CHAPITRE XII
D'ung nommé Noël Ferre, naiif d'Amiens, lequel fout ards en la ville de Mantes, et la cendre ruée au vent, lequel avoit eogneu d'avoir esté en ladicte vaulderie.
L'an mil quatre cents soixante, le vingtsixiesme jour d’aoust, en la ville de Mantes, feut ards, et son corps ramené en pouldre, et la pouldre par jugement jettée au vent, ung nommé Noël Ferre, natif d'Amiens, comme il disoit, de l'age de vingt-huict ans, lequel confessa d’estre sorcier et avoir commis plusieurs meurdres, larcins et piperies ; et avecq ce d’avoir esté par quatre fois en vaulderie, en laquelle vaulderie il avoit adoré le diable en forme de boueq, et luy donné corps et ame; et nomma les places où il avoit esté en ladicte vaulderie; c’est asscavoir une fois à Estampes , une aultre fois emprès Péronne, une aultre fois en ung licuentre Corbie et Beauvais, et l’aultre fois au bois de Mofflaines lez Arras. Ésquelles assemblées de vaulderie ilconfessa d’avoir veu plusieurs gents, entre lesquels il nomma l’Abbé-de-peu-de-sens, cy-dessus nommé ; lequel Abbé, comme il confessa, recepvoit les serments faicts au diable, et parloit pour le diable. Il en nomma aussy d’aultres, tant de la ville d'Arras, d'Amiens, de Paris, de Blois, comme d’aultres lieulx ; et estoit ledict Noël raiemant et brimbeux, demandant l'aumosne ; et menoit avecq luy sa femme, laquelle il accusa aussy d’avoir esté en ladicte vaulderie.
Item , icelluy Noël confessa aussy avoir esté au consistoire en vaulderie, où la délibération feut prinse de brusler la ville de Pernes, laquelle avoit esté ardse, comme dessus a esté dict ; et le feit faire ung chevalier, lequel estoit lors en vaulderie , et le nomma. Je veis et leus le procès dudict Noël Ferre, lequel feut envoyé en la cité d'Arras, auquel estoit contenu tout ce que dictest dessus et plusieurs aultres choses ; et sy veis la sentence, scélée des juges de Mantes. Lequel Noël exécuté comme dict est, sa femme feut prinse, laquelle appella de ceulx de Mantes, et feut menée au parlement à Paris: laquelle assez tost feut délivrée quitte sans avoir griefs.
