CHAPITRE IX

Comment maistre Anthoine Sacquespée, bourgeois et eschevin de la ville d'Arras, Jehan Josset, aussy eschevin, et Henriet de Royville, et aultres, furent prins comme accusés d'estre vauldois ; €tcomment Martin Cornille, recepveur des aydes du duc de Bourgoingne, et Willaume le Febvre, eschevin de ladicte ville, et Hotin Loys, sergeant, s'enffuirent, pour doubte d'estre prins pour ce cas ; et de la grande perplexité en quoy ceulx de la ville estoient ; et des preschements que les vicaires feirent preschier ; et de ceulx quy feuren! commis à iutcrroguicr les prisonniers prins comme vauldois.

Le seiziesme jour de juillet, audict an, en la ville d'Arras , sur le soir, feut prins comme accusé d’estre vauldois par messire Baulduin, seigneur de Noyelles, chevallier et gouverneur de Péronne, maistre Anthoine Sacquespée, bourgeois et eschevin de la ville d'Arras, ung des plus riches bourgeois et grand rentier en héritaige de ladicte ville. Lequel gouverneur de Péronne, après qu'il lolt prins, le baillia au lieutenant d'Arras ; et estoit soir, entre huict et noeuf ; lequel lieutenant le mena par la porte de Sainct- Miquel, et l’emmena en cité par les faulxbourgs, et le boutta ès prisons de l’évesque, où les aultres estoient.

Le lendemain feurent prins pour ledict cas Jehan Josset, eschevin d'Arras, hoste de la Clef sur le grand marché, et Henriet de Royville, sergeant de ladicte ville; et feurent menés en cité comme les aultres ès prisons de l’évesque.

Etcestuy propre jour, se partirent de la ville, de poeur d’estre prins pour ledict cas, Martin Cornille , recepveur des aides ordinaires du comté d'Artois, et Willaume le Febvre, très riche bourgcois et eschevin de la ville; lesquels, comme on disoit , euissent esté prins avecq les aultres, s'ils ne s’en fuissent partis et espaysés. Et combien que le comte d’Estampes les feit querir, sy ne les peut-on trouver ; et feurent poursuivis jusqu’à Paris; et emportaledict Martin grand thrésor, comme on disoit. Ledict Martin tenoit moult grand estat, et encoires plus sa femme, jà-soit que ledict Martin feussist de petit lieu , et avoit esté en ses josnes jours parmentier, c’est-à-dire cousturier de robbes, et povre compagnon.

Et avant que ledict maistre Anthoine feust prins, plusieurs de ses parents et amis, car il estoit de grand lignaige en la ville, luy avoient assez de fois dict et faict prier très instamment qu'il se volsist absenter une espace de temps