fuissent venues de Rome pour eslire le dessus nommé Jacques, et n’avoient point faict d'élection en temps et lieu, donna ledict éveschié à maistre Denis de Montmorency, frère du seigneur de Montmorency et doyen de l'église de Tournay.
Pourquoy procès feut meu entre ledict abbé de Lusseu, lequel estoit de Bourgoingne, et ledict maistre Denis, tant à Rome qu'au parlement de Paris, duquel je parleray cy-après , mais je veulx retourner à la guerre des Gantois.
