CHAPITRE XXII

Comment Loys, daulphin de Vienne, aisné fils du roy de France, vint à refuge au duc de Bourgoingne, et eschappa des mains de ceulx quy le cachoient :; et de plusieurs incidents.

L'an de grace mil quatre centscinquante-six, Loys, daulphin de Vienne, aisné fils du roy de France, sçachant que le roy de France Charles, son père, avoit envoyé secrêlement messire Anthoine de Chabanne, comte de Damp-Martin, au pays de Vienne, avecq grand nombre de gents d'armes, pour prendre et amener devers luy sondict fils, pour certaines causes quy à ce le mouvoient, lesquelles je ne sçay pas au vray, sinon que aulcunsdisoient qu’il avoit tellement taillié le pays du Daulphiné et mis au bas, pour soy entretenir, sy que plus n'en pooit, et avecq ce avoit totalement r’osté le temporel de ceulx de l’église, et les gents de l’église sy mis à obéissance, qu’ils n’avoient de leurs bénéfices que ce qu'ils volloient. Et volloient aulcuns dire aussy queledict daulphin avoit jà pieça faict mourir une damoiselle nommée la Belle Agnès, laquelle estoit la plus belle femme du royaulne, et totalement en l’amour du roy son père; après la mort de laquelle, comme dessus est dict, le roy retint à sa cour sa niepce, nommée la demoiselle de Villeclere, laquelle estoit aussy moult belle, et avoit en sa compagnie les plus belles damoiselles qu’elle pooit trouver, lesquelles suivoient toujours le roy où qu’il allast, et se logeoient toujours une lieue ou moins près de luy. Duquel gouvernement le daulphin avoit esté et estoit moult desplaisant. Et pour ceste cause s’esloit absenté du royaulme de France plus de douze ans tout entiers, et s'estoit tenu au pays de Daulphiné; durant lequel temps il n’avoit eu quelques deniers de son père ne du royaume, ains luy avoit fallu vivre du pays. Aultres aussy disoient : que le roy le volloitretrairedeversluy, etluy donnerunestat comme il appartenoit. Aultres encore disoient que, se le roy son père le olt tenu, le euist mis en tel lieu, que jamais on n’en olt ouy parler, et euist fait roy de France après luy1.. .... .

tt) Poursuivotent.

4)Larune dans K maunwcrit Arras.