LIVRE IV
de ladicte ville, et qu'il estoit accusé d’avoir esté en ladicte vaulderie; lequel, à chascune fois leur respondit : qu’il n’en estoit coupable, et que s’il estoit mille lieues loing et sceust qu'il en feust accusé, sy revenroit! pour s’excuser, sy on luy voulloit rien demander; et aimeroit mieulx mourir ou à perdre quand qu’il avoit vaillant, que s’absenter pour ce cas.
Et pour vous déclarer ceulx quy feurent com-
mis pour interroguier lesdicts prisonniers, avecq les vicaires de l’église et de l’évesque cy-dessus nommés feurent : premier, ledict inquisiteur, l’évesque de Barut, suffragant, maistre Jacques du Bois , doyen d’Arras, maistre Jean Boullengier, docteur en théologie, Philippes, seigneur de Saveuses , chevallier , quy estoit grand scigneur et moult affecté de faire justice et ardoir touts ceux quy estoient prins et accusés d’estre vauldois; et y estoit ledict seigneur de Saveuses commis de par le comte d’Estampes avecq le seigneur de Crievecœur , bailly d'Amiens, Guillaume de Berry, lieutenant dudict bailly, ct maistre Jehan Forme, secrétaire du comte.
Après y estoit l’inquisiteur de la foy , jacobin, demourant à Tournay, maistre Gilles Flameng, advocat à Beauquesne, maistre Mathieu Paille, aussy advocat audict Beauquesne; et encoires avecq iceulx envoya le duc de Bourgoingne l’évesque de Salubrie, jacobin, docteur en thcologie, confesseur dudict duc, agié de quatrevingtsansouenviron,etledict messire Baulduin, seigneur de Noyelles, chevallier, gouverneur de Péronne; car jusques alors, pour visiter le procès de ceulx quy avoient esté condampnéset exécutés, n’y avoit eu aultres que lesdicts vicaires, l’évesque de Barut, le doyen et les aultres clercqs de Sainct-Vaast, des carmes, jacobins , cordeliers, Nostre-Dame , tant canoines que aultres.
Et le vingt-septiesme jour dudict mois de juillet, feut prins pour ledictcasJacotin d’Athies, fils de bourgeois d'Arras ; lequel se tenoit avecq ledict Martin Cornille , et estoit parent de sa femme ; et comme les aultres feut mené en cité en la prison de l’évesque.
Et le treiziesme jour du mois d’aoust ensuivant, feut prins pour ledict cas Jehan le Febvre, coultier de chevaulx, et mené comme les aultres en la prison de l’évesque.
{:1) Revicndroit,
