CHAPITRE x
Comment Martin Cornille, Willaume le Febvre et Hotin Loys feurcnt cités comme vauldois; et d'une grosse bataille quy feut «n Angleterre des gents du duc d'Yorc contre les gents de la royne d'Angleterre.
Environ ce temps, après que Martin Cornille, Willaume le Febvre et Hotin Loys feurent absentés de poeur d’estre prins comme vauldois , les vicaires de l’évesque les feirent citer à comparoir en personne, et respondre à l'accusation contre eulx faicte, sous peine d’estre atteints et convaincus dudict cas; et sy fcirent
(1) Temps,
icelle citation attaquier ! par les églises et lieux publicques, en leur donnant jour de comparoir. Durant lesquels jours Willaume le Febvre , fils légitime de Willaume le Febvre, et plus n’en avoit, accompagnié d’ung notaire de Paris, vint à maistre Jean Pochon, vicaire de l’évesque d'Arras , et le trouva bien matin à matines, en l’église de Nostre-Dame d'Arras. En la -présence duquel maistre Jehan Pochon il appela de luy et des vicaires de l’évesque, des griefs qu’ils faisoient et s’efforcoient de faire à Willaume le Febvre, son père; et ce faict, prestement luy et son notaire monta à cheval, et s’en alla devers Paris, auquel lieu son père s’estoit rendu prisonnier, pour respondre à ce que lesdicts vicaires luy voldroient demander. Lesquels Willaume et notaire partis, incontinent, au commandement desdicts vicaires, quatre ou cinq compagnons allèrent après eulx et les ratteindirent à Montdidier; et feurent ramenés touts deulx, loyés et bretecqués, ès prisons de l’évesque d’Arras. Et pour tant que, la nuict de devant ledict appel, Jacques le Berghuier , bourgeois d'Arras, Jehan le Febvre, coultier de vin a Arras, Jehan de Reubempré, marchand de vin à Arras, et Colin Père-Dieu, sergeant d’eschevin dudict, parents et amis dudict Willemet, avoient accompagnié ledict Willemet, et bien scavoient qu’il avoit intention de faire ledict appel, et sy ne l’avoient faict scavoir auxdicts vicaires ny à l’inquisiteur de foy , ils feurent touts faicts prisonniers pour ceste cause, et amenés en cité en la prison de l’évesque. Et ne peut ledict Willemet estre délivré, ny nuls de ses compagnons, jusqu’à ce qu’il olt renoncié à son appellation. Lequel y renonca ; et feut délivré, luy et les dessusdicts. Après laquelle renonciation, pour ce que ledict Willaume le Febvre, Martin Cornille et Hotin Loys ne comparurent a leur journée , ils feurent touts excommuniés comme convaincus d’estre vauldois, et leur excommunication attaquiée 3 aux posteaux des églises et portes de la ville d'Arras.
Environ vers ce temps, y olt une bataille en Angleterre entre les gents de la royne d’Angleterre, laquelle gouvernoit le royaulme d’Angleterre, et Edouard, fils du duc d’Yorc, comte de la Marche, et le comte de Werwicq et leurs gents; et feurent les gents de la royne descon-
(1) Attacher. (2) Altachce.
fits; et y en mourut de sept à huict mille hommes ; et feut le roy Henry d'Angleterre mis en la subjection du comte de Werwicq. En la présence duquel roy Henry, après ce que ledict comte olt fait la révérence audict roy, ledict comte de Werwicq feit trancher les testes à deulx ou trois de ses principaulx gouverneurs, desquels je n'ay peu savoir les noms.
