CHAPITRE VIII

Comment encoires, en la ville d'Arras, on preschia comme vauldois, trois hommes avec six femmes, desquels les trois hommes et cinq femmes feurent ards.

L'an dessusdict mil quatre cents soixante, en la cité d'Arras, en la maison épiscopale, en la grande cour, furent menés sur ung hourt ! faict pour ceste cause, Jehan du Bois, Jacques, cuisinier du gouverneur d’Arras, Colin de Boullecourt, la femme d’ung sellier, nommée la Franche-Comté, Collette l’Estrevée. femme commune, une josne fille nommée Printemps Gay, femme commune, Cateron, dicte la Gringaulde, femme commune, une josne femme nommée la Parqueminière, femme commune. Et illecq sur touts et toutes feut mise une mitre sur chascune teste comme vauldoises et vauldois ; en laquelle mitre estoit peinct la forme du diabie, en telle forme

(4) Échafaud.