LIVRÉ IV, CHAP. XII
ils luy euissent faict desplaisir. Il envoya à Tournayseslettres-patentesavecqleseigneur de Moy et aultres seigneurs, par lesquelles il requéroit et mandoit qu'ils esleuissent ung évesque, sans blescier leurs consciences, le plus idoine qu’ils pooient pour eulx, aultre qu’icelluy évesque de Toul, lequel il tenoit son ennemy. À laquelle requeste et commandement le collége de Tournay, jà-soit-ce que, puis la possession prinse, ils euissent à la requeste du ducde Bourgoingne, quy devers eulx avoit envoyé plusieurs grands seigneurs pour ceste cause, promis de n’en eslire d’aultre que ledict évesque de Toul, et de faict l’euissent receupt et promis le recepvoir comme évesque, nonobstant tout ce, ils esleurent Charles de Bourbon, lequel estoit josne de vingt-six ans ou environ et n’estoit pas prestre ny mesme in sacris, jà-soit l’archevesque de Lyon, sur le Rosne, lequel estoit frère du duc de Bourgoingne, et filslégitimede la sœur du duc de Bourgoingne. Nonobstanttoutes ces choses, et qu’iceux de Tournay ne voulloient pas avoir icelluy évesque de Toul, ledict évesque de Toul, moine, demoura évesque d’icelluy évesquié de Tournay; et syluy demoura l’abbaye de Sainct- Bertin en commande ; et le fils du mareschal de Bourgoingne feut évesque de Toul.
En ce temps aussy, ung homme appelé Guislain , de l’age de quarante ans, natif d’entour Audenarde, tout nud, réservé ung petit cœuvre-quiefi qu'il avoit devant sa nature, vint offrir deux cierges de cire pesante une livre, en l’église Nostre-Dame d'Arras, devant la grande image de Nostre-Dame de Primes. Illecq feit son oraison ; laquelle finie, moy qui ce présent livre ay composé, luy demanday pourquoyil venoiten cestestat. Lequel me respondit : qu’il avoit esté prisonnier en la duchié de Luxembourg, en une ville nommée Thionville, des Allemands, et que sitost qu’il feust prins il promit à la Vierge Marie, mère de Dieu, que s’il pooit eschapper, en tel point qu’il eschapperoit en viendroit remercier en l’église Nostre-Dame d'Arras. Et comme il disoit, il estoit marchand de jouillerie ; et quand il feut prins feut toute sa jouillerie perdue ; et le donnoient lung à l’aultre ; et feut mis en une haulte tour; et luy disoient touts les jours les Allemands quy prios l’avoient qu’ils le noyeroient. En laquelle tour il disoit y avoir une treille de fer, laquelle
(1) Couvre-chef,
rar l'aide de Dicu il osta, et feit une corde de ses vestements et ce qu’il avoit la dedans, tellement qu'il en feit dix-sept toises, quy sontenviron de six à sept pieds chascune toise , et la tour, laquelle estoit environnée d’eaue , avoit depuis l’eaue jusques à ladicte treille vingt-deux toises ; etest sur la rivière de Meuse. Et quandil oltfaictladicte corde, il s’avalla jusques au bout, et puis se laissa cheoir de cinq toises de hauteur enl’eaue; et par la grasce de Dieu nagea tant qu’il feust oultre ladicte eaue de Meuse tout nud; et en cest estat, réservé ung petit cœuvre-quief qu'on luy donna sur le chemin pour l'honneur de Dieu, pour couvrir son humanité, vint en ladicteéglise Nostre-Dame-d'Arras, offrir lesdicts deulx cierges en l'honneur de ladicte Vierge Marie , mère de Dieu. Comme il disoit , il luy sembloit qu’elle lui avoit donné le hardement de faire ce que il avoit faict, et sy luy en estoit bien venu. Et pour tant que ce me semble ung beau miracle, pour l’honneur de la très glorieuse mère de Dieu je l’ay mis par escript ; car véritablement ledict Guislain, lequel sembloit bien estre homme prudent et saige, me dict et certifia estre vra yes toutes ces parolles et choses et plusieurs aultres. Etaprèsqu'il eust faict ainsy pélerinage,aulcunsgents luy donnèrent aulcuns vestements pour le commencier à revestir, lequel les prit; et paravant n’avoit voullu nuls prendre ne riens, fors sa vie.
