PARTIE 1V, CHAP. VILL
qu'ils luyavoient faict hommaige, et puis la forme d’eulx à genoulx devant luy; et là par l’inquisiteur de la foy, mommé maistre Pierre le Brousart, jacobin, preschiés publicquement debvant tout le peuple. Et y avoit tant de peuple que sans nombre. Et illecq leur remonstra comment ils avoient esté en ladicte vaulderie, et faict tout ce que dessusay dict, et mesme que aulcunes d’icelles quy estoient là présentes avoient esté cogneues charnellement du diable d’enfer, l’une en forme de lièvre, l’autre en forme derenard, l’autre en forme de thor, l’autre en forme d'homme, et aultres en forme de quelque beste; mesme que ladicte Colette avoit baillié par trois fois l’hostie sacrée du précieux corps de nostre Seigneur Jésus-Christ à l’Abbé-de-peude-sens, pour faire leur oignement. Laquelle Colette luy respondit publicquement, qu’il n’en estoit riens; et voulloit dire aultre chose, mais on ne la laissa point parler. Et après ce que ledict inquisiteur les eust preschiés et dict à chascune sa confession, ainsy que ils et elles l’a voient confessé, il leur demanda à chascun cet à chascunesy cequ’ilavoit dict n’estoit pas vray. Lesquels et lesquelles respondirent touts et toutes, réservé ladicte Colette l’Estrevéc, que oui. Etmesme à celles quy avoient esté cogneues du diable charnellement, comme elles avoient confessé, ledict inquisiteur leur demanda s’il n’estoit point vray ; et respondirent publicquement que ouy. Après lesquelles confessions ledict inquisiteur rendit leur sentence en latin, puis en francois.
Et feut leur sentence telle : quelesdicts Jehan du Bois et femme mommée Franche-Comté, pour tant qu’ils ne s’estoient point révocqués despuis leur première confession, ains avoient tousjours depuis prié grasce et miséricorde, etles aultres avoient varié et dict aulcune fois qu’ils n’y avoient pointesté ne scavoient que c’estoit, nonobstant qu’ils l’euissent touts confessé sur le hourt, reservé ladicte Colette, touts pour ce feurent rendus à la justice laye, comme membres pourris ; et bailliés au lieutenant d'Arras touts, reservés ledict Jehan du Bois et la femme Franche-Comté ; c’est à scavoir : Jacques, cuisinier du gouverneur, Colette l’Estrevée, Printemps Gay, Cateron dit la Gringaulde, la Parqueminière et Jehanne le Lucque. Lesquels feurent assez tost après menés à la justice de la ville d'Arras, et illecq ards et leurs corps ramenes
en pouldre. Et ne feurent pas menés devant les eschevins de la ville: et n’eurent aultre sentence que d’estre rendus à la justice laye, comme membres pourris ; et on les mena touts sur ung hourt. Et estoit merveille comme elles prioient tout chascun que on priast pour eulx ; et disoient publicquement que c’estoit à tort que on les faisoit mourir, et que oncques n’avoient esté en ladicte vaulderie, et ne scavoient que c'estoit; et ce qu’elles avoient confessé avoit esté par force de gehenne et de torture. Et plusieurs aultres choses disoient contre ceulx quy les avoient jugé; et jusques à la mort faisoient et monstroient touts les signes que chrestiens doibvent faire et monstrer à la mort, saulf quetouts-dis{ disoient qu’onles fesoit mourir à tort. Et en cest estat moururent. Et le dessusdict Colin de Boullencourt feut aussy rendu comme membre pourry à la justice laye, c’est asscavoir au prevost de cité. Lequel pareillement que les aultres, tost après, sans aultre jugement, feut mené a la justice de l’évesque, et illecq ards et ramené en cendres. Et tout pareillement que les aultres dict, qu’on le faisoit mourir àtort, et ce qu’il avoit confessé avoit esté à la force de gehenne. Et mourut, comme il sembloit, en vraie et bonne foy. Et prit, luy estant prest de mourir, trois paux de terre ou d'herbe, au nom du Père et du Fils et du Sainct- Esprit, et ainsy il mourut, Et lesdicts Jehan du Bois et la Franche-Comté feurent condampnés certain temps en chartre. Icelluy Jehan du Bois, luy estant sur le hourt, l’inquisiteur luy demanda s’il n'estoit point vray qu’il euist donné au diable, quand il luy fit hommaige, l’ongle de son pouce; lequel respondit publiquement que ouy, et monstra son pouce devant tout le peuple. On disoit qu’on avoit respité 2 lesdicts du Bois et Franche- Comté , affin que les aultres quy estoient et seroient prins, en espérant miséricorde, confessassent plustost avoir esté en ladicte vaulderie.
(1) Toujours. (2) Épargné.
