CHAPITRE X

Comment le roy de France fcit faire deux chasteaux à Bourdeauix ; et comment il olt grande apparence de guerre au royaulme d’Augleterre ; et de la prinse du seigneur de l'Espare, et comment il mourut et feut escartelé,

Environ ung an après ce que le roy de France Charles olt reconquesté le pays de Guyenne et de Bourdelois, la deuxiesme fois il envoya grand nombre de gents d'armes et de francs archiers dedans la cité de Bourdeaulx, et illecq feit faire deulx chasteaulx en icelle cité pourtenir le peuple en subjection, dont l'ung feut situé sur le bord de la rivière et du costé de devers Biernt. À l’aultre bout de la rivière feit faire l’aultre chasteau. Et pour iceulx faire, ordonna le comte de Cleremont, le seigneur deSaintrailles, maistre Jehan Bureau et aultres.

En ce mesme temps et an, le duc d’Yorck print le gouvernement du royaulme d’Angleterre, et feit mectre ès prisons les ducs de Sombreset et Glocestre, c’est à sçavoir le duc de Sombreset en la grosse tour de Londres, et le duc de Glocestre au chasteau de Pontfroit2. En celui an mesme, le roy Henry d'Angleterre manda aulcuns seigneurs de son pays, et leur remonstra comme le duc de Sombreset et le duc de Glocestre, ses propres parents et de son sang, estoient prisonniers. Sy vouloit bien que, s’ils n’estoient grandement chargiés de cas crimineulx contre sa majesté royale, qu'ils feussent deslivrés ; dont ils feurent d’accord ; et mesmement le maire cet gouverneur de Londres dit qu'il les deslivreroit en bailliant bonne et seure caution. Et tantost après la deslivrance desdicts seigneurs, vint le duc de Sombreset en pouvoir et auctorité, et telle qu’il euist le régime et gouvernement du roy. Le duc d’Yorck se partit de la cour et s’en alla le plus secrètement qu'il peut en son pays, doubtant que le duc de Sombreset ne lui feist desplaisir.

En ce temps aussy feut prins le seigneur de l'Espare, lequel avoit esté cause de remectre le paysde Bourdelois en la maindes Anglois; et feut