LIVRE IV, CHAP. XIV

guet, quand on rendoit sa sentence, estoit à genoulx et pleuroit, en disant qu'il s’attendoit à la sentence des vicaires. Par laquelle sentence il feut condampné à estre mis en clartre, qu'on appelle le Bonnel,quy n’est point droicte chartre, l’espace de vingt ans, en pain et en eaue.

Le bruit commun couroit que, pour tant que cestuy Huguet avoit esté serviteur de l’évesque d'Arras, et despuis de Martin Cornille, qu’il avoit toujours esté conseillié, conforté et aidé des vicairesdudictévesque, et queiceulx vicaires mettoient peine, tant qu’ils pooient, d’annuller et esteindre le faict de vaulderie. Ne scays sy c’estoit vray, pour tant qu’à Paris, Amiens et Tournay, quy sont grosses villes, on avoit prins plusieurs hommes et femmes comme vauldois, auxquels on n’avoit riens faict; ains les avoit-on laissé aller sans aulcune punition. De tout ce, je m'en attends à ce qui en est, et n’en veulx personne chargier.

Mais toutesfois aulcuns clercqs disoient et maintenoient, que partout estoient tant de vauldois,et qu'il y en avoit de si grands, en l’église, à la cour des princes et ailleurs, que c’estoit merveilles.

On disoit aussy que Antechrist, le faulx et desloyal, estoit naist; et que de bref il devoit régner, et que touts les vauldois seroient de sa partie. Dieu, par sa grace, veuille garder touts loyaulx chrestiens, et ne veuille que de nostre temps ne advienne!

Après lesquelles sentences rendues,etchascun ou en partie despartis, les eschevins de la ville d'Arras vindrent requerre comme leur bourgeois ledict Perrotin du Carieulx, lequel, en payant les despens par luy faictes enladicte prison, leur feut rendu celuy jour, environ quatre heures après disner.

Icelluy Pierrottin, ainçois? qu’il se partist de la prison de l’évesque, donna à ung sergeant cinq sols pour les donner au bourrel, afin qu’il le délivrast plustost, quand temps seroit. Et combien que ledict Perrotin sceust bien qu’il debvoit mourir ce jour, sy ne faisoit-il que penser que ses biens deviendroient, en demandantsy on les confisqueroit touts. Et quand on luy disoit qu'il pensast à son ame: il respondoit : que passe avoit trois mois, qu’il n’avoit faict aultre chose que d’y penser. Et après qu’il feut

(4) Né. (2) Avant.

livré à la loy d'Arras, il feut mandé en la halle d'Arras; et illecq présent, descoulpa ceulx qu’il avoit encoulpé de la vaulderie, dont les aulcuns estoient là présents, eschevins et aultres; et dit que ce qu'il avoit dict, escript et confessé, il l’avoit faict par force de gehenne, et qu’autant de gents de nom qu'il cognoissoit, il les avoit touts nommés à faict; et sy plus en eust cognu, plus en eust confessé et nommé. Ce faict, le lieutenant d’Arras le mena à la justice d'Arras; et illecq feut ards, et son corps ramené en pouldre comme les aultres avoient esté; et feurent prins touts ses biens par les officiers du duc comme confisqués ; et aussy feurent touts les biens des aultres quy avoient esté exécutés, nonobstant quelques privilèges que ceulx de la ville d’Arras euissent, par lesquels leurs piviléges ils maintenoient, que d’ung bourgeois d’Arras ne confisquoit-on riens, tenu du comté d'Artois; desquels priviléges ils usoient touts les jours. Mais en cestuy cas, on ne Îles laissa point jouir pour ceste heure : je ne scay comment ceulx de la ville d'Arras en usèrent puis après.

Le vingt-troisiesme jour d'octobre, audict an mil quatre cents soixante, Charles comte de Charrollois, fils de Philippes duc de Bourgoingne, vint en la ville d'Arras, accompagnié d’Adolphe de Clefves, du comte d’Estampes et de messire Anthoine, bastard de Bourgoingne. En laquelle ville, par le commandement de son père, il avoit mandé les trois estats de la comté d’Artois, aulxquels il requist trois aides, sans l’aide ordinaire ; lesquels trois aides valoient quarante mille francs. Et les raisons estoient, pour supporter, comme il feit proposer, les frais de plusieurs ambassades qu'il avoit envoyées en plusieurs pays; C’est à sçavoir, devers le roy de France, où il avoit envoyé l’évesque de Tournay nouvel, quy devant estoit évesque de Toul, messire Jehan de Croy, messire Simon de Lallaing, Toison-d’Or et aultres: item, avoit envoyé en Angleterre le seigneur de Lannoy, gouverneur de Hollande, le mareschal de Bourgoingne et aultres; t{em, avoit envoyé en Escoce le seigneur de Grutuse et aultres seigneurs pour le faict de son neveu, fils du roy d’Escoce : toutes lesquelles ambassades il y avoit envoyé pour le bien de ses pays et pour les tenir en paix. Etavecq ce, feit remonstrer comment ilentretenoit tout l’estatde monseigneur le daulphin, aisné fils du roy de France; lesquelles choses

ne se pooient faire sans grandes mises, par quoy ilestoit de nécessité que ses subjects l’aidassent.

Ceste proposition faicte, les trois estats prindrent congié de retourner en son lieu, chascun pour eulx en conseillier, jusques au quatriesme de novembre ensuivant. Lequel temps durant, ledict comte d’Estampes mena le comte de Charrollois festoyer à Péronne, Bapaumes, Sainct- Quentin et ailleurs; puis revindrentaudict Arras le quatriesme jour dudict mois de novembre ; auquel jour se y retrouvèrent aussy les trois estats, lesquels accordèrent audict duc de Bourgoingne de lever aide et demie et demie aide, au prouffit et pour le comte de Charrollois son fils, quy furent deulx aides, desquelles le comte feut content. et ainsy s’en retourna chez luy.