CHAPITRE XIII
Comment le roy d'Eccoce mourut de l'esclat d'une bombarde ; et d'une grande orage qu'il feit en Liège et ailleurs; et d'aultres choses.
Environ ce temps tenoit le roy d’'Escoce ung siége devant ung chastel ; et comme il avoit fait affuster une bombarde pour jetter dedans le chastel, laquelle il alla veoir pour la veoir jetter, le premier coup incontinent que le feu feut dans la chambre de ladite bombarde, elle rompist et se despiéca ; et saillirent les pièces en esclat, puis cy, puis là , tellement que l'une des pièces alla férir icelluy roy d’Escoce et le tua, et mourut ainsy. Icelluy roy avoit la moictié de son visage rouge comme sang, et tel yssit du ventre de sa mère. Il avoit espousé la fille du duc de Gueldres; et en avoit faict le marriage le duc de Bourgoi ngne, duquel elle estoit niepce.
Après icelluy roy succéda au royaulme son fils aisné, fils de ladicte dame.
De laquelle mort le duc de Bourgoingne feut fort courroucié; et en feit faire solennel service , car ils estoient alliés ensemble.
En ce temps aussy, au pays de Liége, en la ville de Dinan, quéyrent! sy grandes eauwes1 qu'une partie d’une abbaye estant en icelle ville et plusieurs édifices feurent abattus ; et mesme l’abbé d’icelle abbaye, estant en sa chambre avecq une femme qu'il tenoit en concubinage, feurent touts deux emportés et noyés en l’eaue, et avecq eulx plusieurs moines, et aulires hommes et femmes.
Pareillement audict temps, le vingt-sixiesme d’aoust, feit sy grande orage en la ville de Béthune, en laquelle il estoit la feste, que la pluspart des marchandises des marchands feurent esparses parmy les rues; et par espécial y perdirent beaucoup les joielliers de leurs vaisselles et joyaulx. Et en aulcunes villes autour dudict Béthune, l'orage y feit moult dommaige et y olt plusieurs gents morts.
Audict an, le vingt-sixiesme jour d’aoust, en la ville d'Amiens , feurent exécutés par justice ung homme, une femme, frère et sœur, lesquels estoient de noble sang, et avoient esté charnellement ensemble l’espace de sept ans; et confessèrent avoir occis ung enfant qu'ils avoient eu de lung l’aultre sans avoir baptesme,
{1) Tombèrent. (2) Eaux.
avecq plusieurs aultres crimes ; pour lesquels
l'homme feut pendu au gibbet d'Amiens et la |
femme feut ardse.
Audict an quatre cents soixante, par ung samedy, vingtiesme jour de décembre, en la ville de Lille, mourut maistre Jehan Chevrot , évesque de Tournay, en l’age de quatre-vingts ans, natif de Bourgoingne; lequel évesqueestoitl’ung des principaulx, avecq le chancelier de Bourgoingne, conseiller et gouverneur de Philippes, duc de Bourgoingne; et l’avoit icelluy duc, longtemps paravant, faict évesque contre la volonté du roy de France, lequel roy avoit faict avoir l'évesquié à ung clereq noble homme surnommé de Harcourt, natif de Normandie et parent du duc de Bourgoingne, et estoiten possession. Mais le duc voullut qu’icelluy Chevrot l’euist, combien qu’il ne feust pas noble ; et convint par force que ledict de Harcourt se partist de Tournay et laissast l’évesquié audit Chevrot, quy en fust vingt-quatre ans ou plus évesque. Après la mort duquel, son corps, accompagnié de plus de deulx cents chevaulx, tant de nobles que d’aultres, feut porté en une litière, couverte de drap d’or, en l’église de Nostre-Dame de Tournay, et illecq feut mis en terre.
En laquelle évesquié succéda Jehan Godefroy, natif de Champaigne fils illégitime d’ung canoine archidiacre de Raims, lequel l’engendra en une nonain, laquelle estoit noble femme ; et fallit que ledict archidiacre pour ceste cause s’en partist de Raïms et s’en allast à Rome, où despuis il feut cardinal. Mais pour revenir à mon propos, icelluy Jehan Godefroy estoit moine de Sainct-Benoist et avoit esté de l’hostel du roy de Sécille , duc d'Anjou ; et par le congié dudict roy vint à l'hostel du duc de Bourgoingne, lequelduc luy avoit faict avoir l’évesquié de Toul en Bourgoingne et abbaye de Sainct-Bertin par force en commanderie ; et estoit icelluy pour principal conseillier du duc , à cause que le chancellier estoit moult ancien. Toutesfois, incontinent que Charles, roy de France, sceut la mort d’icelluy Chevrot et comment icelluy Godefroy avoit, par manière de résignation, sy subtillement que personne ne s’en donna de garde que le notaire quy estoit avecq luy, prins la possession de l’évesquié, il se partist incontinent après ce faict; dont il feit de sens; car tant estque, quand iceulx de Tournay le sceurent, s’ils l’euissent sceu trouver,
