LIVRE IV, CHAP. XIV
toncel 1 et oingt ledict bastoncel et ses mains | à Jehan Tacquet ; ct sy dit publicquement que
d’ung oignement qu’on luy avoit baillé, et puis |
mis ledict baston entre ses jambes; et incontinent, luy estant en la ville d'Arras, en sa maison à la Quievrette, feut porté par l’ennemy d’enfer, la première fois au bois de Mofflaines, à une lieue près d'Arras en la vaulderie , où illecq y avoit plusieurs hommes et femmes ; et illecq, en ladicte vaulderie, présents touts ceulx quy y estoient, feit hommaige au diable d’enfer, lequel y estoit et présidoit en forme de singe; et baisa au diable la patte; et combien que le diable luy requist son ame, il ne luy donna que quatre de ses cheveulx de son chief. Ce faicten icelle place, luy estant en ladicte vaulderie, cogneut une femme charnellement, et ne feut point ladicte femme nommée.Etdict encoires ledict inquisiteur que ledict seigneur de Beauffort avoit esté par deulx aultres fois encoires en ladicte vaulderie et aultres lieulx; c’est asscavoir, l’une des fois à Haultes-Fontaines, assez près d'Arras ; et y estoit allé à pied, en plein jour, après disner,; et y estoit le diable en forme de quien; le nommé Thirault sy présidoit ; et là le preschoit le diable, et touts ceulx qui y estoient, dont il y en avoit foison d'hommes et femmes; et leur disoit le diable qu’il n’y avoit monde que cestuy où nous sommes, et n’avoient point d’ame aultre que les bestes; et quand ils mouroient tout mouroit; illecq il leur deffendit d'aller à l’église, d’eulx confesser et recepvoir le corps de Nostre Seigneur Jésus Christ, de prendre de l’eaue bénite, et de faire tout ce que chrestien doibt faire et est tenu de faire ; et illecq luy promit ledict chevallier d’obéir à luy ; et la tierce fois feut en ladicte vaulderie en ung bosquet assez près d'Arras. Toutes ces choses dictes par ledict inquisiteur, ledict inquisiteur demanda audict chevallier et seigneur de Beauffort s’il n’estoit point ainsy qu’il avoit dict; lequel chevallier respondit hault et clair que ouy, en requérant miséricorde. Lors dict ledict inquisiteur publicquement au peuple : qu’on nese donnast point de merveille sy ledict seigneur de Beauffort n’estoit point mitré et s’il ne l’avoit point esté, pour tant que ledictseigneur de Beauffortavoit confessé d’avoir esté en ladicte vaulderie sans quelque gehenne ny torture, ny oncques puis s’estoit
rappellé.
Après ce, adressa ledictinquisiteurses paroles
(1) petit bâton. (2) Chien.
ledictTacquet avoitesté en ladicte vaulderic par dix fois ou plus, et avoit faict hommaige à l’ennemy d’enfer , et mesmement luy avoit donné son ame ; et que l’ennemy d’enfer l’avoit battu d’ung v.. de thor, pour tant qu'il s’estoit voullu restraire de luy; et luy avoit ledict ennemy deffendu de faire quelques bonnes œuvres de chrestien, comme cy-dessus est dict ; et luy estoit enjoint que se , pour la honte du peuple eschever!, il falloit qu’il allast à l’église ou prensist de l’eaue bénite, qu’il dist : « Ne desplaise à mon « maître. » Îtem, lui avoit le diable deffendu qu’il ne peust pas parler à ceulx quy estoient vauldoisde vaulderie hors de leur congrégation; avec ce, s'il estoit prins pour cestuy cas, qu'il ne raccusast nulluy de leur secte; et sy par force de gehenne ouaultrementillesraccusoit, qu’à la mort il les descoulpast; que jamais il ne se confessast; et que pareillement le diable deffendoit toutesces choses à faire à touts ceulx quy estoient vauldois, et quy obéissoient à luy. Plusieurs aulires crimes dict ledict inquisiteur que ledict Jehan Tacquet avoit commis; et après cela luy demanda s’il n’estoit point vray : lequel Jehan Tacquet, illecq présent, comme dict est, respondit, tellement que chascun l’entendit, que ouy, en requérant miséricorde.
Après ce, adressa l’inquisiteur ses parolles à Perrotin du Carieulx, et dict que ledict Perrotin avoitestéen ladicte vaulderietant de fois que sans nombre, et qu'il avoit faict hommaige à lennemy d’enfer, et en signe de ce luy avoit baisé le cul, tenant une candeille ardente en ses mains, et sy luy avoit donné son ame, et luy en avoit faict une cédulle escripte de sa main et de son propre sang, etsy avoit bailléà l’Abbé-depeu-de-sens dessus nommé, par trois fois l’hostie sacrée ou le précieux corps de Nostre Seigneur Jésus-Christ, quand il le recepvoit aux Pasques pour donner à manger aux crapeaulx. Desquels crapeaulx , avec des os de gents pendus, que luy-mesme avoit recoeuillis dessous le gibbet d'Arras et ailleurs, avecq du sang de Jjosnes enfants qu’il avoit luy-mesme occis, jusques au nombre de quatre, dont luy, ledict Abbé-de-peude-sens, et Colette l’Estrevée, Cy-dessus nommés,avoient faict ledict oignement dont ils se peignoient, et certaines pouldres dont ils nuisoient aulx créatures humaines et aulx biens de terre ;
(1) Eviter,
toutes ces parolles, demanda audict Perrotin s’il n'estoit point vray,; lequel Perrotin, nonobstant quetrois mois devant qu’ilavoitesté prisonnier, avoit confessé les choses dessusdictes, respondit publicquement : qu'il n’en estoit riens, et que ce qu'il en avoit confessé avoit esté par force de gehenne et de torture. Toutesfois avoit ledict Perrotin, escript de sa propre main, en les confessant, toutes les choses dessusdictes. Nonobstant ce, nia-t-iltout, etdict : que des choses que l’inquisiteurdisoit il n’en estoit riens. Et comme j'ay cy-dessus dict, il avoit esté pour hérésie publicquement preschié en la salle épiscopale, et sy estoit moult incité, et tant qu’il fallut que sur le hourt on le feit taire, car il voulloit tousjours parler; et eust dict moult de choses sy on l’euist laissé parler.
Après ce, addréça l’inquisiteur ses parolles à Huguet Aubry, dict Patre-nostre, et dict qu’il avoit esté accusé dudict crime de vaulderie par nœuf tesmoings, dont trois luy avoientdicten sa présence, et que, nonobstant quelques tortures qu'on luy sceust faire, il n’avoit oncques riens
voulu confesser; sy encoires il le vouloit confes-
ser, qu’on luy feroit grasce ; et demanda audict Huguet s'il n’estoit point vray qu’il euist esté en ladicte vaulderie. Lequel répondit publicquement : qu’ilnescavoit que c’estoit et queoncques n’y avoitesté. Icelluy Huguct, comme on disoit, avoit esté mis à la gehenne et torture par quinze fois ou plus, la plus griefve gehenne et torture qu’on Îuy pooit faire, et mesmement deulx fois en ung jour. Encoires luy feit-on plus ; car quand on vit qu’il ne voulloit riens confesser touchant la vaulderie, on le mena en ung fort chastel assez près d'Arras, que on appelle Belle-Motte, etillecq feut interroguié, après ce qu’on luy eust monstré le bourrel quy là estoit venu, comme on luy disoit, pour l’exécuter àla mort, et que s’il ne voulloit prestement confesser son faict, il seroit là aussitost exécuté. Et disent aulcuns qu’il olt les yeux bandés, comme sy on le deubst descappiter; mais oncques, pour tout ce, ne confessa d’avoir esté en ladicte vaulderie; et disoit qu’il ne scavoit que c’estoit, et qu’on le faisoit mourir à tort. Quand ledict inquisiteur ouyt qu'il ne voullut encoires riens confesser, syluy dict publicquement : qu'ilavoit rompu prison, et s’estoit eschappé par nuict avec un prestre quy estoit prisonnier pour lar-
et syavoient faict plusieurs aultres maulx. Après
cin, par quoy il s’estoit rendu coupable du faict, mais il avoit esté reprins. Lors se jeta ledict Huguet à genoulx, disant que le prestre l'euist occis s’ilnes’en feust allé avec luy,et leur en prioit mercy. Toutesfois, pour ce qu’il eschappa, feut-il preschié et mitré, car les clercqs disoient que, pour ce qu’il avoit rompu prison il devoit estre atteint du cas. Toutes ces choses dictes et remonstrées publicquement par ledict inquisiteur, feit fin de son preschement.
Après ce, tout incontinent, présent tout le peuple, maistre Pierre le Brousart, inquisiteur de la foy en la ville et cité d'Arras, et maistre Mathieu du Hamel, secrétaire de l’évesque d'Arras, c'est asscavoir, ledict inquisiteur en latin, et ledict maistre Mathieu en francois, rendirent les sentences, chascu ne l’une après l'aultre.
Premier, lasentence dudict seigneur de Beauffort, par laquelle il feut déclaré hérétique, apostat ct idolastre, lequel publicquement en battit sa coulpe, en requérant la miséricorde de l’Eglise ; et par ladicte sentence feut condampné à estre illecq battu publicquement de vergues, comme feut, sur les espaules, tout vestu, sans estre despouillié, par ledict inquisiteur.
Item, feut condampné à tenir prison fermée l'espace de sept ans, en tel lieu que bon sembleroit à l’évesque.
Tiem, feut condampné d'envoyer mectre au tronc des pardons de la villede Malines, en Brabant, lequel tronc estoit ordonné pour y mectre les aulmosnesde ceulx quy vouloient donner aulcune pécune pour aller surles Turcs, ennemis de la foy, et pour soustenir la foy chrestienne, la somme de six mille livres, monnoye d'Artois, quy valloient cinq mille escus d’or, les septante pesant ung marcqde huict onces, pour ledictargent employer à soustenir la foy chrestienne.
Ilem, feut condampné à payer, pour supporter les frais de l’inquisition chrestienne, la somme de quinze cents livres, monnoye dicte.
tem, feut condampné à payer cent cinquante livres, monnoye dicte, à la fabrique de Nostre- Dame d'Arras.
Jiem, feut condampné à payer cent livres, monnoye dicte, pour faire une croix de pierre à Haultes-Fontaines, au lieu auquel il avoit promis faire service au diable, affin qu'il feust mé-
moire de ce.
Item, feut condampné de payer cent livres
monnoye dicte, à l’église de la Trinité, ès faulx bourgs d'Arras.
Item, de payer cent livres, monnoye dicte, à l'église des Carmes, ès faulxbourgs d'Arras.
Item, cent livres aux Jacobins ès faulxbourgs d'Arras, et cent livres aux frères mineurs, toute monnoye dicte.
Item, feut condampné de payer aux filles de Dieu etaulx hospitaulx de la ville et cité d'Arras, à chascun dix livres, monnoye dicte.
Et la punition de prison réservée à la volonté de l’évesque.
Après laquelle sentence dudict seigneur de Beauffort, rendirent la sentence dudict Jehan Tacquet, bourgeois et eschevin d'Arras ; par laquelle sentenceils déclaroient ledict Jehan Tacquet hérétique et idolastre. Et le condampnèrent, par manière de pénitence, à estre illecq publicquement battu de vergues, comme le seigneur de Beauffort l’avoit esté; et le battit illecq prestement ledict inquisiteur, comme ledict seigneur de Beauffort ; lequel Jehan Tacquet requéroit publicquement miséricorde de l'Eglise.
Item, feut condampné à tenir prison fermée, l'espace de dix ans, tousjours réservant la longueur dudict prison à la vollonté de l’évesque. , Îiem, feut condampné à payer au dessusdict tronc de Malines, pour employer à soutenir ladicte foy chrestienne, mille livres, monnoye dicte.
Item, feut condampné à payer pour soustenir les frais de ladicte inquisition, deulx cents livres.
Item, de payer cent livres, monnoye dicte, à l’église de Sainct-Jehan en Rouville, dont il estoit paroissien.
Item, de payer cent livres pour faire une croix de pierre au bois de Mofflaines, en la place où il avoit donné son ame au diable.
Après ceste sentence rendue, rendirent la sentence de Perrotin du Carieux, par laquelle il feut desclaré hérétique, apostat, homicide et idolastre ; et comme ayant aultrefois esté reprins sur la foy , et ne véant en luy aulcuns signes de repentance, comme membre pourry, feut deslivré à la justice la ye.
Après ceste sentence, rendirent la sentence de Huguet Aubry. Et combien queledict Huguet n’euist riens eonfessé, toutesfois, selon l’opinion
de plusieurs clercqs, il estoit atteint du cas,
pour ce qu’il avoit rompu prison. Icelluy Hu-
