LIVRE III, CHAP. XVIL

ains qu'il se partist pour faire son voyage en Allemagne, il feit fiancer son fils à icelle Catherine de Bourbon, puis leur envoya quérir la dispense. Et me feut dict, et disoit-on communément encoires plus, c’est à scavoir que, ains que ledict fiancage feust parfaict , et que le duc véoit bien que son fils eust volontiers reculé, que le duc manda son fils, et le bastard son fils, et présents plusieurs seigneurs, luy dict : « J’ai «“ entendu que tu fais envis! le marriage que je « veulx que tu fasses. Je ne scay quy te meult, «“ Sy-non que on m’a dictque tu te marrierois vo- “ lontiers en Angleterre à telle. Je veulx bienque « tu saches que, combien que j'ay eu grandes al- “liances aux Anglois, et pour venger la mort «“ de mon père je me sois piecà allié à eulx, sy « ne feut oncques mon cœur et mon Courraige « anglois. Et veulx bien que tu le saches. Sy je “ cuidois que tu le feisseset que tu te volsisses ala lier, je te bouterois hors de touts mes pays, ne « jamais de seigneuriesque j’aytune joyrois; et «encoires plus, sy je cuidois que mon fils bastard, « que voilà présent, te leconseillast, ne aultres,

«je le ferois mettre en ung sacq, et noyer, et

« touts ceulx quy te conseilleroient de toutes ces

. «choses.» Je m’en attends à ce qu'il en est. Toutes voies, comme dict ay, par le comman-

dement très exprès du duc, Charles coucha

icelle nuict avec sa femme, laquelle depuis il - aima tant que c’estoit belle chose de la vie

touchant marriage qu'ils menoient. Et disoient pour vray que pour rien iceluy Charles n’eust allé à aultre femme que la sienne ; car lors c’estoit grande pitié que le péché de luxure régnoit moult fort, et par espécial ès princes et gents marriés; et estoit le plus gentil compagnon quy plus de femmes scavoit tromper et avoir au moment, et quy plus luxurieux estoit ; et mesme régnoit encoires plus icelluy péchié de luxure ès prélats de l’église et en touts gents d'église. Et comme, le temps durant que le duc feut hors de ses pays, ledict duc eust laissé le gouvernement de touts ses pays à Charles son fils, quy estoit en l’age de vingt ans, auquel gouvernement ledict Charles se contint très bien, et se faisoit fort craindre en faisant justice, car il volloit sur toute chose que justice feut faicte, ung dangier y avoit, comme on di

soit, c’estoit qu’il estoit informé et s’informoit aucune fois, sans vouloir ouyr partie, pourquoy

(1) Avec peine, du latin invilus.

de son père.

Environ le quatriesme febvrier, audict an cinquante-quatref, le duc de Bourgoingne s’en vint à Lille, auquel lieu il feut receu joyeusement; et avoit-on faict commandement que chascun chief d’hostel envoyast au-devant du duc, atout une torche de cire ardente. Après œæ qu'il eult séjourné à Lille ung peu, le vingtquatriesme jour de febvrier,audict an, ledict duc de Bourgoingne vint en la ville d'Arras; allencontre duquel chascun chief d’hostel de ladicte ville alla ou envoya, portant chascun une torche ou torsin ardent.

Et entra ledict duc en ladicte ville d'Arras par la porte Sainct-Michel. À l'entrée de laquelle porte, sur hourds faicts, y avoit jculx de mistères et de personnages ; et illecq aussy vindrent allencontre de luy plusieurs grandes compagnies de pucelles, toutes blanches vestues, portants chascune ung torsin ardant ; lesquelles, sitost qu’elles veirent le duc, crièrent Noël! Et yavoit moult de belles filles. Et après qu’il feut entré en la ville, il trouva tout du long de la tuillerie et du petit marché, faict sur hours, moult richement habilliés, toute la vie de Gédéon en personnages de gents en vie, lesquels ne parloient point ; ains ne faisoient que les signes de ladicte mistère, quy estoit la plus riche chose que on avoit veu piécà, et moult bien faict au vif; et disoit-on que ce avoit cousté plus de mille couronnes d’or.

Brief, 8y Dieu feust descendu du ciel, je ne scais sy on en euist autant faict, ne peu plus faire d'honneur que on en feit audict duc. Et véritablement aussy il estoit moult aimé en touts ses pays, et tant que plus on ne pourroit; et sy estoit redoubté de touts ses voisins et ennemis pour la valliance de luy.