CHAPITRE XX
De la prinsc du duc d'Allençon, en la ville de Paris, par le commandement du roy;et aultres incidents.
L'an de grace mil quatre cents cinquente-six, en la ville de Paris, par le commandement de Charles VII de ce nom, roy de France, le bastard d’Orléans, le comte de Dunois, accom-
pagnié du prevost de Paris, print prisonnier Jehan, duc d’Allencon, cousin et proche parent du roy Charles ; et disoit-on, avecq ce feurent prins plusieurs des officiers dudict duc d’Allencon. Et prestement la prinse faite, le bastard d'Orléans , accompagnié de plusieurs archiers, le mena à Melun; et d’illecq feut lediet duc mené devers le roy Charles ; et disoiton qu’il confessa qu’il avoit faict traictié de marriage de son fils aisné à la fille du duc d’Yorck d'Angleterre, lequel duc, après le trespas du roy Henry d'Angleterre , debvoit succéder à la couronne. Pour auquel traictié de marriage parvenir, le duc debvoit livrer aux Anglois toutes les forteresses qu’il avoit en Normandie et ailleurs, parquoy les Anglois debvoient entrer au pays de Normandie, quy estoit au préjudice du royaulme de France.
Après laquelle confession , le roy Charles le feit mectre prisonnier. De ses gents y olt prins avecq luy sept, trois lais, trois prestres et ung hérault, lesquels scavoient parler du faict. Après ceste prinse faicte, pour ce que aulcuns du commun peuple murmuroient que le duc de Bourgoingnescavoit bien ceste besoingne, le roy scachant que non, feit publier en plusieurs villes de son royaulme, que, sur peine de confiscation de corps et de biens, nul ne feust sy hardy de direchose audéshonneur du duc deBourgoingne.
L'évesque d'Arras, nommé Jehan Godefroy, en son temps Cardinal, impétra pardons de Rome pour l’espace de cinquante ans, commencant à La manne mil quatre cents cinquantesix, de chascun jour : qui visiteroit la manne séant et les actaves de Nostre-Dame auroit quinze ans et quinze quarantaines de pardons, avecq les pardons quy estoient paravant de visiter ladicte église et donner des biens.
En ce temps, le vingt septiesme de juillet, audict an cinquante-six, environ dix heures du vespre, après soupper, en la cité d'Arras, Martin le Josne, l’année précédente prevost de Beauquesne, feut occis et mis à mort par ung nommé Collard le Vasseur, le josne fils de Collard, lequel estoit tavernier; et la cause feut pour aulcunes parolles que ledict Collard avoit dict audict Martin , eulx souppants ensemble.
Après lequel soupper ledict Martin vint espier icelluy Collard et lassaillit en la grande rue de cité; lequel Collard s’enffuit vers son hostel, nommé la Fleur-de-lis, lequel il perceut fermé ;
