CHAP. XIX
pi CHAPITRE XIX.
Comment le duc Philippes de Bourgoingne feit son fils bastard, nommé David, évesque d'Utrech; quy est entre Frise et Hollande; et de la guerre quy s'en esmeut; et comment enfin le duc feit sa volonté, et feut sondict fils évesque, nonobstant qu'il feust évesque de Thérouanne, |
En l’an mil quatre cents cinquante-cinq, l’évesque d’Utrech, une grosse cité, située entre les pays de Hollande et le paysde Frise, mourut; après laquelle mort les chanoines de ladicte église esleurent le prévost d’icelle église, lequel estoit frère du seigneur de Brederode, lequel seigneur de Brederode portoit l’ordre du duc Philippes de Bourgoingne, quy estoit le Toison d’Or, et estoit parent au duc. Et ainst ladicte eslection faicte, le duc envoya prier aulx chanoines de ladicte église d’Utrech (et ains aussy que l’évesque feust mort), que se ledict évesque mouroit, qu'ils volsissent eslire à évesque David, son fils bastard, évesque de Thérouanne, ce qu’ils pe voullurent accorder ; pourquoy le duc envoya impétrer ledict évesquié pour son fils au pape ; lequel confirma ledict évesquié audict David, après la mort de l’évesque; et comme ce temps pendant l’évesque d'Utrech mourut , après ce que le duc olt ladicte confirmation du pape pour ledict David, il se transporta en son pays de Hollande, en une ville qu'on appelle La Haye en Hollande, contendant par douce voye tant faire à ceulx d'Utrech qu'ils receussent son fils à évesque. Et arriva le duc à ladicte Haye environ le jour Sainet-Remy, l’an mil quatre cents cinquante-cinq ; auquel lieu il séjourna jusqu'à la Sainct-Jehan-Baptiste mil quatre cents cinquante-six ensuivant, sans qu'il sceust ne peult estre d'accord à ceulx d'Uirech. Et quand le duc veit que sans force il ne mectroit point son fils en ladicte évesquié, sy assembla ses osts près de ladicte ville d’'Utrech. Après ce qu’il olt assemblé ses osts, ceulx d’Utrech s’accordèrent à luy,et feut letraictié faict entre le duc et ceulx d’Utrech, par telle condition, que ledict David auroit l'évesquié d’Utrech, quatre mille francs d’or chascun an, et deulx mille francs chascun an sur l’évesquié de Thérouane, quy font quatre mille couronnes d’er; avecq ce aurait ledict esleu, pour les mises et despens qu’il avoit faicts, cinquante millions d’or, dont les cinquante-six pesoient ung mare de huict onces, pour une fois tant seule-
(4} Avant.
ment, dont les églises cathédraux de ladicte évesquié d’Utrech debvoient payer trente mille lions, et les autres vingt mille se debvoient payer à tel jour que le duc de Clefves et ledict David évesque d’Utrech diroicnt ; et sy seroit le esleu de Brederode, premier conseillier du duc en son pays de Hollande, à mille mailles d’or de gages chascun an. Et par les présents susdicts ledict Brederode se déporta de l’évesquié, lequel valoit, comme on disoit, bien cinquante mille florins d’or ou francs chascun an.
Ces choses faictes et passées, le cinquiesme jour d’aoust, le duc de Bourgoingne, accompagnié de bien quatorze mille combattants, comme on disoit, entra en la ville d’Utrech ; et vindrent ceulx de la ville bien loing au dehors deladicte ville, allencontre de luy, et luy présentèrent les clefs de la ladicte ville, pour et au nom dudict David son fils bastard : et le lendemain, jour de venderdy, ledict David, évesque d’Utrech, feit son entrée en ladicte ville, lequel y entra en armesde corps, accompagnié des Picards ; et le dimanche ensuivant dict lamesseen l’église cathédrale. Après ce faict, le duc, veuillant mectre en obéissance du tout ceulx dudict évesque, alla mectre le siége devant une ville nommée Deventer, moult belle et forte ville, laquelle estoit deladicte évesquié, et laquelle estoit rebelle et desobéissante audict David, évesque d’Utrech. Auquel siége mectre ceulx de la ville issirent : et y oltescarmouche, et y olt des blesciés et mortsde part et d’aultre ; mais ceulx dela ville feurent rebouttés, et feut le siège mis. Iceulx de Deventer avoient faict ung moult fort boullevert, lequel, quatre jours après le siège mis, feut sy fort battu d'engins que une moitie de ceulx de Deventer mesmes bouttèrent le feu dedans, et se retrairent dans la ville; et le lendemain matin les gents du duc y allèrent, et le pardémolirent. Tant tint le siége le duc devant ladicte ville de Deventer que, environ la fin du mois de septembre, ceulx d’icelle ville envoyèrent ambassade vers le duc, et promirent au duc de obéir audict David son fils, évesque d’Utrech, et faire obéir toutes les aultres villes de ladicte évesquié. Cetemps pendant que leducde Bourgoingne tenoitle siége devant Deventer, et que ceulx de la ville traictoient de paix et accord, le duc de Gueldres, quy avoit espousé la niepce dudict duc de Bourgoingne, et lequel avoit amené ledict duc audict pays, et
abandonné touts ses pays et forteresses, feit alliance à ceulx de Frise; et s’assemblèrent ceulx de Frise et ledict ducde Gueldres en grand nombre pour venir ruer jus ledict duc, etlever son siége qu'il tenoit ; et de ce ne scavoit riens le duc de Bourgoingne, ains tenoit le duc de Gueldres pour son vray amy. La femme du duc de Gueldres, quy estoit niepce du duc de Bourgoingne, scachant la fausse et maulvaise trahison que son mary voulloit et pourchassoit, par une nuict se embla d’une ville où elle se tenoit, et print ung sien fils avecq elle, de l’age de quinze ans, fils du duc de Gueldres, et vint dire tout ce que son mary pourchassoit et avoit intention de faire au duc de Bourgoingne, son oncle; pour laquelle cause le duc feut prest et condescendit à plustost prendre traictié à ceux de Deventer. Pourquoy, après ledict traictié faict et passé par ceulx de Deventer au duc, et ceulx de Deventer le olrent promis à tenir, comme dict ai cy-dessus, et eurent faict lettres scellées de leurs seaux et promis de non jamais aller au contraire, ains de toujours obéir audict David, le vingt-septiesme de septembre mil cinq cents cinquante-six, le duc de Bourgoingne leva son siége; et, sans encombrier ne perte de bien ne de gens s’en retourne à Utrech, et de Utrech à La Haye en Hollande, et illecq desfit son armée et laissa son fils paisible évesque d’Utrech. Bien debvoit le duc aimer sa niepce ; car pour certain, la nuict ensuivant que le duc de Bourgoingne leva sonsiége, le duc de Gueldres et les Frisins luy debvoient venir courre sus, et se hastoient à tuer cheval d’y venir ; mais sitost qu’ils sceurent que le duc en feust adverty, sy se arrestèrent. Le duc de Gueldres estoit moult traistre et desloyal, et mal considéroit les biens que le ducde Bourgoingne luy avoit faicts, lequel avoit marié sa fille au roy d’Escosse, et la faict mener, et tout à ses despends, et d’aultresbiens que sansnombre il luy avoit faicts.
