CHAPITRE XI

Coinment, à la requeste du scigneur de Beauffort, Anthoine Sacquespée, cl ceulx quy estoient prisonniers comme Vauldois, on envoya les vicaires de l'évesque devers le duc de Bourgoingne, affin que ledict duc assemblast touts les plus grands clercqs qu'il polroit trouver, affin de avoir conseil et détcrmiucr qu'on feroit desdicts prisonuiers; et avccq ce, on envoya quérir plusicurs clercqs aux de<pends desdicts prisonuicrs, lesquels vindrent à Arras.

Après ce que le seigneur de Beauffort feut prins, et maistre Anthoine et les aultres, à la requeste desdicts prisonniers feurent envoyés quérir en la ville d'Amiens maistre Martin Malingré , licencié es lois et en décret, canoine et official d'Amiens, l’'inquisiteur de la foy de Tournay et plusieurs aultres notables clercqs, desquels ne vindrent que ledict maistre Martin et l’inquisiteur de Tournay ; les aultres s’excusèrent, les ungs par vieillesse, les aulires aultrement. De quoy aulcuns disoient qu’ils n’y voulloient point venir, pour tant que oncques on n'avoit veu ès marches de par-decà tels cas advenus, et que la matière estoit pesante et bien maulvaise, car de mille personnes, une, hors de la ville d'Arras, ne croyoit pas , comme on disoit, que ce feust vrai qu'ils allassent en ladicte vaulderie , ny feissent ce qu'ils disoient. Pourquoy, ne scais sy ce feust pour ceste cause ou non, il n’y vint que les deulx dessus nommés. Pour laquelle cause les vicaires de l’évesque, c’est asscavoir maistre Pierre du Hamel, archidiacre d’Ostrevant, maistre Jehan Thieubaut, official d'Arras, et maistre Mathieu du Hamel, secrétaire de l’évesque, notaire et canoine d’Arras , avecq eulx maistre Pierre le Brousart, inquisiteur de la foy, et maistre Gilles le Flameng , licencié ès décret et advocat en cour laye à Beauquesne, à la requeste et aux despends desdicts prisonniers, allèrent devers Philippes, duc de Bourgoingne, à Bruxelles,

en Brabant, pour avoir conseil de ce qu'ils

avoient à faire en ladicte matière de vaulderie,

let des prisonniers quy pour ceste cause es-

duc, désirant de tout son cœur la foy chres-

tienne soustenir et garder, envoya en la ville de Louvain en Brabant, où il y a université très renommée et des très notables clercqs, quérir touts les plus grands clercqs quy y feuissent, et leur commanda de venir à Bruxelles. Après manda touts les clerqs notables et exprès de tout le pays entour de luy ; lesquels y vindrent en grand nombre, tant dudict Louvain que d’ailleurs. Aulxquels clercqs les procès tant dudict seigneur de Beauffort que d’aultres feurent monstrés, lesquels avoient confessé d’avoir esté en ladicte vaulderie, et aussy les procès de ceulx quy ne l’avoient point confessé, car il y en olt plusieurs quy oncques ne le confessèrent pour gehenne ou torture qu’on leur sceust faire, comme cy-après sera dict, quand temps sera.

Lesquels procès veus par lesdicts clercqs, de ce qu’ils convenoient ne de leurs opinions je ne peus rien scavoir, car, comme on disoit, ils ne feurent pas bien unis ensemble : car les aulcuns disoient que la vaulderie n’estoit point réelle , les aultres que c’estoit illusion, et que, supposé qu'il y poeult avoir aulcune réalité par la permission divine, aussy y pooit-il avoir beaucoup d’illusion, et qu'ils ne faisoient pas tout ce qu’ils cuidoient faire. Les aulcuns aussy disoient : que c’estoit chose réelle, et qu’ils alloient en ladicte vaulderie en corps et en ame, et que puis qu'ung homme s’adonne à l’ennemy d’enfer, Dieu permet que l’ennemy d’enfer ayt sur luy ceste puissance que de le porter en ladicte vaulderie et ailleurs. Après ce que lesdicts vicaires se feussent conseillés, sy prindrent congié du duc, lequel duc envoya avec eulx, pour estre présent à interrogier lesdicts prisonniers, Toison-d’Or, son premier hérault, auquel il avoit très parfaicte fiance et crédence ; lequel Toison-d’'Orilenvoya pour estre mieulx adverty de la vérité, pour tant qu’on luy avoit rapporté qu’aulcuns de la ville de Paris et d’ailleurs en France disoient qu’il faisoit prendre en ses pays les riches hommes et aultres, afin d'avoir leurs biens et leurs terres, dont très trouble il estoit ; mais pour ce ne voulloit-il pas laisser à soustenir la foy, sy le cas le requéroit, comme il disoit. Et ainsy s’en retournèrent lesdicts vicaires et leur compagnie, etledict Toison-d’Or avecq eulx, et revindrent en la ville d'Arras, le