CHAPITRE XLVI

Comment le duc de Bourgoingne envoya le comte d'Estampes à Amiens, pour prendre le vidamme d'Amiens et aultres.

Environ ce temps, Philippes, duc de Bourgoingne, doubtant, comme on disoit, que Arthus de Longueval, chevallier, lequel estoit bailly d'Amiens de par le roy de France, oultre la rivicre de Somme, (et non decà la rivière en tirant vers Flandres, car en ce temps estoit bailly le seigneur de Crèvecœur, chevallier, de par ledict duc de Bourgoingne,etestoit meilleur Pailliage qu’avoit ledict siegneur de Crèvecœur, sans Comparaison, et estoit peu de chose du bailliage dudict Arthus), que icelluy Arthus qui avoit ordonnance degents d'armesdepar le roy, ne volsist faire entrer en ladicte ville d'Amiens aulcuns gents de guerre de par le roy, comme on disoif qu’il prétendoit à faire, envoya audict lieu d'Amiens Jehan, comte d'Estampes. Lequel comte venu audict lieu d'Amiens, par le commandement dudict duc, de sa propre main print prisonnier le vidamme d'Amiens, chevallier, et envoya au duc à Bruxelles; lequel duc le feit boutter prisonnier à Ripplemonde. Duquel vidamme le comte d'Estampes avoit espousé sa soeur ; etsy avoit le vidamme espousé la fille bastarde du duc. La cause pourquoy ledit vidamme feut prins, aulcuns disoient que c’estoit pour son fol gouvernement, et qu’il gastoit toute sa chevance; aultres disoient que c’estoit pour ce qu’il avoit emprunté grande somme de deniers à Charles d'Anjou, comte du Maine, frère de la royne de France, sur la terre, ville et chasteau de Pecquigny, assez près d'Amiens, laquette est très forte place, et luy contendoit à vendre ; et par ainsy euist esté en la maindu roy,quy euist peu porter préjudice au duc de Bourgoingne. En laquelle ville et forteresse de Pecquigny, après la prise dudict vidamme, ledict comte d’Estampes meit garnison et en feit capitaine le seigneur de Miraulmont. Quand ledict comte entra en ladicte ville d’Amiens, ledict Arthus de Longueval, lequel estoit, comme on disoit, en ladicte ville d'Amiens, se partit de ladicte ville, et se boutta en ung petit batelet en la rivière, et se saulva, qu'il ne feust pas prins; car s’il euist esté prins, il euist esté en danger. On disoit aussy que, en ladicte ville d'Amiens, estoient plusieurs quy bien scavoient ce que ledict Arthus contendoit à faire, et es-

toient ses complices, dont on en cuida prendre aulcuns; mais ils se sauvèrent, et par espécial ung nommé Jacques de Philescamps, lequel estoit recepveur d'Amiens, et avoit gaignié toute sa chevance, lequel estoit très riche, au service du duc de Bourgoingne ; et eschappa ledict Philescamps, parce qu’il monta sur le meilleur cheval qu’il avoit, et feindit aller esbattre; mais au commandement dudict comte, il feut prestement poursuivy pour le cuider prendre.

Quand il veit ce, il frappa son cheval tellement des esperons que, ains que on le puist rattaindre, il entra en ung bois; et illecq descendit, et tua son cheval de son espée quy luy coula plusieurs Coups parmy le corps, et puis se boutta dedans le bois et ainsy eschappa. Quand il se veit eschappé, il print son chemin vers Bruxelles, et s’en alla prestement vers le duc, et feit sa paix. Ne scais s’il estoit en la malle grace du comte d’'Estampes, pourquoy ils’estoit ainsy absenté, ou se c’estoit pour le faict dudict Arthus.