CHAPITRE VIII

Comment la tour de Vernorul feut assiégée, et du secours que le scigneur de Tallehot leur cuida faire; et comment le roy de France entra en Normandie pour scrourir ceufx du siége; et comment la ville de Pont-ïau-de-Mer feut prinse par les François.

Le jour que la ville de Vernoeul et le chastel feurent prins, le comte de Dunois, nouvel-

6 MÉMOIRES DE j. DU CLEREQ,

Jement institué lteutenant général du roy de France en ses guerres, arriva à Vernoeul, accompagnié de sire Guillaume de Cullant, grand-maistre-d’hostel, de Flourent d’Illiers et de plusieurs aultres chevallicrs,escuyers et gents d'armes, lesquels meirent le siège de touts costés contre ladicte tour. Lesquels eurent nouvelles que leseigneur de Tallebot estoit venu jusques à Bretoeul, pour secourir et ayder ladicte tour ; et sc partirent tous, réservé iceluy messire Flourent , quy demoura pour le gouvernement du siége et la garde de la ville, atout huict cents combattants; et chevauchèrent tant qu'ils rateindrent le seigneur de Tallebot près de Harecourt. Lequel, quand il les apperceut, se fortifia et ferma de hayes et de chariots qu’il avoit amenés pour porter scs vivres, en telle manière que on ne le pouvoit grever ; etquand vint sur la minuict, il se retraict hastivement audict chastel de Harecourt. Touticeluy jour feurent les Francois en armes, cuidants avoir bataille; et là feurent faicts chevalliers : le seigneur de Herbault, sire Jehan de Bar, le seigneur de Baugy et Jehan Dalon, escuyer d’escurie; lesquels, quand ils veirent le seigneur de Tallebot retraict, ce jour allèrent à Evreulx. Durant ces choses, le roy de France, Charles, quy avoit son armée preste, se partit d'Amboise le sixiesme jour d’aoust, l'an quarante-neuf dessusdict, pour passer larivière d'Oise et entrer en Normandie pour secourir et ayder ceulxquy tenoientle siégedevant la tour de Vernocul. Et le huictiesme jour dudict mois se partirent d'Evreulx le comte de Dunois, le grand maistre d’hostel, les seigneurs de Blainville et Magny, ct plusieurs aultres chevalliers et escuyers, jusqu’au nombre de deulx mil cinq cents combattants; et d’ung aultre costé passèrent ce jour le Pont de l'Arche, pour entrer en Normandie, le comte d’Eu, de Sainct-Pol, les seigneurs de Saveuse, de Roye, de Mouy, de Rambures, et plusieurs aultres chevalliers et escuyers, jusques au nombre de trois cents lances, et quatorze à quinze cents archiers. La pluspart desquels chevaliers, escuyers et archiers, estoient des pays du duc Philippes de Bourgongne ; lequel duc leur avoit donné congié d’y aller et servir le roy, et ne leur avoit buillié nulle constraincte, fors que il avoit octroyé ‘ae quiconque y voulloit aller s’y en allast. Quand icelles armées feurent entrees au pays de Normandie , si chevaulchè-

rent d’ung costel et d'aultre, tant que le douziesme jour dudict mois se trouvèrent ensemble devant la ville de Pont-Eau-de-Mer, le comte de Dunois, du costel devers Rouan; le comte d’Eu et le comte de Sainct-Pol, et toute leur compagnie , du costel devers Honfleur , oultre la rivière quy passe encontre icelle ville; lesquels meirent leurs gens en ordonnance, puis assaillirent la ville. Du costel du comte de Sainct-Pol et des Picards feut combattu moult longuement et vigoureusement ; car les Anglois quy estoient dedans feirent bien leur debvoir de la garder; et y eut moult de belles armes faictes d’ung costé et d’aultre, tant qu’en la fin la ville fout prinse d’assault, par le feu quy y feut mis des fusées ardentes qu'on y tiroit. Et se retirèrent les Anglois au long de la ville, en une forte maison, lesquels estoient quatre cents et vingt, dont estoient chiefset capitaines Monfort, thrésorier de Normandie, et Jacques Hoston, lesquels se rendirent tous prisonniers au comte de Dunois, comme lieutenant du roy. A celle besoingne feurentfaicts chevalliers lesseigneurs de Roye,deRambures,etleseigneur Mourcourt, fils du seigneur de Contay, et plusieurs aultres du pays de Picardie, jusques au nombre de vingtdeux.