CHAPITRE XIV

Comment ceulx quy avoient porté les procès des prisonniers pour le faict de la vaulderic revindrent ; et comment le seigneur de Beaufort fcut preschié publicquement ; et Jehan Tacquet, Perrotin du Carieulx et Huguet Aubry feurent mitrés et preschiés aussi publicquement, et de leur condampnation.

Le douziesme jour d'octobre mil quatre cents soixante , revindrent en la cité d'Arras, de devers le duc de Bourgoingne, messire Guillaume de Berry, lieutenant du bailly d'Amiens, et maistre Mathieu du Hamel, secrétaire de l’évesque d'Arras, lesquels avoient porté le procès de quatre prisonniers pour le faict de vaulderie; et revint avecq eulx, que le duc y envoya, maistre Adrien Collin, président de la chambre du duc, laquelle chambre se tenoit à Ypres.

Et eulx revenus, feurent derechief interroguiés lesdicts prisonnierssur le faict de vaulderie, en la présence dudict président. Ce faict, les vicaires rassemblèrent encoires touts les clercqs de la

J. DU CLERCQ

ville et de la cité d’Atras, où estoient lesdicts président, l’évesque de Salubrie et de Barut, le doyen d’Arras, et son frère maistre Jehan du Bois, bachelier en théologie et canoine d’Arras, damp Jehan Barré, moine de Sainct-Vaast et docteur en théologie, maistre Gilles Flameng , maistre Mathieu Paille, maistre Jehan Mauville, advocat en la cour de l’évesque, maistre Simon de Sainct-Vaast, licentié ès lois, canoine d'Arras, maistre Jehan Boulengier, docteur en théologie, et plusieurs aultres clercqs, tant en théologie comme en lois, décrets et ès arts, aulxquels les quatre procès feurent monstrés, dont cy-après feray mention. Et après ce qu'ils olrent veuslesdicts procès et leurs opinions dictes, les vicaires de l’évesque, le vingt-deuxiesme jour dudict mois d'octobre, rendirent la sentence desdictsquatre procès ; c’est à scavoir, du seigneur de Beauffort, Jehan Tacquet, Perrotin du Carieulx et dudict Huguet Aubry ; car combien qu’on assemblast les clercqs, et dissent leurs opinions, sy rendoient la sentence lesdicts vicaires, et ne les jugeoient point les clercqs.

Icelluy vingt-deuxiesme jour du mois d’octobre, au dessusdict an mil quatre cents soixante, en la maison épiscopale de l’évesque d'Arras, en cité, publicquement et devant tout le monde, où il y en avoit tant que sans nombre, car de dix lieues allenviron d’Arras, ou plus, y estoient venus hommes et femmes de touts lez, furent mis sur ung hault hourt élevé, faict pour ceste cause, messire Collart dit Payen, seigneur de Beauffort, chevallier, Jehan Tacquet, Perrotin du Carieulx et Huguet Aubry; et illecq feut mise sur leurs testes, asscavoir de Jehan Tacquet, Perrotin du Carieulx et Huguet Aubry, sur chascune leur teste une mitre, en laquelle estoit peincte l’image du diable, en telle façon qu’ils l’avoient aouré. Et nonobstant que ledict Huguet n’avoit riens confessé , sy feut-il mitré ; et y estoit peinct en telle facon qu’on avoit déposé contre luy qu'il avoit faict hommaige au diable. Et illecq par l’inquisiteur de la foy en la ville de Cambray, jacobin, feurent preschiés publicquement ; et dit ledict inquisiteur : que ledict seigneur de Beauffort, chevallier, quy illecq estoit présent, avoit consenty au vouloirde meschantes femmes, lesquelles avoient esté ardses, comme vauldoises, comme cy-dessus est dict ; et par leur enhort3, il avoit prins ung bas-

(4) Adoré. (2) Conseil