CHAPITRE X VIII

Des grands subsides et aydes que le duc de Bourgoingne demanda au pays d'Artois et ailleurs en ses pays pour aller guerroyer les Turcs, et do plusieurs incidents,

Cinq jours après ce que le duc Philippes de Bourgoingne olt ainsy esté receu, festoyé et honnoré en la ville d'Arras, ledict duc assembla et manda les trois estats de la comté d’Artois:; auxquels trois estats il requist que, affin de

(1) Ou cinquante-cinq, nouveau style.

on le doubtoit moult, et désiroit-on la revenue .

résister aux ennemis de la foy, qu'ils volsissent faire aide de six vingts mille couronnes d’or, les soixante-dix pesants huict onces, quy est le marc de Troye. De laquelle aide qu'il requit lesdictstrois estatsfeurent moult esbahys; car la comté d’Artois en domaine ne vault au comte d’Artois que 14,000 francs. Toutesfois, tant par crainte que par amour, on luy accorda et promit payer 56,000 francs, moyennant qu'il ne lèveroit ledict argent jusques à ce qu'il se partiroit, et son armée avecq luy, pour aller sur lesdicts Turcs ; et aussy le duc desoy-mesme le promit. Après ce faict, le duc se partit de la ville d'Arras, et s’en alla en Flandres, Brabant, Haynault et ailleurs ses pays, où illecq il requit aussy moult grandes et grosses aides pour faire ledict voyage ; lesquels en partie on l'y accorda, comme dessus dict est, tant par crainte que par amour.

En ce temps, l’an mil quatre cents cinquantecinq, ou environ la Sainct-Jehan - Baptiste, Raoul de Habare, frère germain du seigneur de Habare, accompagnié de quatorze ou quinze hommes, entra en la cité d'Arras, environ six heures du matin, par la porte Maistre-Adam ; à laquelle porte il laissa les huict de ses compagnons, et luy sixième alla ens, au cellier de l’hostel de la Couronne, en la cité, quy est entre le portal de l'église et la porte d’Arras, et illecq print au lit tout nud ung nommé Estienne Braquet, sergent du prévost de la cité, et le tira hors, et tant le bastit que deulx jours ou trois après il mourut. |

En ceste saison aussy, audict an mil quatre cents cinquante-cinq, mademoiselle de Villeclerc!, laquelle estoit très bien en la grace du roy, et comme on disoit, en faisoit le roy ce queluy plaisoit, de une jeune fille d’ung escuyer nommé Anthoine Rebreuves, demeurant en la cité d'Arras, nommée Blanche, (laquelle fille demeuroit avecq la dame de Jenly, femme du seigneur de Jenly, laquelle dame estoit alléeà la cour du roy et avoit mené ladicte Blanche,) laquelle estoit la plus belle que on eust peu veoir ne regarder ; icelle dame de Villeclere, sitost

(1) Antoinelte de Maïgnelais, veuve du sieur de Villequiers, ja même qui vécut ensuite avec François 11, duc de Bretagne, dont elle eut quatre enfants. Elle avoit acquis pour 8 mille écus d'or, environ 80 mille louis de notre monnoie, la terre de Mennelon Salon en Berry, qui avoit apparlenu à Jacques Cœur.

[1455] LIVRE ll,

qu’elle vit icelle fille, pria moult de l'avoir avecq elle; maisla dame de Jenly luy respondit qu’elle la remèneroit ou la renvoyroit à son père, et que sans le congié de son père ne l’auroit pas, et aussy la ramena ; mais assez tost après, parle gré et consentement de son père, du seigneur de Saucourt, oncle d’icelle Blanche, et du seigneur de Jenty, Jaquet de Rebreuves, frère d’icelle Blanche, très bel escuyer, aigié de vingt-sept ans, ou environ (et sa sœur de dix-huict ans), mena sadicte sœur Blanche à la cour du roy, demourer avecq icelle damoiselle de Villeclerc; et feut ledict Jacques retenu escuyer tranchant d’icelle damoiselle. Et pour vray icelle damoiselle tenoit grand estat, et plus grand que la royne de France ; et le vout loit ainsy leroy. Icelle dame de Villeclerc estoit moult belle, et estoit marriée; et sy avoit esté niepce d’une damoiselle qu'on appeloit la belle Agnès, laquelle avoit esté totalement en la grace du roy ; et dit-on qu’icelle Agnès mourut par poison moult josnet; après laquelle, icelle damoiselle Villeclerc gouverna le roy pareillement, ou plus que ne avoit faict sa tante.

Et avoit toujours icelle dame de Villeclere trois ou quatre filles ou damoiselles, les plus belles qu’elle pooit trouver ; et suivoient le roy partout en moult grand estat et bobant, et tout aulx dépens du roy. Et nonobstant toutes ces choses, et que le père, frère, oncle et seigneur de Jenly fuissent advertis de tout ce que j'ay dictet du gouvernement, ils y envoyèrent icelle belle fille Blanche, et là y mena son frère. Laquelle Blanche, au partir de l'hostel de son père en la cité d'Arras, plouroit moult fort ; et me feut dict qu’elle dict qu’elle aimeroit mieulx qu’elle puist demourer avec son père, et mangier du pain et boire de l'eaue. Toutes voyes elle y alla ; et disoit-on que son père luy avoit envoyé par escarseté? et chiceté, affin qu’elle ne luy coustast rien, ne son fils quy estoit son aisné fils, nonobstant que lediet Anthoine estoit très riche homme et bien à l'avant, ayant de beaux héritaiges. Et assez tost après que icelle damoiselle Blanche olt'esté ung peu de temps avec ladicte damoiselle de Villeclere, la renommée couroit qu’elle estoit aussy très bien en la grace du roy ; et pareillement qu’estoit la damoiselle de Villeclerc.

(1) Agnès mourut en couches en 1449. (8) Avarice.