CHAPITRE XXI
Comment les Turcs feurent desconfits et rués, en Hongrie, jus par un noble chrestien, nommé Ovidianus, plus par miracle que autrement, ct comment le pape, après ceste victoire, vouit que par toute chrestienuelé en soit faicte mémoire per-
. péluelle.,
En cest an mil quatre cents cinquante-six, le grand admiral de Turquie, nommé Morbesant, à présent empereur de Organie, seigneurde l'Isle de l’Achaye, avoit mis le siége devant une forteresse et bonne ville nommée Grusseusseberch, sur les frontières de Hongrie, ès marches de
(1) Sthul-Weissembourg ou Albe Royale.
Hongrie, auquel lieu le siége demoura par l’espace de quatre mois et demy. En l’ost desdicts Turcs avoit des chrestiens, lesquels feurent advertis que le Turc avoit juré par son dieu Mahomet : que icelle ville et chasteau il assailleroit et gagneroit, ou luy et touts ses gents y demoureroient. Lesquels chrestiens feirent ce scavoir à ceulx de la ville, lesquels de la ville le feirent scavoir à ung homme trés puissant nommé Ovidianus!; et mandèrent: quele grand Turc et toute sa puissance debvoit assaillir ladicte ville la nuict de la Magdeleine. Lequel Ovidianus, après telles nouvelles ouvyes, se mit sus; et assembla noeuf cents hommes à cheval et bien quarante mille piétons, gents de plusieurs mestiers, avecq lesquels gents il arriva devant ladicte ville la nuict du jour de la Magdeleine, et entra dedans par la rivière de la Euvre, laquelle rivière le grand Turc ne faisoit point garder, et ne tenoit son siége que par terre. Le grand Turc désirant d’avoir la ville et ceulx de dedans à son volloir, et veuillant tenir sa promesse de assaillir la ville, feit assaillir ladicte ville par la tierce partie de ses gents, environ douze heures de la nuict, dont lendemain estoit le jour de la Magdeleine. Auquel assault les chrestiens se revangèrent moult fort, et rebouttèrent les Turcs jusques de leurs murailles; et dura l’assault depuis douze heures de la nuict jusques à huict heures ensuivant, que les Turcs feurent recrans® et se retirèrent. Et lorsqu'ils se feurent retirés, revindrent autre tierce partie des gents dudict grand Turc, frais et nouveaulx, lesquels commencèrent de nouvel à assaillir la ville; et dura ledict assault depuis huict heures jusqu'à quatre heures après midy ; et comme devant rebouttèrent les chrestiens lesdiets Turcs. Après, pour faire le tiers assault, vint le grand Turc en personne, accompagnié de toute sa gentillesse, pour assaillir ladicte ville, comme devant. Et dura cest assault depuis les quatre heures après midy jusques au lendemain midy ; tant que de ces trois assaults les chrestiens en feurent moult travalliés et presque vaincus; et jà feurent une grande partie des Turcs entres dedans la villes et à celle heure y olt ung dévot frère nommé Capistranus, cordelier, lequel print ung crucifix en sa main
(1) Corvin, deuxième fils de Jean Hunniades.
(4 Fatigués,
et monta au plus hault du chasteau et cria à baute voix les mots quy cy-après s’ensuivent : « O Deus meus! Deus meus! 6 altissime Pater!
«vent in adjulorium; vent, libera populum « quem redemistli prelioso sanguine tuo; veni, «nok tardare! Deus meus! Deus meus, ubi «sunt misericordiæ luæ? Veni,ne Turci et « tncreduli dicant : Ubi est Deus eorum? »
Ces propres mots cria-t-il à haulte voix, moult tendrement plourant. Ceste voix oyrent les chrestiens; sy en feurent moult confortés et renforcés ; et comme s’ils ne euissent point esté travailliés paravant, se fcrirent tellement ès Turcs qu'ils occirent toutsles Turcs quy estoient entrés en la ville, et les aultres mirent en fuitte, et les suivirent bien huict lieues loing , en toujours les occiant ; el tant en meirent à mort que à peine les scavoit-on nombrer. Et à compter ceulx quy demourèrent morts dedans et devant la ville, on en trouve le nombre de cent mille et plus. Et trouvèrent les chrestiens, où le siége avoit esté, onze bombardes, dont il y en avoit six de trente-trois quartiers de long et sept quartiers de hauteur, et bien deulx cents aultres petites bombardeset canons, et plusieurs aultres biens et richesses. Icelle noble victoire miraculeuse venue à la cognoissance de nostre Sainct-Père le Pape, lediet Sainet-Père envoya ses bulles par toute la chrestienneté, contenants ladicte victoire, comme cy-dessus est escript, commandant à toutes églises cathédraux, monastériaux, priorés, prevostés et paroisses, que, en l'honneur de Dieu, quy ceste victoire avoit envoyée, on feit sonner touts les jours, à l'heure entre deulx et trois, après disner, trois coups sur la plus grosse cloche quy y fust , affin que chascun bon chrestien disttrois fois Pater noster et trois fois Ave Muria, et prier Dieu qu’il donnast victoire aux chrestiens contre les ennemis de la foy; et avecq ce commanda que on feist le premier jour de chascun mois procession générale en chascune ville, église ou villaige; et pour ce faire donna grands pardons et indulgences. Lesquelles choses, au commandement dudict nostre Sainct-Père, on feit par tout le royaulme de France, jà soit que ce feust nouvelle chose, mais on ne feit la procession que quatre fois en la ville d'Arras. Ne scais que on feit ailleurs, mais on continua les trois coups sur la cloche , que on appella les Pardons après disner, pour tant que de tout temps par avant.
on sonnoit par tout les Pardons après soupper, quy estoient establis à l'honneur de la glorieuse Vierge Marie, mère de Dieu,
