LIVRE IV, CHAP. XI
toient prins. Eulx venus à Bruxelles, tantost | que le duc sceut pourquoy ils estoient venus, le”
quatorziesme jour du mois d'aoust, lan mil quatre cents soixante. Et combien que je ne puisse scavoir quel conseil on leur baillia à Bruxelles, toutesfois, eulx revenus, on ne print plus personne pour ledict cas de vaulderie, jàsoit-ce que plusieurs, et tant que sans nombre, ea feuissent accusés ; et feurent lesdicts prison-. niers plus doucement traictiés que par-devant ils n’avoient este; et ne feirent lesdicts vicaires de l’évesque, despuis leur revenue jusques au mois de septembre, que quatre procès, c’est asscavoir, le procès du seigneur de Beauffort, de Jehan Tacquet, de Perrotin du Carieuxet de Huguet Aubry, ditPatre-nostre. Et feut faictle procès dudict Huguet, nonobstant qu’il n’eust oncques rien confessé, pour tant que lediet Huguet avoit une fois rompu prison et eschappé, mais il feut reprins. Lesquels procès faicts, après ce qu’ils oyrent l'opinion des clercqs estants à Arras et aulires cy-dessus nommés, derechief ils renvoyèrent les procès à Bruxelles, devers ledict duc, pour avoir encoires l’opinion des clercgs, pour scavoir comment ils en feroient. Et porta lesdicts procès maistre Mathieu du Hamel dessusdict, avecq luy messire Guillaume de Berry, lieutenant du bailly d'Amiens, et sy s’en retourna avecq eux ledict Toison d'Or, que le duc y avoit envoyé. Lesquels venus à Bruxelles, le duc feit visiter lesdicts procès.
En ce temps pendant, bulles du pape feurent apportées par le doyen de Soignies en Brabant , impétrées à la requeste de Martin Cornille, lequel s’estoit absenté et enffuy, comme dict est cy-dessus; et les avoit esté querre ledict doyen. Par lesquelles bulles nostre Sainct-Pèrele pape Pius commettoit maistre Gilles Carlier, docteur en théologie et doyen de Nostre-Dame de Cambray, maistre Grégoire Nicolaï, canoine et official de Cambray , maistre Pierre du Hamel et maistre Jehan Thieubaut, vicaire de l’évesque d'Arras, comme cy-dessus est dict , à cognoistre seuls et pour le tout, se aultres clercqs ne voulsissent appeler avec eulx, de touts ceulx quy seroient prins et estoient occulpési ou accusés à cause de ladicte vaulderie. Mais ce temps pendant que ledict doyen avoit allé quérir lesdictes bulles, le dessusdict Martin Cornille feut prins en Bourgoingne, où il se tenoit, et feut rendu à l’archevesque de Besan-
çon pour en cognoistre.
(4) Inculpés,
